Whatsapp New Feature: యూజర్ల మెసేజింగ్ అనుభవాన్ని మరింత సులభంగా, వేగంగా మార్చే దిశగా వాట్సప్ మరో కొత్త ఫీచర్ను తీసుకురాబోతోంది. యాప్ను ఎప్పటికప్పుడు అప్డేట్ చేస్తూ, వినియోగదారులను ఆకట్టుకునే వినూత్న ఫీచర్లను మెటా పరిచయం చేస్తోన్న విషయం తెలిసిందే. ఈ క్రమంలోనే ఫొటోలు, వీడియోలను పంపే విధానాన్ని మరింత సింపుల్గా మార్చే కొత్త ఫీచర్ను త్వరలో అందుబాటులోకి తీసుకురానున్నట్లు మెటా తాజాగా వెల్లడించింది. ఈ అప్డేట్తో మీడియా షేరింగ్ మరింత ఈజీగా, వేగంగా మారనుంది.
వాట్సప్ తీసుకురానున్న ఈ కొత్త అప్డేట్ ప్రస్తుతం బీటా వెర్షన్లో పరీక్ష దశలో ఉంది. ఈ ఫీచర్ అమల్లోకి వచ్చిన తర్వాత మీడియా షేర్ చేయడానికి ప్రత్యేకంగా గ్యాలరీ యాప్ను ఓపెన్ చేయాల్సిన అవసరం ఉండకపోవచ్చు. యాప్లో నుంచే నేరుగా ఫొటోలు, వీడియోలను సెలెక్ట్ చేసి పంపేలా ఈ కొత్త సిస్టమ్ను రూపొందించారు. ప్రస్తుతం కొందరు బీటా యూజర్లకు మాత్రమే ఇది కనిపిస్తుండగా, త్వరలోనే సాధారణ యూజర్లకు కూడా అందుబాటులోకి రావచ్చు.
Also Read: ఐఫోన్ యూజర్లకు గుడ్ న్యూస్.. ఒకే ఫోన్లో ఒకటి కంటే ఎక్కువ వాట్సప్ అకౌంట్లు!
రాబోయే ఈ కొత్త ఫీచర్తో గ్యాలరీ యాప్కు వెళ్లాల్సిన పని లేకుండా.. వాట్సప్లోనే ఫొటోలు, వీడియోలను చూసి ఒక్క ట్యాప్తో షేర్ చేయవచ్చు. ముఖ్యంగా అత్యవసర సమయంలో లేదా వేగంగా కంటెంట్ పంపాల్సిన సందర్భాల్లో ఈ అప్డేట్ ఎంతో ఉపయోగకరంగా మారనుంది. యాప్ ఓపెన్ చేసిన వెంటనే ఈ న్యూ ఇంటర్ఫేస్ యూజర్లకు కనిపించేలా డిజైన్ చేశారు.
ప్రస్తుతం బీటా టెస్టింగ్ దశలో ఉన్న ఈ కొత్త ఇంటర్ఫేస్ను అన్ని పరీక్షలు పూర్తయ్యాక దశలవారీగా యూజర్లకు విడుదల చేయనున్నారు. అంచనాల ప్రకారం.. వచ్చే ఏడాది ప్రారంభంలో జనవరి లేదా ఫిబ్రవరి నెలల్లో రెగ్యులర్ వాట్సప్ యూజర్లకు ఈ ఫీచర్ అందుబాటులోకి వచ్చే అవకాశం ఉందని టెక్ వర్గాలు వెల్లడిస్తున్నాయి.
Also Read: మెసేజింగ్ యాప్స్కు కేంద్రం ఆదేశాలు.. సిమ్ ఉంటేనే వాట్సాప్, టెలిగ్రామ్, స్నాప్చాట్ సేవలు!
Share
IPL Auction 2026: అన్క్యాప్డ్ ప్లేయర్కు రూ.14.20 కోట్లు పెట్టిన CSK..ఇంతకీ ఎవరీ ప్రశాంత్ వీర్?
IPL Auction 2026: ఏం గుండెరా అది.. గాయమైన ఆ కుర్రాడికి రూ.14.20 కోట్లు పెట్టిన CSK, ఇంతకీ ఎవరీ కార్తీక్ శర్మ?
