Xiaomi Mijia Refrigerator: ప్రముఖ టెక్ దిగ్గజం షావోమి తమ మిజియా లైనప్లో సరికొత్త స్మార్ట్ రిఫ్రిజిరేటర్ను చైనా మార్కెట్లోకి తీసుకొచ్చింది. Mijia French 400 Liter Automatic Ice Maker పేరుతో వచ్చిన ఈ ఫ్రిడ్జ్ ప్రస్తుతం ప్రీ-బుకింగ్స్కు అందుబాటులో ఉంది. అత్యాధునిక ఫీచర్లు, అదిరిపోయే లుక్స్తో ఉన్న ఈ హోమ్ అప్లయన్స్ ఇప్పుడు అందరి దృష్టిని ఆకర్షిస్తోంది.
ఈ కొత్త రిఫ్రిజిరేటర్ ప్రధాన ఆకర్షణ దీనిలోని ఆటోమేటిక్ ఐస్ మేకింగ్ సిస్టమ్. కేవలం 60 నిమిషాల్లోనే ఇది ఐస్ తయారు చేస్తుందని కంపెనీ చెబుతోంది. ఇంట్లో చిన్న చిన్న పార్టీలు చేసుకునే వారికి, ఎక్కువగా చల్లటి పానీయాలు ఇష్టపడే వారికి ఇది ఎంతగానో ఉపయోగపడుతుంది. దీనితో పాటు ఫ్రిడ్జ్లో బ్యాక్టీరియా చేరకుండా, చెడు వాసనలు రాకుండా ఉండేందుకు ప్రత్యేకమైన అయాన్ ప్యూరిఫికేషన్ టెక్నాలజీని కూడా వాడారు.
ఈ ఫ్రిడ్జ్ మొత్తం సామర్థ్యం 400 లీటర్లు. దీనిలో ప్రత్యేకంగా 50 లీటర్ల వేరియబుల్ టెంపరేచర్ కంపార్ట్మెంట్ను కూడా ఇచ్చారు. దీని ఉష్ణోగ్రతను మైనస్ 1 డిగ్రీ నుండి 5 డిగ్రీల సెల్సియస్ వరకు మార్చుకోవచ్చు. దీనివల్ల మాంసం, చేపలు లేదా కూరగాయలను వాటికి తగిన ఉష్ణోగ్రతల్లో ఎక్కువ రోజులు తాజాగా ఉంటాయి. ఒక సాధారణ కుటుంబానికి అవసరమైన అన్ని వసతులు ఈ ఫ్రిడ్జ్లో ఉన్నాయి.
Also Read: ఎండల ధాటికి పేలుతున్న ఫ్రిడ్జ్లు.. ఈ సౌండ్స్ వస్తే జాగ్రత్త, లేదంటే బ్లాస్టే!
షావోమి హైపర్ ఓఎస్ సపోర్ట్తో పనిచేసే ఈ ఫ్రిడ్జ్ను ఫోన్ ద్వారా ఎక్కడి నుంచైనా కంట్రోల్ చేయొచ్చు. ఇది ఆన్లో ఉన్నప్పుడు అస్సలు సౌండ్ రాదు. అలాగే కిచెన్లో ఎక్కువ స్థలాన్ని ఆక్రమించకుండా ఉండేలా చాలా స్లిమ్గా, ఆప్రికాట్ కలర్ ఫినిషింగ్తో దీనిని డిజైన్ చేశారు. ఈ ఫ్రిడ్జ్ కంప్రెసర్పై ఏకంగా 10 ఏళ్ల వారంటీని అందిస్తున్నారు.
చైనా మార్కెట్లో దీని అసలు ధర 2,999 యువాన్లు కాగా.. అక్కడి ప్రభుత్వ సబ్సిడీల తర్వాత సుమారు 2,549 యువాన్లకే లభిస్తోంది. కేవలం స్మార్ట్ఫోన్లు, ఈవీ కార్లే కాకుండా గృహోపకరణాల రంగంలోనూ తాము బెస్ట్ అని షావోమి ఈ కొత్త ఫ్రిడ్జ్తో మరోసారి నిరూపించింది. అయితే ఈ ఫ్రిడ్జ్ ఇండియాలో విడుదలయ్యాక ధరల్లో వ్యత్యాసం ఉండొచ్చు.
Also Read: ఏసీ లేకపోయినా ఇల్లు కూల్ కూల్గా ఉండాలా? అయితే మన తాతల కాలపు ఈ ‘కూలింగ్ హ్యాక్స్’ ట్రై చేయండి!
Share
వందే భారత్ సహా మూడు రైళ్లపై దుండగుల రాళ్ల దాడి, భయంతో వణికిపోయిన ప్రయాణికులు!
ఇల్లు క్లీన్ చేయడం అంటే విసుగు వస్తోందా? ఈ క్లీనింగ్ మోడల్స్పై ఒక లుక్కేయండి!
