Samsung Galaxy S24 Ultra| సామ్‌సంగ్ కంపెనీ తమ ప్రీమియం రేంజ్ స్మార్ట్‌ఫోన్ అయిన గెలాక్సీ S24 అల్ట్రా ధరపై భారీ డిస్కౌంట్ ప్రకటించింది. అడ్వాన్స్‌డ్ ఏఐ టెక్నాలజీతో కూడిన ఈ ఫోన్ ధరలో ఇప్పుడు రూ.50,000 వరకు తగ్గింపు లభిస్తోంది. ఈ ఫోన్‌ను కొనుగోలు చేసేటప్పుడు కస్టమర్లు బ్యాంకు డిస్కౌంట్లు, ప్రత్యేక ఆఫర్లను కూడా పొందవచ్చు. ఈ ఏడాది గెలాక్సీ S25 సిరీస్ విడుదలైన తర్వాత.. సామ్‌సంగ్ ఈ ఫోన్ ధరను మరింత తగ్గించే నిర్ణయం తీసుకుంది. అద్భుతమైన ఫీచర్లతో, అత్యుత్తమ కెమెరాతో వినియోగదారులను ఈ ఫోన్ విపరీతంగా ఆకర్షిస్తోంది.
సామ్‌సంగ్ గెలాక్సీ S24 అల్ట్రా డిస్కౌంట్
ఈ-కామర్స్ ప్లాట్‌ఫామ్ ఫ్లిప్‌కార్ట్‌లో సామ్‌సంగ్ గెలాక్సీ S24 అల్ట్రా రెండు స్టోరేజ్ ఆప్షన్లలో లభిస్తోంది: 12GB RAM + 256GB, 12GB RAM + 512GB. ఈ ఫోన్ మొదట రూ. 1,34,999 ధరతో లాంచ్ అయింది, కానీ ఇప్పుడు దీని ధర రూ. 85,948కి తగ్గింది. అదే విధంగా, 512GB స్టోరేజ్ వేరియంట్ మొదట రూ. 1,44,999 ధరలో ఉండగా, ఇప్పుడు రూ. 99,499కి అందుబాటులో ఉంది. అంతేకాకుండా, కొనుగోలుపై అదనంగా రూ. 750 డిస్కౌంట్ కూడా పొందవచ్చు. ఈ ఆఫర్లు కస్టమర్లకు ఈ ఫ్లాగ్‌షిప్ ఫోన్‌ను సరసమైన ధరలో కొనుగోలు చేసే అవకాశాన్ని అందిస్తున్నాయి.
సామ్‌సంగ్ గెలాక్సీ S24 అల్ట్రా ఫీచర్లు
సామ్‌సంగ్ గెలాక్సీ S24 అల్ట్రా అద్భుతమైన ఫీచర్లతో వస్తుంది. ఈ ఫోన్‌లో 6.8 ఇంచెస్ 2X డైనమిక్ AMOLED డిస్‌ప్లే ఉంది, ఇది LTPO 120Hz రిఫ్రెష్ రేట్‌ను సపోర్ట్ చేస్తుంది. ఇందులో ఇన్-డిస్‌ప్లే ఫింగర్‌ప్రింట్ సెన్సార్ కూడా ఉంది, ఇది వినియోగదారులకు సౌలభ్యాన్ని అందిస్తుంది. ఈ ఫోన్ క్వాల్కామ్ స్నాప్‌డ్రాగన్ 8 జనరేషన్ 3 లేదా ఎక్సినోస్ 2400 ప్రాసెసర్‌తో పనిచేస్తుంది. ఇది 12GB RAM, 1TB వరకు ఇంటర్నల్ స్టోరేజ్‌ను అందిస్తుంది. ఈ ఫోన్‌లో 5000mAh బ్యాటరీ ఉంది. ఇక ఛార్జింగ్ విషయానికి వస్తే.. 45W వైర్డ్, వైర్‌లెస్ ఛార్జింగ్‌కు సపోర్ట్ చేస్తుంది. బ్యాటరీ ఒక్కసారి ఛార్జ్ చేస్తే రోజంతా సౌకర్యవంతంగా ఉపయోగించవచ్చు.
ఈ స్మార్ట్‌ఫోన్ ఆండ్రాయిడ్ 14 ఆధారంగా OneUI 6తో రన్ అవుతుంది. తాజా ఆపరేటింగ్ సిస్టమ్‌కు అప్‌గ్రేడ్ చేయబడుతుంది. అదనంగా, ఈ ఫోన్‌తో S-పెన్ కూడా వస్తుంది. దీంతో వినియోగదారులు.. రాయడం, డ్రాయింగ్ చేయడం వంటి పనులు సౌలభ్యాంగా చేసుకోవచ్చు.
కెమెరా ఫీచర్లు
సామ్‌సంగ్ గెలాక్సీ S24 అల్ట్రా కెమెరా సిస్టమ్ దాని ప్రధాన ఆకర్షణ. ఇందులో క్వాడ్-కెమెరా సెటప్ ఉంది. పైగా 200MP ప్రధాన కెమెరా ప్రత్యేక ఆకర్షణగా నిలుస్తుంది. ఈ కెమెరా ఆప్టికల్ ఇమేజ్ స్టెబిలైజేషన్ (OIS)తో వస్తుంది. ఇది స్పష్టమైన, అధిక నాణ్యత గల ఫోటోలను తీయడానికి సహాయపడుతుంది. దీంతో పాటు 50MP, 12MP, 10MP లతో మూడు అదనపు కెమెరాలు ఉన్నాయి. సెల్ఫీలు, వీడియో కాల్స్ కోసం 12MP ఫ్రంట్ కెమెరా ఉంది. ఈ కెమెరాలు అద్భుతమైన ఫోటోలు, వీడియోలను తీయడానికి అనువైనవి, ముఖ్యంగా తక్కువ వెలుతురు పరిస్థితుల్లో కూడా అద్భుతమైన ఫలితాలను ఇస్తాయి.
Also Read: ఫారిన్ కంట్రీలో నెలకు రూ.1.5 లక్ష జీతం.. తెలంగాణ ప్రభుత్వ ఏజెన్సీ రిక్రూట్మెంట్
ఎక్కడ కొనుగోలు చేయాలి?
సామ్‌సంగ్ గెలాక్సీ S24 అల్ట్రా ఈ ఆఫర్ ధరలతో ఫ్లిప్‌కార్ట్‌లో అందుబాటులో ఉంది. ఈ ఫోన్ అడ్వాన్స్‌డ్ ఫీచర్లు, పవర్‌ఫుల్ ప్రాసెసర్, అద్భుతమైన కెమెరా సిస్టమ్‌తో ప్రీమియం స్మార్ట్‌ఫోన్ ప్రియులకు భారీ డిస్కెంట్ తో లభించే బెస్ట్ ఆప్షన్. ఈ ధర తగ్గింపు ఆఫర్‌ను సద్వినియోగం చేసుకోవడానికి ఇప్పుడే ఫ్లిప్‌కార్ట్‌లో చెక్ చేయండి. అదనపు బ్యాంకు డిస్కౌంట్లతో మరింత ఆదా చేయండి.
(గమనిక: స్టాక్, సమయం ఆధారంగా ధరలు, ఆఫర్లు మారవచ్చు కాబట్టి కొనుగోలు చేసే ముందు ఫ్లిప్‌కార్ట్‌లో తాజా వివరాలను చెక్ చేయండి.)
Share
Visakha Express: విశాఖ ఎక్స్‌ప్రెస్‌లో దొంగలు హల్‌చల్‌.. రైల్వే పోలీసుల కాల్పులు
Telangana Bjp: తెలంగాణ బీజేపీకి కొత్త సారథి.. ఆ ఇద్దరిలో ఒకరికే ఛాన్స్
