Galaxy Tab Active 6: శాంసంగ్ కంపెనీ నుంచి రగ్గడ్ ట్యాబ్లెట్ సిరీస్లో మరో సరికొత్త మోడల్ రాబోతోంది. Galaxy Tab Active 5కి కొనసాగింపుగా Galaxy Tab Active 6ను మార్కెట్లోకి తీసుకురావడానికి కంపెనీ కసరత్తు చేస్తోంది. ఈ అప్కమింగ్ ట్యాబ్లెట్కు సంబంధించిన కొన్ని కీలక వివరాలు సోషల్ మీడియాలో లీకయ్యాయి. ఆఫీస్ పనులకు, ఫీల్డ్ వర్క్ చేసేవారికి ఇది ఎంతో ఉపయోగకరంగా ఉండనుంది.
ఈ ట్యాబ్లెట్ లాంచ్పై శాంసంగ్ అధికారికంగా ఎలాంటి ప్రకటన చేయనప్పటికీ.. ఇది 2027 ప్రారంభంలో గ్లోబల్ మార్కెట్లో విడుదలయ్యే అవకాశం ఉన్నట్లు తెలుస్తోంది. ప్రస్తుతం ఈ డివైజ్ SM-X316B మోడల్ నెంబర్తో తయారవుతున్నట్లు సమాచారం. మునుపటి మోడల్స్ కంటే ఇది మరింత బలంగా, వేగంగా పనిచేస్తుందని టెక్ వర్గాలు చెబుతున్నాయి.
Also Read: ఫొటో తీశాక కూడా బ్యాక్గ్రౌండ్ మార్చేయొచ్చు.. Apple Intelligence సరికొత్త మ్యాజిక్ అదే మరి!
ఇందులో 5G కనెక్టివిటీని ప్రామాణికంగా అందించనున్నారు. దీనివల్ల వైఫై లేని ప్రాంతాల్లో, మారుమూల ప్రదేశాలలో కూడా ఎలాంటి అంతరాయం లేకుండా ఇంటర్నెట్ వాడుకోవచ్చు. అలాగే ఈ ట్యాబ్లెట్ లేటెస్ట్ ఆండ్రాయిడ్ 17 ఆధారిత వన్ యూఐ 9 సాఫ్ట్వేర్తో పనిచేస్తుందని అంచనా వేస్తున్నారు. ఇది యూజర్లకు చాలా స్మూత్ ఎక్స్పీరియన్స్ను ఇస్తుంది.
కఠినమైన వాతావరణంలో తట్టుకునేలా దీని బాడీ డిజైన్ ఉండనుంది. మెరుగైన ప్రాసెసర్, ఎక్కువ కాలం మన్నిక వచ్చే బ్యాటరీ, అప్గ్రేడెడ్ నెట్వర్క్ ఫీచర్లు దీనిలో ఉండబోతున్నాయి. శాంసంగ్ సిగ్నేచర్ S-పెన్ సపోర్ట్ కూడా లభిస్తుంది. అంతేకాకుండా.. బిజినెస్ అవసరాల కోసం గట్టి సెక్యూరిటీ ఫీచర్లను కూడా జోడించనున్నారు.
గతంలో వచ్చిన ట్యాబ్ యాక్టివ్ 5 విషయానికి వస్తే.. అది 8 ఇంచుల డిస్ప్లే, 5ఎన్ఎమ్ ఆక్టాకోర్ ప్రాసెసర్, 5050mah రిమూవబుల్ బ్యాటరీ, ఐపీ68 రేటింగ్తో వచ్చింది. ఇప్పుడు రాబోతున్న కొత్త మోడల్ అంతకంటే మెరుగైన కెమెరా, డిస్ప్లేతో పాటు అద్భుతమైన ఫీచర్లతో అలరించనుంది. ఈ ట్యాబ్ ధర, పూర్తి స్పెసిఫికేషన్ల వివరాలు తెలియాలంటే మరికొన్ని రోజులు ఆగాల్సిందే.
Also Read: Samsung Galaxy A27: శాంసంగ్ నుంచి మోస్ట్ అవేటెడ్ ఫోన్.. భారీగా పెరిగన ధర!
Share
అభిమానులపై మళ్లీ ఫైర్ అయిన బాలయ్య.. విజువల్స్ సోషల్ మీడియాలో వైరల్!
బీఆర్ఎస్ ను వెంటాడుతున్న బతుకమ్మ కుంట! హెలికాప్టర్ తో పూలు చల్లించినందుకు నజరానా నా!? ఏమిటా కథ!?
