Best Privacy Phones: బస్సులోనో, మెట్రోలోనో ప్రయాణిస్తున్నప్పుడు అర్జెంట్గా బ్యాంక్ యాప్ ఓపెన్ చేయాల్సి వస్తుంది. లేదా ఆఫీస్ మెయిల్కి రిప్లై ఇవ్వాల్సి ఉంటుంది. కానీ పక్కన కూర్చున్న వ్యక్తి మన ఫోన్ వైపు చూపులు తిప్పుతున్నప్పుడు కాస్త ఇబ్బందిగా, అసౌకర్యంగా అనిపించడం సహజం. చాటింగ్స్, పర్సనల్ మెసేజ్లు చూస్తున్నప్పుడు కూడా ఇదే తిప్పలు.
పాస్వర్డ్లు, యాప్ లాక్లు పెట్టి ఫోన్ లోపల డేటాను దాచుకోగలుగుతున్నాం కానీ, స్క్రీన్ మీద కనిపించే విషయాలను పక్కవారి చూపుల నుంచి కాపాడుకోవడం మాత్రం కష్టమైపోతోంది. అందుకే ఇప్పుడు సెక్యూరిటీ అంటే కేవలం ఫింగర్ప్రింట్ లాక్ మాత్రమే కాదు. మనం స్క్రీన్ వాడుతున్నప్పుడు పక్కన ఉన్నవారికి ఏమీ కనిపించకుండా ఉండటం కూడా అంతకంటే ముఖ్యం అయిపోయింది.
శాంసంగ్ గెలాక్సీ S26 అల్ట్రా మోడల్ ఈ విషయంలో అందరికంటే ముందంజలో ఉంది. దీనిలో తొలిసారిగా ఇన్బిల్ట్ ప్రైవసీ డిస్ప్లే సాంకేతికతను అందించారు. దీంతో ఫోన్ నేరుగా చూసేవారికి స్పష్టంగా కనిపిస్తుంది. కానీ పక్క నుంచి చూసేవారికి స్క్రీన్ నల్లగా అయిపోయి ఏమీ కనిపించదు. పబ్లిక్ ప్రదేశాల్లో బ్యాంకింగ్ యాప్స్ వాడేవారికి ఇదొక వరం లాంటిది. ఇక సాధారణ S26 మోడల్లో ఈ ప్రత్యేకమైన ఫీచర్ లేకపోయినా, సెక్యూర్ ఫోల్డర్ వంటి డిజిటల్ భద్రతా ఫీచర్లు చక్కగా పనిచేస్తాయి.
Also Read: 4K డిస్ప్లే, 12700mAh బ్యాటరీతో Lenovo Yoga Tab Gen 2.. ధరెంతో తెలుసా?
యాపిల్ ఐఫోన్ 17 ప్రో నేరుగా స్క్రీన్ ప్రైవసీ డిస్ప్లేను అందించకపోయినా, డిజిటల్ భద్రతలో ఎప్పటిలాగే టాప్లో ఉంది. ఫేస్ ఐడీ, పటిష్టమైన డేటా ప్రైవసీ కంట్రోల్స్ దీని ప్రత్యేకత. అవుట్డోర్లో స్పష్టంగా కనిపించే డిస్ప్లే దీని సొంతం. అయితే, పక్కవారి చూపుల నుంచి స్క్రీన్ను కాపాడుకోవడానికి ఐఫోన్ యూజర్లు కచ్చితంగా బయట లభించే ప్రైవసీ స్క్రీన్ ప్రొటెక్టర్ వాడాల్సిందే. సాఫ్ట్వేర్ పరంగా పూర్తి రక్షణ కోరుకునే వారికి ఐఫోన్ 17 ప్రో మంచి ఎంపిక.
గూగుల్ పిక్సెల్ 10 ప్రో ఆండ్రాయిడ్ సెక్యూరిటీ అప్డేట్లతో సాఫ్ట్వేర్ ప్రైవసీకి ప్రాధాన్యత ఇస్తుంది. దీని స్క్రీన్ ప్రైవసీ కోసం కూడా ఎక్స్టర్నల్ గ్లాస్ వాడాల్సిందే. ఇక TCL NXTPAPER 70 ప్రో విషయానికి వస్తే.. ఇది పేపర్ లాంటి మ్యాట్ ఫినిష్ డిస్ప్లేతో వస్తుంది. ఇది కళ్లపై ఒత్తిడి లేకుండా, సూర్యకాంతిలో మెరుపులు లేకుండా చదువుకోవడానికి బాగుంటుంది తప్ప, పక్కనున్న వారికి స్క్రీన్ కనిపించకుండా దాచలేదు. ఇది కేవలం గ్లేర్ తగ్గించడానికి మాత్రమే ఉపయోగపడుతుంది.
తరచూ ప్రయాణాలు చేస్తూ.. పబ్లిక్ ప్రదేశాల్లో ఎక్కువ ఫోన్ వాడుతుంటే శాంంసంగ్ గెలాక్సీ S26 అల్ట్రా బెస్ట్ ఆప్షన్. ఎలాంటి ప్రైవసీ గార్డ్స్ అవసరం లేకుండా హార్డ్వేర్ స్థాయిలోనే ప్రైవసీని ఇది అందిస్తుంది. మిగిలిన ఫోన్లు డిజిటల్ డేటా భద్రతను బాగానే ఇస్తున్నప్పటికీ.. పక్కవారి చూపుల నుంచి స్క్రీన్ కవర్ చేయాలంటే మాత్రం స్క్రీన్ ప్రొటెక్టర్లపై ఆధారపడక తప్పదు. కాబట్టి.. మీ అవసరాన్ని బట్టి సరైన ఫోన్ను ఎంచుకోవడం మంచిది.
Also Read: గూగుల్ పిక్సెల్ ఫ్యాన్స్కి పండగే.. ఆ ఫోన్ ధర రూ.13,300 తగ్గింది, ఈ డీల్ మిస్ అవ్వొద్దు!
Share
మ్యూజియంలో ఉండాల్సిన ట్రైన్ మళ్లీ పట్టాలపైకి.. 63 ఏళ్ల ఈ రైలుకు ఇప్పటికీ ఇంత డిమాండా?
విపక్షానికి స్ట్రాంగ్ కౌంటర్.. డబుల్ మీనింగ్స్ వద్దు, చట్టం ఊరుకోదని హెచ్చరించిన సీఎం విజయ్
