Galaxy Unpacked 2026: శాంసంగ్ లవర్స్ ఎంతో ఆసక్తిగా ఎదురుచూస్తున్న తరుణం రానే వచ్చింది. ప్రతిష్టాత్మక ‘గెలాక్సీ అన్ప్యాక్డ్ 2026’ ఈవెంట్కు సర్వం సిద్ధమైన వేళ.. సరికొత్త మోడళ్లతో మార్కెట్ను షేక్ చేసేందుకు సంస్థ సిద్ధమైంది. ఈసారి మడతపెట్టినా చెక్కుచెదరని ‘ఫ్లెక్స్ టైటానియం’ డిస్ప్లేతో Galaxy Z Fold 8, Z Flip 8 మోడళ్లను పరిచయం చేయబోతోంది. వీటితో పాటు సరికొత్త స్మార్ట్వాచ్లు, ఓ సీక్రెట్ ఫోల్డబుల్ ఫోన్ కూడా సందడి చేయనున్నాయి. ఈ గ్రాండ్ ఈవెంట్ ఎప్పుడు, ఎక్కడ జరగనుంది? లీకైన మైండ్ బ్లోయింగ్ ఫీచర్లు ఏంటో ఇప్పుడు చూద్దాం!
గెలాక్సీ అన్ప్యాక్డ్ 2026 ఈవెంట్కు ముహూర్తం ఖరారైంది. జూలై 22న లండన్ వేదికగా ఈ కార్యక్రమం ఘనంగా జరగనుంది. మన భారత కాలమానం ప్రకారం సాయంత్రం 6:30 గంటలకు శాంంసంగ్ అధికారిక యూట్యూబ్ ఛానెల్, వెబ్సైట్లలో ఈ కార్యక్రమాన్ని లైవ్లో చూడవచ్చు.
Also Read: కొత్త Air Purifier కొనేముందు తప్పక చూడాల్సిన 5 ముఖ్యమైన ఫీచర్లు ఇవే!
ఇందులో ప్రధానంగా Galaxy Z Fold 8, Z Flip 8 ఫోన్లు సందడి చేయనున్నాయి. Z Fold 8 మోడల్ మెరుగైన బ్యాటరీ, సూపర్ పెర్ఫార్మెన్స్తో రానుండగా.. Z Flip 8 స్టైలిష్ లుక్, సరికొత్త ప్రాసెసింగ్ పవర్తో వస్తోంది. వీటితో పాటు పాస్పోర్ట్ డిజైన్లో ఉండే మరొక కొత్త రకం పాకెట్ ఫ్రెండ్లీ ఫోల్డబుల్ ఫోన్ను కూడా శాంంసంగ్ పరిచయం చేయనున్నట్లు వార్తలు వస్తున్నాయి.
ఈసారి ఫోల్డబుల్ స్క్రీన్ల కోసం శాంసంగ్ ప్రత్యేకంగా Flex Titanium టెక్నాలజీని వాడుతోంది. స్క్రీన్ కింద టైటానియం అల్లాయ్ పొర ఉండటం వల్ల డిస్ప్లే చాలా గట్టిగా, మన్నికగా ఉంటుంది. ఫోన్ మడిచినప్పుడు వచ్చే మడత మచ్చలు కూడా చాలా తక్కువగా కనిపిస్తాయి. స్నాప్డ్రాగన్ 8 ఎలైట్ జెన్ 5 ప్రాసెసర్, 12GB ర్యామ్, 45W ఫాస్ట్ ఛార్జింగ్ వంటి ఫ్లాగ్షిప్ ఫీచర్లు ఈ ఫోన్లలో ఉండనున్నాయి.
ఫోన్లతో పాటు Galaxy Watch 9, Watch Ultra 2 స్మార్ట్వాచ్లను కూడా సంస్థ లాంచ్ చేయనుంది. ఇవి కొత్త హెల్త్ ట్రాకింగ్, ఏఐ వెల్నెస్ ఫీచర్లతో రాబోతున్నాయి. మరో ఆసక్తికర విషయం ఏమిటంటే.. కొత్త స్పైడర్ మ్యాన్ సినిమాతో శాంసంగ్ ఈసారి పార్ట్నర్షిప్ కుదుర్చుకుంది. ఈ ఫోన్లు, వాచ్ల ధరలు, ప్రీ-ఆర్డర్ వివరాలు జులై 22న జరగబోయే ఈవెంట్లో అధికారికంగా వెల్లడి కానున్నాయి.
Also Read: 9,720mAh భారీ బ్యాటరీ, 45W ఫాస్ట్ ఛార్జింగ్.. షావోమీ కొత్త టాబ్లెట్ లీక్స్ రివీల్!
Share
గర్ల్ ఫ్రెండ్ కోసం కుక్కను తెచ్చి కొత్త చిక్కుల్లో... డాగ్ లవర్స్ డోంట్ మిస్
ఇదేందయ్యా ఇది.. ఈ ఫ్రిడ్జ్లో మనుషులు కూర్చోవచ్చా? జపానోళ్లది బుర్రే బుర్ర!
