Asia Cup Rising Stars 2026: ACC మహిళల ఆసియా కప్ రైజింగ్ స్టార్స్ 2026 టోర్నమెంట్ లో ( ACC Women’s Asia Cup Rising Stars 2026 ) భాగంగా టీమిండియా జట్టు అదిరిపోయే విజయాన్ని నమోదు చేసుకుంది. ఈ టోర్నమెంట్ ఫిబ్రవరి 13వ తేదీన ప్రారంభం కాగా ఇవాళ టీమిండియా మహిళల ఏ, పాకిస్తాన్ మహిళల ఏ జట్లు ( India A Women vs Pakistan A Women) తలపడ్డాయి. ఇందులో అద్భుతంగా రాణించిన టీమిండియా మహిళల జట్టు ఏకంగా 8 వికెట్ల తేడాతో విజయం సాధించింది. రాధా యాదవ్ ( Radha Yadav ) కెప్టెన్ వ్యవహరించిన ఈ మ్యాచ్ లో పాకిస్తాన్ 93 పరుగులు సాధించింది. ఇక ఈ లక్ష్యాన్ని కేవలం రెండు వికెట్లు నష్టపోయి 10.1 ఓవర్లలో చేదించింది టీమిండియా మహిళల జట్టు. దీంతో ఈ టోర్నమెంట్ లో 8 వికెట్ల తేడాతో విజయం సాధించింది ఇండియా మహిళల A జట్టు.
ఒకవైపు టి20 ప్రపంచ కప్ 2026 టోర్నమెంట్ ( T20 World Cup 2026 tournament) కొనసాగుతున్న నేపథ్యంలో, మరోవైపు ఆసియా కప్ రైజింగ్ స్టార్స్ 2026 టోర్నమెంట్ కూడా కొనసాగుతోంది. ఫిబ్రవరి 13వ తేదీన ప్రారంభమైన ఈ టోర్నమెంట్ ఫిబ్రవరి 22వ తేదీ వరకు కొనసాగనుంది. ఈ టోర్నమెంట్ మొత్తం ఎనిమిది జట్లు పాల్గొంటున్నాయి. ఈ 8 జట్లను రెండు గ్రూపులుగా విడదీశారు. ఈ నేపథ్యంలోనే ఇండియా మహిళల జట్టు, పాకిస్తాన్ రెండు గ్రూపుల్లో స్థానం దక్కించుకున్నాయి. ఇక గ్రూప్ స్టేజిలో ఈ రెండు జట్ల మధ్య తాజాగా మ్యాచ్ జరిగింది. బ్యాంకాక్ లోని అంతర్జాతీయ క్రికెట్ స్టేడియం వేదికగా ఇండియా వర్సెస్ పాకిస్తాన్ మహిళల జట్ల మధ్య ఆరవ మ్యాచ్ నిర్వహించారు. ఇందులో పాకిస్తాన్ మహిళల ఏ జట్టు మొదట బ్యాటింగ్ చేసింది.
ఈ సందర్భంగా 18.5 ఓవర్లు ఆడింది పాకిస్తాన్ మహిళల జట్టు. ఈ నేపథ్యంలోనే 93 పరుగులు చేసి ఆల్ అవుట్ అయింది పాకిస్తాన్ మహిళల జట్టు. ఈ మ్యాచ్ లో షావాల్ 23 పరుగులు సాధించగా గుల్ 21 పరుగులు సాధించింది. అయితే 94 పరుగుల లక్ష్యాన్ని చేదించే క్రమంలో ఇండియా ఆచితూచి ఆడింది. 10.1 ఓవర్లు ఆడింది టీమిండియా. ఈ తరుణంలో రెండు వికెట్లు నష్టపోయి మ్యాచ్ గెలిచింది. టీమిండియా మహిళల జట్టులో వ్రింద దినేష్ 55 పరుగులు చేసి దుమ్ము లేపింది. అటు అనుష్క శర్మ 24 పరుగులతో రెచ్చిపోయింది. ఇలా పురుషుల టీమిండియా కంటే మొదటగా మహిళల టీమిండియా పాకిస్తాన్ పై విజయం సాధించింది. కాగా ఇవాళ పురుషుల టి20 ప్రపంచ కప్ 2026 టోర్నమెంట్లో భాగంగా కొలంబో వేదికగా ఇండియా వర్సెస్ పాకిస్తాన్ మధ్య మ్యాచ్ జరగనుంది.
🚨 INDIA BEAT PAKISTAN IN 8 WICKETS & 59 BALLS SPARES IN RISING WOMEN'S ASIA CUP 2026 🚨
– The Domination of Team India. 🇮🇳 pic.twitter.com/qhWTgJSgKJ
— Tanuj (@ImTanujSingh) February 15, 2026
Share
UFO Area 51: ఏలియన్స్ నిజమే.. ఏరియా 51 రహస్యం చెప్పిన బరక్ ఒబామా
Mayor : మేయర్ పీఠంపై అన్ని పార్టీల గురి.. ఎవరికి చిక్కెనో!
