Tiny Desktop PC: ప్రస్తుత రోజుల్లో ప్రతీ ఒక్కరికి కంప్యూటర్ లేదా ల్యాప్ టాప్ తప్పనిసరిగా మారిపోయింది. అయితే సీపీయూ కలిగిన మానిటర్ కొనుగోలు చేయాలంటే భారీగా ఖర్చు చేయాల్సిందే. ఒక వేళ ల్యాప్ టాప్ తీసుకోవాలని భావించినా.. రూ.30-50 వేల వరకూ ఖర్చు చేస్తే గాని మంచిది రాని పరిస్థితి. అయితే ఇంట్లోని స్మార్ట్ టీవీనే కంప్యూటర్ మార్చుకుంటే ఎలా ఉంటుందన్న అభిప్రాయాలు చాలా మందిలో సహజంగానే ఉంటుంది. అయితే ఇందుకోసం పెద్ద సీపీయూ సెటప్ అవసరం. కానీ అదేమి అవసరం లేకుండానే.. అరచేతిలో పట్టే బుల్లి ‘Tiny Desktop PC’ని ఈ కథనంలో అందుబాటులోకి తీసుకొస్తున్నాం. ఇది డబ్బును ఆదా చేయడంతో పాటు.. మీ టీవీని కంప్యూర్ లా మార్చేసి వర్క్ చేసుకునేందుకు వీలు కల్పిస్తుంది. ఇంతకీ ఈ బుల్లి సీపీయూ ధర, ప్రధాన ఫీచర్లు, కొనడం వల్ల కలిగే లాభాలు ఏంటో ఇప్పుడు చూద్దాం.
ఈ టినీ డెస్క్టాప్ పీసీలు సాధారణంగా డెల్ ఆప్టిప్లెక్స్ మైక్రో (Dell OptiPlex Micro), హెచ్పీ ఎలైట్ డెస్క్ టిని (HP EliteDesk Tiny), లెనొవొ థింక్ సెంటర్ టిని (Lenovo ThinkCentre Tiny) సిరీస్లలో అందుబాటులో ఉన్నాయి. దీని ప్రొసెసర్ విషయానికి వస్తే.. ఇందులో Intel Core i5 6th Generation అమర్చారు. ఇది ఆఫీస్ పనులు, బ్రౌజింగ్, మల్టీ టాస్కింగ్ పనులు చేసేందుకు చాలా ఉపయోగకరంగా ఉండనుంది.
టిని డెస్కటాప్ పీసీ.. 8GB DDR4 RAMను కలిగి ఉంది. దీనిని 16GB నుంచి 32GB వరకు పెంచుకోవడానికి టిని వీలు కల్పించింది. మరోవైపు ఇది 512GB SSDతో వచ్చింది. ప్రీవియస్ తరం HDDతో పోలిస్తే SSD వల్ల కంప్యూటర్ చాలా వేగంగా ఆన్ అవ్వడంతో పాటు ఫాస్ట్ గా పని చేస్తుంది.
ఈ టిని డెస్కటాప్ పీసీ.. ఎంఎస్ ఆఫీస్ ను కలిగిఉంది. కాబట్టి రోజువారు ఆఫీసు వర్క్ ను దీనిలో చాలా సులభంగా చేసుకోవచ్చు. అలాగే వైఫై కనెక్టివిటిని దీనికి అందించారు. ఇంటర్నెట్ కు సమస్యలు రాకుండా పై భాగంలో రెండు డాంగిల్స్ సైతం ఇచ్చారు. కనెక్టింగ్ పోర్ట్స్ విషయానికి వస్తే.. USB 3.0, DisplayPort/HDMI, LAN పోర్ట్ దీనికి ఉన్నాయి.
టిని డెస్కటాప్ పీసీని కొనడం వల్ల ఎన్నో ప్రయోజనాలు ఉన్నాయి. అరచేతిలో పట్టేంత సైజు ఉండటం వల్ల ఇది చాలా తక్కువ స్థలాన్నే ఆక్యుపై చేస్తుంది. మరోవైపు సాధారణ డెస్క్టాప్ పీసీలతో పోలిస్తే ఇవి చాలా తక్కువ కరెంటును వినియోగిస్తాయి. కాబట్టి విద్యుత్ బిల్లు భయం ఉండదు. వీటిలో ఫ్యాన్ శబ్దం చాలా తక్కువగా ఉంటుంది కాబట్టి.. ప్రశాంతంగా మీ వర్క్ ఫినిష్ చేసుకోవచ్చు. ఆఫీసు పనులు, ఆన్ లైన్ క్లాసులు, కోడింగ్ నేర్చుకోవడం, బిల్లింగ్ సాఫ్ట్ వేర్ వాడటం లేదా టీవీకి కనెక్ట్ చేసి హోమ్ థియేటర్ పీసీగా ఉపయోగించుకునేందుకు ఇది బెస్ట్ ఛాయిస్ అని చెప్పవచ్చు.
Also Read: New CCTV Rules 2026: నిఘా కెమెరాలపై సరికొత్త రూల్స్.. ఏప్రిల్ 1 నుంచే అమలు.. ఈ జాగ్రత్తలు తప్పనిసరి!
Tiny Desktop PC.. ఆన్ లైన్, ఆఫ్ లైన్ రెండు విధానాల్లోనూ కొనుగోలు చేయవచ్చు. అమెజాన్, ఫ్లిప్ కార్ట్ వంటి ఈ కామర్స్ సైట్స్ లో ఇది అందుబాటులో ఉంది. అమెజాన్ రూ16,999 (8 GB RAM | 512GB SSD వేరియంట్) లభిస్తోంది. 252 GB స్టోరేజ్ సామర్థ్యం చాలు అనుకుంటే.. ఇంకా తక్కువకే దీనిని సొంతం చేసుకోవచ్చు. మరోవైపు కొన్ని కంప్యూటర్ సేల్స్ స్టోర్లలోనూ ఈ టిని డెస్కటాప్ పీసీ లభిస్తోంది.
ముఖ్య గమనిక: టిని డెస్కటాప్ పీసీకి సంబంధించిన ఫీచర్లను.. కంపెనీ ఇచ్చిన సమాచారం మేరకే అందించడం జరిగింది. ఈ ఆర్టికల్ కేవలం మీ అవగాహన కోసం మాత్రమే. ఈ డెస్కటాప్ పీసీని కొనుగోలు చేయమని చెప్పడం మా ఉద్దేశం కాదు. మీరు కొనుగోలు చేయాలని భావిస్తే ఫీచర్లు, ధర, వారంటీ వివరాలను ఒకటికి రెండుసార్లు చెక్ చేసుకుంటే మంచిది.
Also Read: Price Hike Alert: ఏప్రిల్ 1 నుంచి.. మెుబైల్, టీవీ, ఏసీ ధరల పెంపు.. ఒక్కోదానిపై అదనంగా పడే భారమెంత?
Share
నిహారిక డ్రీమ్.. గొప్ప మనసుకి ఫ్యాన్స్ ఫిదా!
రీల్స్ పిచ్చి ..5వ అంతస్తు నుంచి కింద పడి 13 ఏళ్ల బాలిక మృతి
