Smart TV Cleaning: ప్రస్తుతం ప్రతీ ఇంట్లో స్మార్ట్ టీవీలు ముఖ్యమైన వస్తువులుగా మారిపోయాయి. అయితే సహజంగానే వీటిపై ఎప్పటికప్పుడు దుమ్ము, దూళి పేరుకుపోతుంటాయి. స్క్రీన్ పై డస్ట్ ఉండటం వల్ల సినిమాలు, సిరీస్ లు చూసేందుకు కాస్త ఇబ్బంది అనిపించవచ్చు. దీంతో చాలా మంది చేతికి దొరికిన వస్తువుతో స్క్రీన్ ను తుడిచే ప్రయత్నం చేస్తుంటారు. ఇది చాలా తప్పని నిపుణులు హెచ్చరిస్తున్నారు. ఏమాత్రం అలసత్వం వహించినా.. టీవీ స్క్రీన్స్ దెబ్బతిని రూ.వేల రూపాయల నష్టం రావొచ్చని పేర్కొంటున్నారు. కాబట్టి టీవీ స్క్రీన్ క్లీనింగ్ సందర్భంగా పాటించాల్సిన గోల్డెన్ రూల్స్ ఏంటో ఈ కథనంలో చూద్దాం.
సాధారణంగా కిటికీలు, అద్దాలను తుడవడానికి వాడే ‘కోలిన్’ వంటి గ్లాస్ క్లీనర్లను కొందరు టీవీ స్క్రీన్ తుడవడానికి వినియోగిస్తుంటారు. ఇది అస్సలు మంచిది కాదు. వీటిలో ఉండే అమ్మోనియా, ఆల్కహాల్ వంటి కెమికల్స్ టీవీ స్క్రీన్పై ఉండే ప్రొటెక్టివ్ కోటింగ్ను దెబ్బతీస్తాయి. దీనివల్ల స్క్రీన్ కలర్ మారిపోవడం, మసకబారడం జరుగుతుందని నిపుణులు హెచ్చరిస్తున్నారు.
టీవీని తుడవడానికి కొందరు న్యూస్ పేపర్లు, టిష్యూ పేపర్లు, లేదా ఇంట్లో ఉండే రఫ్ బట్టలను వాడుతుంటారు. ఇది కరెక్ట్ కాదని నిపుణులు పేర్కొంటున్నారు. అవి చూడటానికి మెత్తగా అనిపించినా వీటిలోని పీచు పదార్థం స్క్రీన్పై స్క్రాచెస్ పడేలా చేస్తాయని హెచ్చరిస్తున్నారు. కేవలం మైక్రోఫైబర్ క్లాత్ (కళ్లద్దాలు లేదా ల్యాప్టాప్ తుడిచే గుడ్డ)ను మాత్రమే టీవీ స్క్రీన్ క్లీనింగ్ కు వాడాలని సూచిస్తున్నారు.
స్క్రీన్పై నేరుగా నీటిని గానీ, ఎలాంటి లిక్విడ్ను గానీ స్ప్రే చేయకూడదని నిపుణులు సూచిస్తున్నారు. అలా చేయడం వల్ల ద్రవం కిందికి జారి టీవీ లోపలి భాగాల్లోకి వెళ్లి షార్ట్ సర్క్యూట్కు దారితీయెుచ్చని హెచ్చరిస్తున్నారు. ఏవైనా మొండి మరకలు ఉంటే మైక్రోఫైబర్ క్లాత్ను లైట్ గా తడిపి, నీటిని పిండేసి నెమ్మదిగా తుడవాలని హితవు పలుకుతున్నారు.
Also Read: షావోమి అధునాతన ‘FX Mini LED’ టీవీలు.. ఆశ్చర్యపరిచే ఫీచర్లు.. భారీ స్క్రీన్పై విజువల్స్ పండగ!
టీవీని శుభ్రం చేసే క్రమంలో అనుసరించాల్సిన మరికొన్ని జాగ్రత్తలను సైతం నిపుణులు సూచిస్తున్నారు. వారి ప్రకారం.. క్లీనింగ్ కు ముందు తప్పనిసరిగా టీవీని పవర్ ఆఫ్ చేసి, ప్లగ్ తొలగించాలి. స్క్రీన్పై గట్టిగా ఒత్తిడి పెట్టకుండా మృదువుగా తుడవాలి. స్క్రీన్ ను పూర్తిగా తుడిచిన తర్వాతే టీవీని ఆన్ చేయాలి. ఈ చిన్నపాటి జాగ్రత్తలు పాటిస్తే స్మార్ట్ టీవీ స్క్రీన్ కొత్తదానిలా మెరుస్తూ ఎక్కువ కాలం మన్నికగా ఉంటుందని నిపుణులు స్పష్టం చేస్తున్నారు.
Also Read: కాలం మారిందోచ్.. ఇక వర్షాకాలంలో వెచ్చగా ఉంచే.. టాప్ 5 ఏసీలు ఇవే..!
Share
కేటీఆర్పై వ్యాఖ్యలా? ఒళ్ళు దగ్గర పెట్టుకో కడియం.. డాక్టర్ రాజయ్య హెచ్చరిక
ఐకేపీ కేంద్రాల్లో నిలిచిన ధాన్యం కొనుగోళ్లు.. అకాల వర్షంతో తడిసి మొలకెత్తుతున్న వరి కుప్పలు!
