Redmi Soundbar 2 Pro: బడ్జెట్‌లోనే వైర్‌లెస్ సబ్‌వూఫర్‌తో రెడ్‌మి సౌండ్‌బార్ 2 ప్రో.. ధర, ఆధునిక ఫీచర్ల వివరాలివే!

Redmi Soundbar 2 Pro: ప్రముఖ ఎలక్ట్రానిక్ సంస్థ షియోమీ నుంచి Redmi Soundbar 2 Pro విడుదలైంది. అద్భుతమైన సౌండ్ క్వాలిటీ స్పీకర్స్‌ను కలిగి ఉన్న ఈ సౌండ్ సిస్టమ్‌ను పుట్టినరోజు వేడుకలు, ప్రైవేట్ పార్టీలు లేదా పండగలకు కూడా ఉపయోగించుకోవచ్చు. తాజాగా చైనా మార్కెట్‌లోకి వచ్చిన ఈ రెడ్‌మీ సౌండ్‌బార్ స్పీకర్ 2 ప్రో వినియోగదారుల్లో ఆసక్తిని పెంచింది.

ప్రీమియం అనుభూతి:

Redmi Soundbar 2 Pro సిస్టమ్.. వైర్‌లెస్ సబ్ వూఫర్‌తో లభిస్తుంది. మరో ప్రత్యేకత ఏమిటంటే.. ఈ సౌండ్‌బార్ RGB లైటింగ్ వంటి విజువల్ ఫీచర్లను కలిగి ఉంది. షియోమీ సంస్థ ఈ స్పీకర్‌ను ప్రత్యేకంగా కాంపాక్ట్ స్పేస్‌లు, డెస్క్ సెటప్‌లు, హోమ్ ఎంటర్‌టైన్‌మెంట్ కోసమే రూపొందించినట్లు తెలుస్తోంది.

Also Read: కొత్త స్మార్ట్‌ఫోన్ కొనాలా? జనవరిలో మోస్ట్ ట్రెండ్ అవుతున్న ఆండ్రాయిడ్ మొబైల్స్ లిస్ట్ ఇదే!

ధర వివరాలు(అంచనా):

ఈ రెడ్‌మీ సౌండ్‌బార్ 2 ప్రోలో రెండు స్పీకర్లు, రెండు పాసివ్ రేడియేటర్‌లను అమర్చారు. అలాగే ఈ సౌండ్ సిస్టమ్ కనెక్టివిటీ కోసం బ్లూటూత్ 5.3కి సపోర్ట్ ఇస్తుంది. Redmi Soundbar 2 Proలో ప్రధాన సౌండ్‌బార్ యూనిట్‌లో వైర్‌లెస్ సబ్‌ వూఫర్‌ను ఇంటిగ్రేట్ చేయడం జరిగింది. ఈ సబ్‌వూఫర్‌కు ప్రత్యేక పవర్ సోర్స్ అవసరం అయినప్పటికీ.. వైర్‌లెస్ కనెక్షన్ దానిని గదిలోని ఏ మూలన అయినా సులభంగా ఏర్పాటు చేసుకోవచ్చు. ఇక ధర విషయానికి వస్తే.. ఈ సౌండ్‌బార్ సుమారు రూ.6,500గా నిర్ణయించారు. అయితే దీనిని ఇంకా గ్లోబల్ లేదా భారత్‌లో విడుదల చేయలేదు.

ప్రత్యేక ఫీచర్లు:

అద్భుతమైన సౌండ్ క్వాలిటీతో వచ్చిన ఈ సౌండ్‌బార్‌లో రెండు స్పీకర్లు, రెండు పాసివ్ రేడియేటర్‌లతో సహా 4 డ్రైవర్లు కూడా ఉన్నాయి. వీటిని 53-డిగ్రీల కోణంలో ట్యూన్ చేశారు. వైర్‌లెస్ సబ్‌ వూఫర్ 96mm డ్రైవర్‌ను కలిగి ఉండగా.. 60Hz వరకు బాస్ ఫ్రీక్వెన్సీలను అందించగలదని కంపెనీ చెబుతోంది. ఈ Redmi Soundbar 2 Pro ముఖ్య లక్షణం RGB లైటింగ్ సిస్టమే. ఇకపోతే కనెక్టివిటీ కోసం.. ఈ సౌండ్‌బార్ సిస్టమ్‌ బ్లూటూత్ 5.3కి మద్దతు ఇస్తుంది. అలాగే USB పోర్ట్, హెడ్‌ఫోన్ జాక్‌ను సైతం కలిగి ఉంటుంది.

Also Read: యాపిల్ iOS 26.3ను ఎప్పుడు రిలీజ్ చేస్తుంది? ఏయే ఐఫోన్లకు సపోర్ట్ ఇస్తుంది? పూర్తి వివరాలు ఇవిగో!