12000mAh Phone| స్మార్ట్‌ఫోన్ కంపెనీలు ఇప్పుడు ఎక్కువ బ్యాటరీ కెపాసిటీ గల ఫోన్లతో పోటీ పడాలని చూస్తున్నాయి. ఈ టెక్నాలజీలో చైనా స్మార్ట్‌ఫోన్ కంపెనీ వివో ఒక పెద్ద అడుగు వేయబోతోంది. తాజాగా వచ్చిన లీక్స్ ప్రకారం వివో ఒక పవర్‌ఫుల్ ఫోన్ టెస్టింగ్ చేస్తోంది. ఈ ఫోన్‌లో ఒకే సెల్ బ్యాటరీ ఉంటుంది. రేటెడ్ కెపాసిటీ 10,000mAh వరకు ఉండవచ్చు. రియల్ యూసేజ్‌లో 11,000 నుంచి 12,000mAh వరకు ఈ బ్యాటరీ కెపాసిటీ ఇస్తుందని అంచనా. ఈ ఫోన్ లాంచ్ అయితే లాంచ్ అయితే చాలా పవర్ బ్యాంకుల కంటే బెటర్ అవుతుంది.
డిజిటల్ చాట్ స్టేషన్ వీబోలో ఒక చైనీస్ టిప్‌స్టర్ ఈ భారీ బ్యాటరీ ఫోన్ గురించి సమాచారం షేర్ చేశాడు. వివో 4.53V సింగిల్-సెల్ సిలికాన్ బ్యాటరీ డెవలప్ చేస్తోందని చెప్పాడు. రేటెడ్ కెపాసిటీ 10,000mAh ఉంటుంది. రియల్ యూస్‌లో 11,000 నుంచి 12,000mAh వరకు ఇవ్వవచ్చు. ఎఫిషియెంట్ చిప్‌సెట్ ఉంటే పర్‌ఫామెన్స్ మరింత మెరుగవుతుంది. రెండు నుంచి మూడు రోజుల వరకు బ్యాటరీ బ్యాకప్ ఉండే అవకాశం ఉంది. తరచూ ఛార్జ్ చేయాల్సిన అవసరం తగ్గుతుంది. ఇది ఇండస్ట్రీలో కొత్త రికార్డ్ సృష్టిస్తుంది.
గతంలో 4,000mAh బ్యాటరీలు పెద్దవిగా భావించేవారు. ఇప్పుడు 5,000mAh స్టాండర్డ్ అయిపోయింది. చాలా ఫోన్లలో 7,000-8,000mAh బ్యాటరీలు వస్తున్నాయి. కొన్ని బ్రాండ్లు 10,000mAh బ్యాటరీ ఫోన్లు లాంచ్ చేశాయి. హానర్, రియల్‌మి వంటి కంపెనీలు ఇలాంటి హై-కెపాసిటీ ఫోన్లు తీసుకొచ్చాయి. ఎక్కువ బ్యాటరీ లైఫ్ కోసం యూజర్ల డిమాండ్ పెరిగింది. స్లిమ్ డిజైన్ కంటే ఎండ్యూరెన్స్‌కు ప్రాధాన్యత ఇస్తున్నారు.
లీక్ ప్రకారం షావోమీ కూడా ఇలాంటి పెద్ద బ్యాటరీ ఫోన్ ప్లాన్ చేస్తోంది. కానీ ఇది ఇంకా ప్రారంభ దశలో ఉంది. ఏ కంపెనీ కూడా అధికారికంగా ధృవీకరించలేదు. కానీ ఇండస్ట్రీలో మార్పు స్పష్టంగా కనిపిస్తోంది. 10,000mAh బ్యాటరీ ఫోన్లు సాధారణం అవుతాయి. ప్రపంచవ్యాప్తంగా ఈ భారీ బ్యాటరీ ఫోన్లు యూజర్ల అంచనాలను మార్చేస్తుంది.
టిప్‌స్టర్ ప్రకారం వివో ఫ్లాగ్‌షిప్ మోడల్స్‌లో 9,000mAh బ్యాటరీ ఉండకపోవచ్చు. ప్రీమియం ఫోన్లను స్లిమ్‌గా ఉంచాలని వివో భావిస్తోంది. పెద్ద బ్యాటరీలు ఫోన్ మందం, బరువు పెంచుతాయి. కానీ వివో సబ్-బ్రాండ్ iQOO వేరే విధంగా వ్యవహరించవచ్చు. iQOOలో 9,000mAh బ్యాటరీ ఫోన్ లాంచ్ చేసే అవకాశాలున్నాయి. పెర్ఫామెన్స్-ఫోకస్డ్ యూజర్లను టార్గెట్ చేస్తుంది.
Also Read: మనుషులపై జోకులు వేసే ఏఐలు.. మానవులకు నో ఎంట్రీ ప్లాట్‌ఫామ్.. చాలా ప్రమాదకరం
ఈ ఫోన్‌లో సిలికాన్ బ్యాటరీ టెక్నాలజీ హైలైట్. సాధారణ లిథియం-ఐఆన్ బ్యాటరీలలో గ్రాఫైట్ యానోడ్ ఉంటుంది. సిలికాన్ యానోడ్ ఎక్కువ ఎనర్జీ డెన్సిటీ ఇస్తుంది. తక్కువ స్పేస్‌లో ఎక్కువ పవర్ నిల్వ చేయవచ్చు. పెద్ద బ్యాటరీ ఉన్నా ఫోన్ పూర్తిగా స్లిమ్‌గా ఉండవచ్చు. ఈ ఇన్నోవేషన్ సైజు, పర్‌ఫామెన్స్ రెండింటినీ బ్యాలెన్స్ చేస్తుంది.
Share
TG Transco Circular: ట్రాన్స్కో ఉద్యోగులకు సంస్థ సీరియస్ వార్నింగ్.. కొత్త నిబంధనలు జారీ
Garlic Karam Dosa: నోరూరించే వెల్లుల్లి కారం దోశె రెసిపీ, కొబ్బరిచట్నీతో తింటే స్వర్గం కనిపిస్తుంది
