WhatsApp New Update: నేటి టెక్ యుగంలో ప్రముఖ మెసేజింగ్ యాప్ వాట్సప్ లేని స్మార్ట్‌ఫోన్ ఉండదు. ఉదయం లేచింది మొదలు రాత్రి పడుకునే వరకు చాలామంది వాట్సప్‌లోనే గంటల తరబడి సమయం గడుపుతుంటారు. అంతలా అడిక్ట్ అయిపోయారు జనాలంతా ఈ యాప్‌కి. అలాంటి వాట్సప్ గురించి ఒక ముఖ్యమైన అప్‌డేట్ వచ్చింది. పాత ఆండ్రాయిడ్ ఫోన్లు వాడుతున్న వారికి ఇకపై వాట్సప్ సేవలు అందుబాటులో ఉండకపోవచ్చు. ముఖ్యంగా ఆండ్రాయిడ్ 5.0, 5.1 వెర్షన్లపై నడిచే ఫోన్లలో 2026 సెప్టెంబర్ నుంచి వాట్సప్ ఆగిపోనుంది. టెక్నాలజీ మారుతున్న కొద్దీ పాత సాఫ్ట్‌వేర్‌లను పక్కన పెట్టక తప్పదని కంపెనీ చెబుతోంది.
వాట్సప్ ఎప్పటికప్పుడు కొత్త ఫీచర్లను తీసుకువస్తూ మనకు చాటింగ్‌ను మరింత ఈజీ చేస్తోంది. ఉదాహరణకు నోటిఫికేషన్ బబుల్స్ అనే ఫీచర్. మనం వేరే ఏదైనా పనిలో ఉన్నప్పుడు వాట్సాప్ మెసేజ్ వస్తే.. స్క్రీన్ మీద చిన్న బబుల్‌లా కనిపిస్తుంది. దానిపై క్లిక్ చేసి వెంటనే రిప్లై ఇచ్చేయొచ్చు. ఇలాంటి అడ్వాన్స్‌డ్ ఫీచర్లు పాత ఆండ్రాయిడ్ ఫోన్లలో సరిగ్గా సపోర్ట్ చేయవు. అందుకే కనీసం ఆండ్రాయిడ్ 6.0 వెర్షన్ ఉంటేనే వాట్సప్ సాఫీగా రన్ అవుతుంది.
Also Read: వావ్.. లాంచ్ అయిన కొద్దిరోజులకే Samsung Galaxy A37పై ఊహించని డిస్కౌంట్!
ఒక్కసారిగా వాట్సప్ బంద్ అయిపోతే ఇబ్బంది పడతారని కంపెనీ ముందే అలర్ట్ చేస్తోంది. పాత ఫోన్లు వాడుతున్న వారికి ఇప్పటికే వాట్సప్‌లో మెసేజ్‌లు వస్తున్నాయి. సెప్టెంబర్ లోపు మీ ఫోన్ మార్చుకోవాలని లేదంటే డేటా భద్రపరుచుకోవాలని సూచిస్తోంది. మీ పాత చాట్స్, ఫొటోలు పోకుండా ఉండాలంటే వెంటనే గూగుల్ డ్రైవ్‌లో బ్యాకప్ తీసుకోవడం మంచిది. ఇలా చేయడం వల్ల మీరు కొత్త ఫోన్ కొన్నా కూడా మీ పాత మెసేజ్‌లన్నీ అందులోకి వచ్చేస్తాయి.
మన దేశంలో ఇప్పటికీ చాలామంది పాత ఫోన్లను వాడుతుంటారు. బడ్జెట్ ఫోన్లు వాడే వారికి, ముఖ్యంగా గత ఐదారు ఏళ్లుగా ఫోన్ మార్చని వారికి ఈ ఇబ్బంది ఎదురవుతుంది. ఆండ్రాయిడ్ 5.0 వంటి పాత వెర్షన్లలో భద్రత కూడా తక్కువగా ఉంటుంది కాబట్టి.. కంపెనీ ఈ నిర్ణయం తీసుకున్నట్లు తెలుస్తోంది. అయితే ఐఫోన్ యూజర్లకు మాత్రం ప్రస్తుతానికి టెన్షన్ లేదు. ఐఓఎస్ 15.1 కంటే పైన ఉన్న వెర్షన్లన్నింటిలో వాట్సప్ ఎప్పటిలాగే పనిచేస్తుంది. దీంతో మీ ఫోన్ వెర్షన్ ఏంటో ఒకసారి చెక్ చేసుకోవడం ఉత్తమం.
Also Read: iPhone 17 Proపై భారీ డిస్కౌంట్.. ఈ ధరకు మరెక్కడా దొరకదు, ఆఫర్ ఎలా పొందాలంటే?
Share
Malavika Mohanan: డివోషనల్ మోడ్.. సెల్ఫీలతో మాళవిక..ఫోటోలు వైరల్
ఒడిశా బ్యాంకు ఘటన.. అకౌంట్ హోల్డర్ మరణిస్తే మనీ విత్ డ్రా ఎలా?.. రూల్స్ ఏం చెబుతున్నాయి?
