Redmi K90 Ultra: స్మార్ట్ఫోన్ మార్కెట్లో రెడ్మీకి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మంచి ఫీచర్లు, సరసమైన ధరలతో యూజర్ల నమ్మకాన్ని సంపాదించుకున్న ఈ బ్రాండ్.. ఇప్పుడు మరోసారి హై- ఎక్స్పెక్టేషన్లతో కొత్త ఫోన్ను రంగంలోకి దించడానికి సన్నాహాలు చేస్తోంది. ‘Redmi K90 Ultra’ పేరు మీద త్వరలోనే విడుదల కానున్న ఈ స్మార్ట్ఫోన్ గురించి పూర్తి వివరాలు తెలుసుకుందాం రండి..
తాజా లీక్స్ ప్రకారం.. ఫోన్ మునుపటి K80 Ultraతో పోలిస్తే అన్ని విభాగాల్లోనూ భారీ అప్గ్రేడ్స్తో రానుంది. ముఖ్యంగా కెమెరా పనితీరు, బ్యాటరీ సామర్థ్యం విషయంలో Redme ఈసారి మరో స్థాయికి వెళ్లినట్టే కనిపిస్తోంది. పవర్ యూజర్లను దృష్టిలో పెట్టుకుని.. ఏకంగా 10,000mAh భారీ బ్యాటరీతో ఈ స్మార్ట్ఫోన్ను చైనాలో లాంచ్ చేయాలని కంపెనీ యోచిస్తున్నట్లు టెక్ వర్గాల్లో చర్చ జరుగుతోంది.
Also Read: హెచ్ఎండి టచ్ 4జీ బ్యాక్ అగైన్.. ఆలస్యం చేస్తే మంచి అవకాశాన్ని కోల్పోతారు బాసూ!
ఈ Redmi K90 Ultraలో ఉండే 10,000mAh బ్యాటరీ.. ఇప్పటివరకు వచ్చిన K90 సిరీస్ ఫోన్ల కంటే చాలా పెద్ద అప్గ్రేడ్గా చెప్పొచ్చు. అక్టోబర్లో లాంచ్ అయిన K90, K90 Pro Max మోడల్స్తో పోలిస్తే ఇది మరింత శక్తివంతంగా ఉండనుందని సమాచారం.
మరో విశేషం ఏమిటంటే.. ఈ ఫోన్ 100W ఫాస్ట్ వైర్డ్ ఛార్జింగ్కు మద్ధతు ఇస్తుంది. అలాగే వైర్లెస్ ఛార్జింగ్ విషయంలో కూడా రెడ్మీ తగ్గేదేలేదన్నట్టే ఉంది. K90 Pro Maxలో ఉన్న 50W వైర్లెస్ ఛార్జింగ్ కంటే.. ఇంకా మెరుగైన సామర్థ్యంతో, పూర్తిస్థాయి వైర్లెస్ ఛార్జింగ్ సపోర్ట్ ఇవ్వనున్నట్లు లీక్స్ చెబుతున్నాయి.
రెడ్మీ K90 అల్ట్రాలో ఇంత పెద్ద బ్యాటరీ ఉన్నా కూడా.. ఫోన్ డిజైన్ విషయంలో రెడ్మీ ప్రత్యేక శ్రద్ధ తీసుకున్నట్లు తెలుస్తోంది. కేవలం 8.5mm మందంతో సన్నని ఫ్రేమ్లోనే ఈ భారీ బ్యాటరీని అమర్చడం నిజంగా ఆసక్తికర విషయం. దీని వల్ల ఫోన్ చేతిలో బరువుగా లేదా పెద్దగా అనిపించదన్నది నిపుణుల అంచనా.
ఇక డిస్ప్లే విషయానికి వస్తే, 6.81 నుంచి 6.89 అంగుళాల LTPS OLED స్క్రీన్తో రెడ్మీ K90 అల్ట్రా రానుందని సమాచారం. 1.5K రిజల్యూషన్, 165Hz రిఫ్రెష్ రేట్తో పాటు గుండ్రని అంచులు, మెటల్ మిడిల్ ఫ్రేమ్ వంటి ప్రీమియం డిజైన్ ఎలిమెంట్స్ ఈ ఫోన్ను మరింత ఆకర్షణీయంగా మార్చనున్నాయి. మొత్తానికి, బ్యాటరీ లైఫ్, ఛార్జింగ్ స్పీడ్, డిజైన్.. ఆల్ ఇన్ వన్ పవర్ ప్యాక్గా రెడ్మీ K90 అల్ట్రా మార్కెట్లోకి అడుగుపెట్టే అవకాశాలు కనిపిస్తున్నాయి.
Also Read: ఫ్లిప్కార్ట్ బంపర్ ఆఫర్.. వివో V50e 5G ఫోన్ అద్భుతమైన ధరలో, అస్సలు మిస్ అవ్వకండి!
Share
Harish Rao: ఇంటిని తాకట్టు పెట్టినట్టే.. కాళేశ్వరం సొమ్ము కూడా తిరిగి ఇచ్చేయండి.. హరీష్ రావుపై నెటిజన్లు కామెంట్ల వర్షం
Top 20 News: పార్టీ మారిన ఎమ్మెల్యేపై కేటీఆర్ ఫైర్, బెట్టింగ్ యాప్ల ప్రమోషన్ కేసులో కీలక పరిణామం
