Tecno Pova 8: టెక్నో ప్రియులకు గుడ్ న్యూస్. భారత మార్కెట్లోకి సరికొత్త స్మార్ట్ఫోన్ను తీసుకొచ్చేందుకు టెక్నో సంస్థ సర్వం సిద్ధం చేసింది. తన పాపులర్ పోవా సిరీస్లో భాగంగా Tecno Pova 8 ఫోన్ లాంచ్ డేట్ను అధికారికంగా ప్రకటించింది. దీనికి సంబంధించిన డిజైన్, కలర్స్, బ్యాటరీ వివరాలను కూడా కంపెనీ టీజ్ చేసింది.
Tecno Pova 8 స్మార్ట్ఫోన్ ఈనెల 11న భారత మార్కెట్లోకి అడుగుపెట్టనుంది. ఈ విషయాన్ని కంపెనీ తమ అధికారిక ఎక్స్ (ట్విట్టర్) ఖాతా ద్వారా స్పష్టం చేసింది. ప్రముఖ ఈ-కామర్స్ సైట్ ఫ్లిప్కార్ట్లో అందుబాటులో ఉన్న బ్యానర్ ప్రకారం.. ఈ ఫోన్ సేల్స్ కూడా ఫ్లిప్కార్ట్ ద్వారానే జరగనున్నాయి.
ఈ కొత్త ఫోన్ డిజైన్ పరంగా అందరినీ ఆకట్టుకుంటోంది. ముఖ్యంగా గ్రీన్, సిల్వర్ కలర్ ఆప్షన్లలో లభించే ఈ ఫోన్ వెనుక వైపు కెమెరా మాడ్యూల్ను కాస్త వైవిధ్యంగా డిజైన్ చేశారు. అలాగే దీనిలో మ్యాట్రిక్స్ స్టైల్ డాటెడ్ లైటింగ్ ఫీచర్ను అందించినట్లు తెలుస్తోంది. నథింగ్ ఫోన్లలో కనిపించే గ్లిఫ్ ఇంటర్ఫేస్ తరహాలోనే, స్క్రీన్ ఆన్ చేయకుండానే నోటిఫికేషన్లు, ఇతర సమాచారాన్ని ఈ మైక్రో ఎల్ఈడీ లైట్ల ద్వారా తెలుసుకోవచ్చు.
Also Read: 10000mAh భారీ బ్యాటరీతో రియల్మీ కొత్త 5G ఫోన్లు.. ఒక్క ఛార్జ్తో 2 రోజుల బ్యాకప్?
ఈ ఫోన్ ప్రధాన ఆకర్షణ దీని బ్యాటరీ సామర్థ్యమే. దీనిలో ఏకంగా 8,000mAh భారీ బ్యాటరీని అందిస్తున్నట్లు కంపెనీ ధృవీకరించింది. దీనికి తోడు 45W వైర్డ్ ఫాస్ట్ చార్జింగ్ సపోర్ట్ కూడా ఉండటంతో బ్యాటరీ త్వరగానే ఫుల్ అవుతుంది. ఒక్కసారి చార్జ్ చేస్తే రెండు, మూడు రోజుల పాటు బ్యాటరీ గురించి ఆలోచించాల్సిన అవసరం ఉండదు.
లీకైన వివరాల ప్రకారం.. ఈ ఫోన్ మీడియాటెక్ డైమెన్సిటీ 7100 ప్రాసెసర్తో రానుంది. ఆండ్రాయిడ్ 16 ఆపరేటింగ్ సిస్టమ్పై ఇది పనిచేయనుంది. కనెక్టివిటీ పరంగా 5G నెట్వర్క్తో పాటు బ్లూటూత్, వై-ఫై, ఎన్ఎఫ్సీ సపోర్ట్ కూడా ఉంటుంది. ఈ స్మార్ట్ఫోన్ 6GB+128GB, 8GB+128GB, అలాగే 8GB+256GB వేరియంట్లలో లభించే అవకాశం ఉంది.
Also Read: WhatsAppలో ఈ ఒక్క సెట్టింగ్ OFFలో ఉంటే.. మీ పర్సనల్ చాట్స్ హాకర్ల చేతికి చిక్కినట్టే!
Share
రామ్ చరణ్ ‘పెద్ది’ మూవీలో ఆ సీన్స్ డిలీట్.. బుచ్చిబాబు షాకింగ్ డెసిషన్!
రేవంత్కు క్లోజ్గా ఉండటంతో.. నా ఫోనూ ట్యాప్ చేశారు.. ఎంపీ చామల కీలక వ్యాఖ్యలు
