Elon Musk Smartphone| ప్రపంచంలోని అత్యంత ధనికుల్లో ఒకడైన వ్యాపారవేత్త ఎలాన్ మస్క్ కొత్త కొత్త ప్రొడక్ట్లతో బిజినెస్, టెక్ ప్రపంచంలో ఎప్పుడూ ట్రెండింగ్లో ఉంటారు. ఆయనకు
ఎలక్ట్రిక్ కార్లు, రోబోలు, సోషల్ మీడియా, స్పేస్ టెక్నాలజీ రంగంలో పెద్ద కంపెనీలున్నాయి. ఆయన త్వరలోనే స్మార్ట్ఫోన్ మార్కెట్లోకి ఎంట్రీ ఇవ్వనున్నారని సమాచారం. ఆండ్రాయిడ్, ఐఫోన్లకు భిన్నంగా పూర్తిగా కొత్త రకం ఫోన్ తయారు చేయాలని మస్క్ ఆసక్తి చూపుతున్నట్లు సమాచారం. ఈ ఫోన్ ఆర్టిఫిషియల్ ఇంటెలిజెన్స్ (AI), గరిష్ట పనితీరు ప్రాధాన్యంగా డిజైన్ చేయబడుతుంది. టెస్లా, స్పేస్ఎక్స్, xAI కంపెనీలను నడిపే మస్క్ ప్రపంచవ్యాప్తంగా టెక్నాలజీ ఇన్నోవేషన్లో ముందుంటారు. ఆయన మాటలు వినగానే టెక్ ఔత్సాహికుల్లో ఉత్సాహం నిండిపోయింది.
X (ట్విట్టర్)లో ఒక యూజర్ స్టార్లింక్ బ్రాండ్ స్మార్ట్ఫోన్ రావాలని పోస్ట్ చేశాడు. స్టార్లింక్ స్పేస్ఎక్స్ శాటిలైట్ ఇంటర్నెట్ సర్వీస్. వేలాది లో-ఎర్త్ ఆర్బిట్ శాటిలైట్లతో అతి వేగవంతమైన ఇంటర్నెట్ ఇస్తుంది. దూరమైన ప్రాంతాల్లో కూడా ఇంటర్నెట్ అందిస్తుంది. ఈ పోస్ట్కు మస్క్ స్పందించారు. ఇలాంటి ఐడియాతో తాను పనిచేయడానికి తాను సిద్ధంగా ఉన్నానని ఆయన చెప్పడం ఇప్పుడు ఆసక్తికరంగా మారింది. భవిష్యత్తులో అలాంటి ఫోన్ రావచ్చని సూచించారు. దీంతో స్టార్లింక్ స్మార్ట్ఫోన్ గురించి ఊహాగానాలు బలంగా మారాయి.
ఎలాన్ మస్క్ ప్రకారం.. ఈ ఫోన్ ప్రస్తుత స్మార్ట్ఫోన్లకు పూర్తిగా భిన్నంగా ఉంటుంది. గరిష్ట పనితీరు కోసం ఆప్టిమైజ్ చేస్తారు. న్యూరల్ నెట్వర్క్లను సమర్థవంతంగా రన్ చేసేలా డిజైన్ చేస్తారు. అడ్వాన్స్ న్యూరల్ ప్రాసెసింగ్ యూనిట్లు ఉండవచ్చు. ఇవి AI టాస్క్లను ఫోన్లోనే రన్ చేస్తాయి. క్లౌడ్ సర్వర్లపై ఆధారపడాల్సిన అవసరం తగ్గుతుంది. స్పీడ్, ప్రైవసీ, ఎఫిషియెన్సీ పెరుగుతాయి. భవిష్యత్ AI అప్లికేషన్లకు, రోబోటిక్స్, ఆటోమేషన్కు సరిపోతుంది.
మస్క్ AI అభివృద్ధిపై బలమైన నమ్మకం కలిగి ఉన్నారు. xAI కంపెనీ ద్వారా అడ్వాన్స్ AI మోడల్స్ తయారు చేస్తున్నారు. న్యూరల్ కంప్యూటింగ్ కోసం డిజైన్ చేసిన స్మార్ట్ఫోన్ ఆయన విజన్కు సరిపోతుంది. AI టూల్స్, సర్వీసెస్తో డీప్ ఇంటిగ్రేషన్ ఉంటుంది. ఇంటర్నెట్ లేకుండానే రియల్-టైమ్ AI పనులు చేయగలదు. ఇది ప్రస్తుత స్మార్ట్ఫోన్లకు భిన్నంగా ఉంటుంది.
ప్రస్తుతం మస్క్.. టెస్లా ఆప్టిమస్ హ్యూమనాయిడ్ రోబోపై దృష్టి పెట్టారు. టెస్లా సాధారణ కార్ల కంటే రోబోటిక్స్ టెక్నాలజీ ప్రాధాన్యత ఇస్తోంది. Model S, Model X ఉత్పత్తిని ఆపేశారు. కాలిఫోర్నియా ఫ్యాక్టరీని ఆప్టిమస్ ఉత్పత్తికి ఉపయోగిస్తారు. రోబోలకు డిమాండ్ ఎక్కువగా ఉంటుందని మస్క్ భావిస్తున్నారు. భవిష్యత్ ఎకానమీలో రోబోలు ముఖ్య పాత్ర పోషిస్తాయని చెబుతున్నారు. ఇది స్మార్ట్ఫోన్ లాంచ్ను కొంత ఆలస్యం చేయవచ్చు.
కొత్త ఫోన్ లాంచ్ టైమ్లైన్, ధర, డిజైన్ వివరాలను మస్క్ ఇంకా చెప్పలేదు. అయితే ఆయన కొత్త ఫోన్ తయారీ కోసం సీరియస్గా ఉన్నట్లు స్పష్టమవుతోంది. మస్క్ కంపెనీ డిజైన్ చేసే ఫోన్.. స్మార్ట్ఫోన్ మార్కెట్ను కదిలించవచ్చు. ఆండ్రాయిడ్, ఆపిల్ ఆధిపత్యాన్ని సవాలు చేయవచ్చు. AI-ఫస్ట్ స్మార్ట్ఫోన్లు తదుపరి టెక్ రివల్యూషన్కు దారితీయవచ్చు.
Share
CCL 2026: ‘సీసీఎల్ 2026’ విజేతగా కర్ణాటక బుల్డోజర్స్.. ముగిసిన తెలుగు వారియర్స్ పోరాటం
UP Crime: తొమ్మిదేళ్ల ప్రేమ.. ఆపై వివాహం.. రెండు నెలలకే అత్యంత దారుణంగా హత్య, అసలేం జరిగింది?
