Restaurant QR Code Scams: సాధారణంగా ఏదైనా హోటల్కో, రెస్టారెంట్కో వెళ్తే అక్కడ టేబుల్పై ఒక QR కోడ్ కనిపిస్తోంది. ఫోన్ తీసి దాన్ని స్కాన్ చేస్తే చాలు.. మెనూ మొత్తం స్క్రీన్ మీద ప్రత్యక్షమవుతుంది. చూడటానికి ఇది చాలా సులువుగా, ఆధునికంగా అనిపించినా, దీని వెనుక పెద్ద ముప్పే దాగుందని సైబర్ నిపుణులు హెచ్చరిస్తున్నారు. ఇటీవల పూణేలో ఒక మహిళకు ఎదురైన చేదు అనుభవం దీనికి ఒక ఉదాహరణ. ఆమె ఒక రెస్టారెంట్లో మెనూ కోసం QR కోడ్ స్కాన్ చేయగా, ఆమె మొబైల్ నెంబర్ అక్కడి సిబ్బందికి చేరింది. ఆ తర్వాత ఆమెకు తెలియని నెంబర్ల నుండి వేధింపుల కాల్స్, మెసేజ్లు రావడం మొదలయ్యాయి. ఈ ఘటన డిజిటల్ భద్రతపై అందరిలోనూ ఆందోళన రేకెత్తిస్తోంది.
చాలా రెస్టారెంట్లకు స్వంతంగా డిజిటల్ మెనూ సిస్టమ్స్ ఉండవు. వారు బయటి కంపెనీల (థర్డ్ పార్టీ) సాఫ్ట్వేర్లను వాడుతుంటారు. మనం QR కోడ్ స్కాన్ చేసినప్పుడు, ఆయా ప్లాట్ఫారమ్లు మన ఫోన్ వివరాలు, లొకేషన్, కాంటాక్ట్స్ వంటివి సేకరించే అవకాశం ఉంది. అక్కడ భద్రతా ప్రమాణాలు సరిగ్గా లేకపోతే, మన వ్యక్తిగత సమాచారం ఇతరుల చేతుల్లోకి వెళ్లిపోతుంది.
ఇంకొక పెద్ద ప్రమాదం ఏమిటంటే.. కేటుగాళ్లు ఒరిజినల్ QR కోడ్ల పైన సరిగ్గా సరిపోయేలా నకిలీ స్టిక్కర్లను అంటిస్తున్నారు. వీటిని స్కాన్ చేయగానే, అవి మనల్ని వేరే దొంగ వెబ్సైట్లకు తీసుకెళ్తాయి. అక్కడ మన బ్యాంక్ వివరాలు, పాస్వర్డ్లు అడగడం లేదా ఫోన్లలోకి హానికరమైన యాప్లను డౌన్లోడ్ చేయడం వంటివి జరుగుతాయి.
Also Read: ఈ ఫోన్తో రీల్స్ చేస్తే వ్యూస్ రాకెట్లా దూసుకెళ్తాయ్.. 4K ఫ్లాష్ రికార్డింగ్తో Honor 600 సంచలనం!
చాలామంది హోటళ్లకు వెళ్లినప్పుడు అక్కడి ఫ్రీ వైఫై వాడుతుంటారు. ఈ ఉచిత ఇంటర్నెట్కు కనెక్ట్ అయ్యి QR కోడ్లు స్కాన్ చేయడం, ఆన్లైన్ పేమెంట్లు చేయడం చాలా ప్రమాదకరం. ఇలాంటి ఓపెన్ నెట్వర్క్లను హ్యాక్ చేయడం సైబర్ నేరగాళ్లకు చాలా తేలిక.
సాధారణంగా హోటల్ మెనూ చూడటానికి మన ఫోన్ నెంబర్ లేదా ఈమెయిల్ ఐడీ అవసరం లేదు. కానీ కొన్ని వెబ్సైట్లు లాగిన్ అవ్వమని అడుగుతుంటాయి. అలాంటప్పుడు అనుమానం వస్తే వెంటనే ఆ సైట్ను క్లోజ్ చేయడం మంచిది. అలాగే టేబుల్పై ఉన్న స్టిక్కర్ ఏమైనా చిరిగిపోయి, దానిపై ఇంకో స్టిక్కర్ అంటించినట్టు ఉంటే అస్సలు స్కాన్ చేయవద్దు.
టెక్నాలజీ మన జీవితాన్ని సులభతరం చేస్తున్న మాట నిజమే అయినా, కాస్త అజాగ్రత్తగా ఉన్నా భారీ మూల్యం చెల్లించుకోవాల్సి వస్తుంది. హోటల్ యాజమాన్యాలు కూడా తమ కస్టమర్ల డేటా దుర్వినియోగం కాకుండా చూసుకోవాలి. కస్టమర్లు కూడా కేవలం మెనూ కార్డుల కోసమే కాకుండా, డిజిటల్ చెల్లింపులు చేసేటప్పుడు కూడా QR కోడ్లను ఒకటికి రెండుసార్లు పరిశీలించుకోవడం మంచిది.
Also Read: టెక్ లవర్స్కు పూనకాలే.. Xiaomi 18 కంటే ముందే మార్కెట్లోకి Redmi K100, ఇక విధ్వంసమే!
Share
CBSE సంచలనం.. 9, 10 తరగతులకు 3 భాషలు తప్పనిసరి.. రూల్స్ మారాయ్!
Shahid Afridi : హిందూ ఫాలోవర్లను సంపాదించుకునేందుకే కోహ్లీ దొంగ పూజలు !
