Xbox Cloud Gaming: ఫోన్, టివి, ల్యాప్‌టాప్‌లో ఎక్స్‌బాక్స్ గేమ్స్.. డౌన్‌లోడ్ చేయాల్సిన అవసరం లేదు

Xbox Cloud Gaming| మైక్రోసాఫ్ట్ ఇండియాలో Xbox క్లౌడ్ గేమింగ్‌ను లాంచ్ చేసింది. ఇది ఇంటర్నెట్ ద్వారా గేమ్‌లను నేరుగా స్ట్రీమ్ చేస్తుంది. Xbox కన్సోల్ కూడా అవసరం లేదు. ఫోన్, ల్యాప్‌టాప్, స్మార్ట్ TVలపై పాపులర్ గేమ్‌లు ఆడవచ్చు.

గేమ్ స్టార్ట్ చేయడానికి ఏం కావాలి

ముందుగా మూడు ఎక్స్‌బాక్స్ సబ్‌స్క్రిప్షన్‌లలో ఒకటి తీసుకోండి.. గేమ్ పాస్ ఎసెన్షియల్ ప్రతి నెలా రూ.499, ప్రీమియం ప్రతి నెలా రూ.699, అల్టిమేట్ ప్రతి నెలా రూ.1389. మంచి ఇంటర్నెట్ కనెక్షన్ అవసరం – కనీసం 10-20 Mbps డౌన్‌లోడ్ స్పీడ్. బ్లూటూత్ వైర్‌లెస్ కంట్రోలర్ కనెక్ట్ చేయండి.

సపోర్టెడ్ డివైసెస్, కంట్రోలర్లు

iOS, ఆండ్రాయిడ్ ఫోన్‌లు, మ్యాక్/పీసీ ల్యాప్‌టాప్‌లు, సామ్‌సంగ్/LG స్మార్ట్ TVలు, అమెజాన్ ఫైర్ TV స్టిక్ పనిచేస్తాయి. అధికారిక Xbox వైర్‌లెస్ కంట్రోలర్, సోనీ DualSense లేదా ఏ బ్లూటూత్ కంట్రోలర్ అయినా ఉపయోగపడతాయి.

ఫోన్‌లో ఎలా ఆడాలి

క్రోమ్, సఫారి లేదా ఎడ్జ్ బ్రౌజర్ తెరిచి xbox.com/playకి వెళ్లండి. సైట్‌ను హోమ్ స్క్రీన్‌కు యాడ్ చేయండి. మైక్రోసాఫ్ట్ అకౌంట్‌తో లాగిన్ అవ్వండి. బ్లూటూత్‌తో కంట్రోలర్ కనెక్ట్ చేసి, గేమ్ సెలెక్ట్ చేసి ప్లే నొక్కండి.

ల్యాప్‌టాప్‌లో ఎలా ఆడాలి

ఫోన్ లాగే ఇందులో కూడా అదే ప్రక్రియ: బ్రౌజర్‌లో xbox.com/play తెరిచి లాగిన్ అవ్వండి. కంట్రోలర్ కనెక్ట్ చేసి లైబ్రరీ నుంచి గేమ్ ఎంచుకోండి. Xbox యాప్ ఉపయోగించవచ్చు.

స్మార్ట్ TVలో ఎలా ఆడాలి

TV యాప్ స్టోర్‌లో Xbox యాప్ డౌన్‌లోడ్ చేయండి. ఓపెన్ చేసి ప్రాంప్ట్‌లు పూర్తి చేసి లాగిన్ అవ్వండి. బ్లూటూత్‌తో కంట్రోలర్ పెయిర్ చేసి గేమ్ ప్లే చేయండి.

పాపులర్ గేమ్స్ ఇవే..

హాలో ఇన్ఫినిట్, కాల్ ఆఫ్ డ్యూటీ: వార్‌జోన్/బ్లాక్ ఆప్స్ 7, ఓవర్‌వాచ్ 2, అస్ఫాల్ట్ లెజెండ్స్, రాజి: అన్ ఎన్సియెంట్ ఎపిక్, ఫోర్జా హారిజాన్ 5, క్రికెట్ 24 వంటివి ఆడవచ్చు. కొత్త గేమ్‌లు రెగ్యులర్‌గా వస్తాయి.

సబ్‌స్క్రిప్షన్ ప్లాన్‌లు

ఎసెన్షియల్: 50+ గేమ్‌లు, అన్‌లిమిటెడ్ క్లౌడ్ స్ట్రీమింగ్ . ప్రీమియం: వందలాది గేమ్‌లు. అల్టిమేట్: డే-1 రిలీజ్‌లు, EA ప్లే, అన్నీ.

బెస్ట్ ఎక్స్‌పీరియన్స్ టిప్స్

Wi-Fi లేదా ఈథర్నెట్ ఉపయోగించండి. స్పీడ్ టెస్ట్ చేయండి. కొన్ని గేమ్‌లకు టచ్ కంట్రోల్స్/కీబోర్డ్ సపోర్ట్ ఉంది. గేమ్ డీటెయిల్స్ చూడండి. ఈ సర్వీస్ గేమింగ్‌ను సులభతరం చేస్తుంది. ఖర్చైన హార్డ్‌వేర్ అవసరం లేదు. పాత డివైసెస్‌పై హై-క్వాలిటీ గేమ్‌లు ఆడండి. ప్రయాణం చేస్తూ కూడా గేమ్స్ ఆడుకోవచ్చు. ఇంకెందుకు ఆలస్యం కొత్త ఎక్స్‌పీరియన్స్ ప్రారంభించండి.

Also Read: మొబైల్ గేమ్స్ ఆడుతూ చనిపోతున్న టీనేజర్లు.. ఏం జరుగుతోందంటే..