Xiaomi Pad 9 Pro Max: షియోమీ నుంచి మరో కొత్త ప్రీమియం టాబ్లెట్ రాబోతున్నట్లు సమాచారం. Xiaomi Pad 9 Pro Max పేరుతో వచ్చే ఈ డివైస్కు సంబంధించిన స్పెసిఫికేషన్లు తాజాగా లీక్ అయ్యాయి. ప్రముఖ టెక్ లీకర్ ఈ వివరాలను Xలో షేర్ చేశారు. ఈ లీక్ నిజమైతే పెద్ద స్క్రీన్, కంపెనీ సొంత ఫ్లాగ్షిప్ చిప్సెట్, కొత్త AI ఫీచర్లతో ఈ టాబ్లెట్ ఆకట్టుకునే అవకాశం ఉంది.
లీక్ ప్రకారం Xiaomi Pad 9 Pro Maxలో 13.3 అంగుళాల LCD డిస్ప్లే ఉండనుంది. దీనిలో హై రిఫ్రెష్ రేట్కు సపోర్ట్ ఉండొచ్చని తెలుస్తోంది. అల్ట్రానారో బెజెల్స్ కారణంగా స్క్రీన్ మరింత పెద్దగా కనిపించే అవకాశం ఉంది. సినిమాలు చూడటం, గేమ్స్ ఆడటం, పెద్ద స్క్రీన్పై పని చేయడం వంటి పనులకు ఈ డిస్ప్లే ఉపయోగపడుతుంది.
Also Read: పాత క్లాసిక్ డిజైన్కు బ్లూటూత్ 6.0 పవర్.. సోనీ లవర్స్ అయితే ఈ పిక్స్ చూడాల్సిందే!
ఈ టాబ్లెట్కు ప్రధాన ఆకర్షణ XRING O3 చిప్సెట్ కావచ్చు. షియోమీ సొంతంగా తయారు చేస్తున్న ఈ చిప్ 3nm ప్రాసెస్పై రూపొందుతుందని సమాచారం. దీనిలో 10 కోర్లు ఉండొచ్చని, గరిష్ఠంగా 4.35GHz స్పీడ్ అందుకోవచ్చని లీక్ చెబుతోంది. గ్రాఫిక్స్ కోసం ARM Mali G2-Ultra NX iGPU ఉండే అవకాశం ఉంది. దీంతో గేమింగ్, మల్టీటాస్కింగ్లో మంచి పనితీరు ఆశించవచ్చు.
Xiaomi Pad 9 Pro Maxలో HyperOS 4 అందుబాటులోకి రావచ్చని సమాచారం. దీంతో Super Xiao AI 2.0, Super AI Assistant 2.0 Expert Mode వంటి ఫీచర్లు రావచ్చు. Inspiration Ball అనే టూల్ ద్వారా స్క్రీన్పై ఉన్న టెక్స్ట్ లేదా వస్తువును ఎంచుకుని AIతో సంబంధిత సమాచారాన్ని పొందవచ్చని చెబుతున్నారు. వాయిస్ కమాండ్లతో కూడా ఈ ఫీచర్ పనిచేసే అవకాశం ఉంది. Expert Mode ద్వారా ఒక్క వాక్యంతో పూర్తి PPTలు, వెబ్పేజీలు తయారు చేయగల సామర్థ్యం ఉండొచ్చని లీక్ సూచిస్తోంది.
ప్రస్తుతానికి ఇవన్నీ లీక్ అయిన వివరాలే కాబట్టి.. అధికారిక సమాచారం వచ్చే వరకు వీటిని ఖచ్చితమైన స్పెసిఫికేషన్లుగా భావించకూడదు. Xiaomi Pad 9 Pro Maxను Xiaomi Pad 9 Proతో కలిసి విడుదల చేసే అవకాశం ఉందని సమాచారం. అధికారిక లాంచ్ తేదీ, ధర, ర్యామ్, స్టోరేజ్ వంటి వివరాలు బయటకు రావాల్సి ఉంది. ధర విషయంలో ప్రస్తుతం ఎలాంటి సమాచారం లేదు. అయితే ప్రీమియం హార్డ్వేర్, డిస్ప్లే, AI సామర్థ్యాలను బట్టి ఇది టాబ్లెట్ కంటే హైఎండ్ విభాగంలో ఉండే అవకాశం కనిపిస్తోంది.
Also Read: స్మార్ట్ఫోన్ స్క్రీన్కు ఇలాంటి ప్రైవసీ కూడా ఉంటుందా? కొత్త టెక్నాలజీ ఇదేనండోయ్!
Share
వీడియో వాచ్ ఫేసెస్తో బోట్ కొత్త స్మార్ట్వాచ్..లుక్ అదుర్స్
టాటా ఈవీలపై కళ్లు చెదిరే ఆఫర్లు.. హారియర్ పై ఏకంగా రూ.2.75 లక్షల తగ్గింపు!
