Silent mobile Verification: ఫేస్‌బుక్, వాట్సప్, ఇన్‌స్టాగ్రామ్ వంటి సోషల్ మీడియా యాప్స్‌ను లాగిన్ చేయాలంటే ప్రతిసారీ ఓటీపీ లేదా పాస్‌వర్డ్ ఎంటర్ చేయడం కాస్త విసుగు కలిగించే విషయమే. కొన్నిసార్లు నెట్‌వర్క్ సమస్యల వల్ల ఓటీపీలు రావడం కూడా ఆలస్యమవుతుంది. అయితే వోడాఫోన్ ఐడియా (Vi) యూజర్లకు ఇకపై ఈ తిప్పలు తప్పనున్నాయి. మెటాతో చేతులు కలిపిన Vi.. ‘సైలెంట్ మొబైల్ వెరిఫికేషన్’ (SMV) అనే సరికొత్త సాంకేతికతను భారత్‌లో పరిచయం చేస్తోంది. దీంతో ఎలాంటి పాస్‌వర్డ్స్ లేదా ఓటీపీలు లేకుండానే నేరుగా లాగిన్ అయిపోవచ్చు.
ఇది పూర్తిగా టెలికాం నెట్‌వర్క్ ఆధారంగా పనిచేసే ఒక సరికొత్త సెక్యూరిటీ సిస్టమ్. మీరు మెటా యాప్స్‌లో లాగిన్ అయ్యేటప్పుడు కేవలం మీ మొబైల్ నెంబర్ ఎంటర్ చేస్తే సరిపోతుంది. ఎలాంటి కోడ్ కోసం ఎదురుచూడాల్సిన పనిలేదు. Vi నెట్‌వర్క్ సిస్టమ్ నేరుగా ఆ యాప్‌తో కనెక్ట్ అయి, మీ ఫోన్‌లోని సిమ్ కార్డ్ వివరాలను బ్యాక్‌గ్రౌండ్‌లో సరిచూస్తుంది. నెంబర్ మ్యాచ్ అయితే క్షణాల్లో లాగిన్ ప్రక్రియ పూర్తవుతుంది. వివరాలు కలవకపోతే వెంటనే యాక్సెస్‌ను బ్లాక్ చేస్తుంది.
ఈ సరికొత్త విధానం కేవలం లాగిన్‌కే కాకుండా కొత్త అకౌంట్లు క్రియేట్ చేయడానికి, మొబైల్ నెంబర్ వెరిఫికేషన్ మార్చుకోవడానికి, ఒకవేళ అకౌంట్ లాక్ అయితే రికవరీ చేసుకోవడానికి కూడా ఎంతగానో ఉపయోగపడుతుంది. ఇదంతా నెట్‌వర్క్ ద్వారా చాలా సైలెంట్‌గా, వేగంగా జరిగిపోతుంది కాబట్టి.. యూజర్లకు ఎలాంటి ఆటంకాలు ఎదురవ్వవు. అకౌంట్ సెక్యూరిటీ చెకింగ్ ప్రక్రియ కూడా చాలా సులువుగా మారుతుంది.
Also Read: రూ.8,999 నుంచే స్మార్ట్‌‌ఫోన్లు.. Amazon Saleలో ఏఐ ల్యాప్‌టాప్స్‌, స్మార్ట్‌వాచ్‌లపై భారీ ఆఫర్లు!
సాధారణంగా వచ్చే ఓటీపీలను హ్యాకర్లు ఫిషింగ్, సిమ్ స్వాపింగ్ లేదా మాటల మార్పిడి ద్వారా దొంగిలించే ప్రమాదం ఉంది. కానీ ఈ కొత్త టెక్నాలజీలో యూజర్ ఎటువంటి కోడ్‌ను మాన్యువల్‌గా ఎంటర్ చేయాల్సిన అవసరం లేదు. కాబట్టి.. ఆన్‌లైన్ మోసగాళ్లకు మీ ఖాతాలను హ్యాక్ చేసే అవకాశం అస్సలు దొరకదు. డిజిటల్ గుర్తింపు దొంగతనాలకు అడ్డుకట్ట వేయడానికి ఈ నెట్‌వర్క్ లెవెల్ వెరిఫికేషన్ ఎంతగానో దోహదపడుతుంది.
ప్రస్తుతానికి ఈ సేవలను మెటా యాప్స్ అయిన వాట్సప్, ఫేస్‌బుక్, ఇన్‌స్టాగ్రామ్‌లకే పరిమితం చేసినప్పటికీ.. Vi దీనిని ఇక్కడితో ఆపడం లేదు. భవిష్యత్తులో ఇతర ప్రముఖ డిజిటల్ ప్లాట్‌ఫారమ్‌లకు, యాప్స్‌కు కూడా ఈ సేవలను విస్తరించాలని ప్లాన్ చేస్తోంది. ఆన్‌లైన్ భద్రతను మరింత కట్టుదిట్టం చేస్తూ, యూజర్లకు సురక్షితమైన, సులువైన లాగిన్ అనుభూతిని అందించడమే లక్ష్యంగా Vi అడుగులు వేస్తోంది.
Also Read: యూజర్లకు షాకిచ్చిన షియోమీ.. భారత్‌లో పెరిగిన Xiaomi Pad 8 ధరలు, కొత్త రేట్లు ఇవే!
Share
టీడీపీ వీరాభిమాని సత్యనారాయణ కోరిక.. కలుద్దామని సీఎం చంద్రాబాబు ట్వీట్
పాకిస్తాన్ తో జరిగే మ్యాచ్ ల్లో టీమిండియాకే అనుకూలంగా అంపైర్ల నిర్ణయాలు !
