షియోమీ ఫ్యాన్ ఫెస్టివల్లో ఆఫర్లు మామూలుగా లేవుగా.. ఇవి దొరికితే అస్సలు వదలకండి..

Xiaomi Sale: ప్రముఖ టెక్ దిగ్గజం షియోమీ (Xiaomi) భారతీయ వినియోగదారుల కోసం ‘షియోమీ ఫ్యాన్ ఫెస్టివల్ 2026’ను ఘనంగా ప్రారంభించింది. ఏప్రిల్ 15వ తేదీ వరకు కొనసాగే ఈ ప్రత్యేక సేల్‌లో షియోమీ రెడ్‌మీ బ్రాండ్లకు చెందిన స్మార్ట్‌ఫోన్‌లు, టాబ్లెట్లు, స్మార్ట్ టీవీలు, ఇతర గ్యాడ్జెట్లపై కంపెనీ కళ్లు చెదిరే ఆఫర్లను ప్రకటించింది. ముఖ్యంగా కొత్తగా విడుదలైన ఫ్లాగ్‌షిప్ మోడళ్లపై భారీ స్థాయిలో ధరలను తగ్గించడం విశేషం.

ఫ్లాగ్‌షిప్ ఫోన్‌లపై

ఈ సేల్‌లో ప్రధాన ఆకర్షణగా Xiaomi 17 Ultra నిలిచింది. ఈ ఫోన్ అసలు ధర రూ. 1,69,999 కాగా, ఫ్యాన్ ఫెస్టివల్‌లో భాగంగా ఏకంగా రూ.40,000 తగ్గింపుతో రూ.1,29,999 కే అందుబాటులో ఉంది. స్నాప్‌డ్రాగన్ 8 ఎలైట్ జెన్ 5 ప్రాసెసర్, లైకా ఆప్టిక్స్ కెమెరా వంటి అత్యాధునిక ఫీచర్లతో వచ్చే ఈ ఫోన్ కొనుగోలుకు ఇదే సరైన సమయం. అలాగే Xiaomi 17 మోడల్‌పై కూడా రూ.10,000 తగ్గింపు లభిస్తోంది.

బడ్జెట్ ప్రియుల కోసం రెడ్‌మీ

బడ్జెట్ ధరలో మంచి ఫీచర్లు కోరుకునే వారి కోసం Redmi Note 15 సిరీస్‌పై కంపెనీ ప్రత్యేక డిస్కౌంట్లు ఇస్తోంది

Redmi Note 15 Pro 5G: ఈ ఫోన్‌పై రూ.7,000 ఫ్లాట్ డిస్కౌంట్ ప్రకటించారు. దీంతో దీని ధర రూ.26,999 కు తగ్గింది. ఇందులో 200MP కెమెరా ప్రధాన ఆకర్షణగా ఉంది.

Redmi Note 15 Pro+ 5G: ఇది ఇప్పుడు రూ.34,999 కే లభిస్తోంది.

Redmi Note 15 5G: దీని ధర రూ.22,999 గా నిర్ణయించబడింది.

ప్రత్యేక డీల్స్

కేవలం ఫోన్లే కాకుండా, హోమ్ ఎంటర్‌టైన్‌మెంట్ విభాగంలో కూడా షియోమీ ఆఫర్లు అదరగొడుతోంది.

Xiaomi Smart TV A 32 (2025): బడ్జెట్ టీవీ కోరుకునే వారికి ఇది కేవలం రూ.11,999 కే లభిస్తోంది.

Xiaomi Pad 8: ప్రొఫెషనల్ పనుల కోసం ఉపయోగపడే ఈ టాబ్లెట్ ధర రూ.32,999 కు తగ్గింది.

4K స్మార్ట్ టీవీలపై అదనంగా రూ.2,000 వరకు బ్యాంక్ డిస్కౌంట్లు ఎక్స్ఛేంజ్ బోనస్‌లు కూడా ఉన్నాయి.

ఈ ఆఫర్లు అన్నీ షియోమీ అధికారిక వెబ్‌సైట్ Mi.com తో పాటు అమెజాన్ (Amazon), ఫ్లిప్‌కార్ట్ (Flipkart), దేశవ్యాప్తంగా ఉన్న ప్రముఖ ఆఫ్‌లైన్ స్టోర్లలో అందుబాటులో ఉన్నాయి. ఐసీఐసీఐ (ICICI), హెచ్‌డీఎఫ్‌సీ (HDFC) మరియు ఎస్‌బీఐ (SBI) వంటి ప్రముఖ బ్యాంక్ కార్డ్స్ ఉపయోగించే వారికి అదనంగా ఇన్‌స్టంట్ క్యాష్‌బ్యాక్ ఆఫర్లు కూడా అందుబాటులో ఉన్నాయి. పాత ఫోన్లను ఎక్స్ఛేంజ్ చేయాలనుకునే వారికి కూడా ఈ సేల్‌లో మెరుగైన ధర లభిస్తుందని కంపెనీ ప్రతినిధులు తెలిపారు. కొత్త గ్యాడ్జెట్లను సొంతం చేసుకోవాలనుకునే టెక్ ప్రియులు ఏప్రిల్ 15 లోపు ఈ అవకాశాన్ని సద్వినియోగం చేసుకోవచ్చు.