Vi 5G in Hyderabad: హైదరాబాద్ లోని తమ యూజర్లు వొడాఫోన్ ఐడియా (Vi) అదిరిపోయే గుడ్ న్యూస్ చెప్పింది. త్వరలోనే నగరంలో 5G సేవలను అందుబాటులోకి తీసుకొస్తున్నట్లు తెలియజేసింది. ఈ మేరకు కస్టమర్లకు.. వీఐ నుంచి ఎస్ఎంఎస్ సందేశాలు సైతం వెళ్తున్నాయి. 5G సేవలు వినియోగించుకునేందుకు రెడీగా ఉండాలంటూ కంపెనీ వర్గాలు.. యూజర్లను అలర్ట్ కూడా చేస్తున్నాయి.
హైదరాబాద్లోని Vi యూజర్లకు ‘త్వరలో మీరు సూపర్ ఫాస్ట్ 5Gని అనుభవించబోతున్నారు’ అనే అర్థం వచ్చేలా మెసేజ్లు అందుతున్నాయి. ఎయిర్ టెల్, జియో యూజర్ల గత అనుభవాన్ని బట్టి చూస్తే.. సాధారణంగా ఇలాంటి మెసేజ్లు సదరు నగరంలో 5G నెట్వర్క్ రోల్అవుట్ తుది దశలో ఉందని అర్థం. అయితే వీఐ నుంచి 5G డేటా లాంచింగ్ కు సంబంధించి ఇప్పటివరకూ ఎలాంటి అధికారిక ప్రకటన రాకపోవడం గమనార్హం.
ఇదిలా ఉంటే.. వీఐ తన 5G నెట్వర్క్ను దేశవ్యాప్తంగా మే చివరి నాటికి 133 నగరాలకు విస్తరించాలని లక్ష్యంగా పెట్టుకుంది. ఇందులో భాగంగా హైదరాబాద్తో పాటు మరికొన్ని ప్రధాన నగరాల్లో ఈ సేవలు అందుబాటులోకి రానున్నట్లు తెలుస్తోంది. ప్రస్తుతం నగరంలో పెద్ద ఎత్తున టెక్ నిపుణులు, స్టార్టప్ కంపెనీలు.. తమ ఆఫీసు అవసరాలు, వినోదం కోసం పెద్ద ఎత్తున 5G సేవలపై ఆధారపడుతున్నాయి. కాబట్టి వీఐ కూడా నగరంలో తన 5G సేవలను విస్తరిస్తే.. జియో, ఎయిర్ టెల్ కు గట్టి ప్రత్యామ్నయం లభించినట్లు అవుతుందని నిపుణులు అంచనా వేస్తున్నారు.
మరోవైపు వీఐ తన నెట్ వర్క్ నాణ్యతను మరింత పెంచడానికి, విద్యుత్ వినియోగాన్ని తగ్గించడానికి ఏఐ ఆధారిత సెల్ఫ్ ఆప్టిమైజింగ్ నెట్వర్క్స్ (SON) సాంకేతికతను ఉపయోగిస్తోంది. ఇందులో భాగంగా నోకియా, ఎరిక్సన్, శాంసంగ్ వంటి అంతర్జాతీయ సంస్థలతో ఒప్పందాలు సైతం కుదుర్చుకుంది.
Also Read: అమ్మబాబోయ్, 10,200mAh బ్యాటరీతో.. Vivo Y600 Pro లాంచ్.. ధర కూడా చాలా తక్కువే!
తొలిదశ నెట్ వర్క్ విస్తరణలో భాగంగా హైదరాబాద్ లో ఎంపిక చేసిన ప్రాంతాల్లో మాత్రమే 5G సేవలు అందుబాటులోకి రానున్నట్లు తెలుస్తోంది. నగరంలోని ఇండస్ట్రియల్ కారిడార్లు, డేటా వినియోగం ఎక్కువగా ఉండే ఐటీ హబ్ జోన్స్, 5G ఫోన్లు ఎక్కువగా ఉన్న ప్రాంతాలకు ఈ ప్రాధాన్యత లభించనున్నట్లు తెలుస్తోంది. అయితే ఈ 5G సేవలకు సంబంధించిన ప్లాన్స్ వివరాలను అతి త్వరలోనే వీఐ ప్రకటించే అవకాశమున్నట్లు సమాచారం.
Also Read: జొమాటో సంచలనం.. డెలివరీ బాయ్స్కు కూలింగ్ వెస్ట్లు.. ఇది ఎలా పనిచేస్తుందంటే?
Share
మరీ ఇంత తక్కువకా? అది కూడా 2K డిస్ప్లే ట్యాబ్లెట్, Redmi Pad 2 9.7 ఫీచర్లు ఇవే!
Trump: జగన్ బాటలో అమెరికా అధ్యక్షుడు ట్రంప్.. ఇంతకీ ఏ విషయంలో తెలుసా?
