T20 World Cup 2026: టి20 ప్రపంచ కప్ 2026 టోర్నమెంట్ నేపథ్యంలో బంగ్లాదేశ్ తన నిర్ణయాన్ని ప్రకటించేసింది. ఐసీసీ ఇచ్చిన రెండు రోజుల గడువును సద్వినియోగం చేసుకున్న బంగ్లాదేశ్ క్రికెట్ బోర్డ్.. టి20 ప్రపంచ కప్ 2026 టోర్నమెంట్ లో ఆడబోమని ప్రకటించేసింది. ఇవాళ బంగ్లాదేశ్ క్రికెట్ బోర్డు సభ్యులందరూ సమావేశమయ్యారు. ఈ సందర్భంగా ఇండియాలో పర్యటించడం పైన చర్చించారు. దాదాపు మూడు గంటల పాటు సాగిన ఈ చర్చల్లో ఓ కీలక నిర్ణయం తీసుకుంది బంగ్లాదేశ్ క్రికెట్ బోర్డు. అనంతరం బంగ్లాదేశ్ క్రీడా సలహాదారులు ఆసిఫ్ నజురుల్ కీలక ప్రకటన చేశారు. టి20 ప్రపంచ కప్ 2026 టోర్నమెంటులో తమ జట్టు పాల్గొనడం లేదని ఐసిసికి క్లారిటీ ఇచ్చారు.
టి20 ప్రపంచ కప్ 2026 టోర్నమెంట్ నేపథ్యంలో ఇండియాలో పర్యటించబోమని తాజాగా బంగ్లాదేశ్ ప్రకటించేసింది. ఈ టోర్నమెంట్ నేపథ్యంలో ఇండియాలో పర్యటిస్తే, ప్లేయర్లకు ప్రాణహాని ఉంటుందని బంగ్లాదేశ్ క్రికెట్ బోర్డ్ వెల్లడించింది. అందుకే టి20 ప్రపంచ కప్ 2026 టోర్నమెంట్ ను బై కాట్ చేస్తున్నట్లు బంగ్లాదేశ్ స్పష్టం చేసింది. క్రికెట్ కంటే తమ ఆటగాళ్ల ప్రాణాలు ముఖ్యమని.. ఇలాంటి పరిస్థితులలో ఇండియాలో బంగ్లాదేశ్ క్రికెటర్లు పర్యటిస్తే, అత్యంత ప్రమాదకరమని బోర్డు సభ్యులు వెల్లడించారు. అందుకే ఈ టోర్నమెంట్ నుంచి తప్పుకుంటున్నట్లు స్పష్టం చేశారు. ఈ టోర్నమెంట్ నుంచి బంగ్లాదేశ్ తప్పుకోవడంతో స్కాట్లాండ్ ఎంట్రీ ఇవ్వనుంది.
టి20 ప్రపంచ కప్ 2026 టోర్నమెంట్ నుంచి తప్పుకున్న బంగ్లాదేశ్ కు ఇక కష్టాలు మొదలుకానున్నాయి. ఈ టోర్నమెంట్ నుంచి వైదొలిగినందుకు గాను రెండు మిలియన్లు అంటే ఇండియన్ రూపాయలలో 16 కోట్లు ఐసీసీకి చెల్లించాలి. అలాగే ఈ టోర్నమెంట్ నుంచి తప్పుకున్నందుకు గాను బంగ్లాదేశ్ క్రికెట్ బోర్డుకు వచ్చే 4.1 కోట్లు రావన్న మాట. అదేవిధంగా ఐసీసీ వార్షిక ఆదాయంలో కూడా కోత విధించే ప్రమాదం ఉంటుంది. ప్లేయర్లకు కూడా భారీ స్థాయిలో నష్టం జరుగుతుంది. వాళ్లకు ఇచ్చే మ్యాచ్ ఫీజులు, బోనస్, ప్లేయర్ల మార్కెట్ విలువ అమాంతం పడిపోనుంది. ఇక ఐసీసీ టోర్నమెంట్ నుంచి తప్పుకున్న నేపథ్యంలో బంగ్లాదేశ్ ర్యాంకింగ్ కూడా పడిపోనుంది. భవిష్యత్తులో మళ్లీ ఐసీసీ టోర్నమెంట్ ఆడాలంటే కచ్చితంగా క్వాలిఫైయర్ రౌండ్లు వాడాల్సి ఉంటుంది. అంటే జింబాబ్వే, నేపాల్ జట్లు ఆడినట్లు బంగ్లాదేశ్ ఇకపై ఆడాలి. ఇటు ఇండియాతో ద్వైపాక్షిక సంబంధాలు పూర్తిగా తెగిపోనున్నాయి. ఇలా ఒక్కటి కాదు రెండు కాదు.. బంగ్లాదేశ్ కు అడుగడుగున అగ్నిగుండమే. భవిష్యత్తులో బంగ్లాదేశ్ క్రికెట్ బోర్డు కూడా ఎత్తేసే ప్రమాదం కూడా ఉండే ఛాన్సులు ఉన్నాయని క్రీడా విశ్లేషకులు చెబుతున్నారు. బీసీసీఐ బోర్డుతో పెట్టుకుంటే ఇలాగే ఉంటుందని అంటున్నారు.
🚨Bangladesh’s sports advisor says the stance remains unchanged, with the BCB boycotting the 2026 T20 World Cup.#BangladeshCricket #BCB #T20WC2026 #Cricket pic.twitter.com/ngoFFkEzyc
— OneCricket (@OneCricketApp) January 22, 2026
Share
Balakrishna: 65 ఏళ్లల్లో కూడా జోరు పెంచిన బాలయ్య.. ఆ లైనప్ ఏంటి మావా!
Tollywood: తమకంటే వయసులో చిన్న చెల్లెళ్లను కలిగి ఉన్న హీరోయిన్స్ వీళ్ళే!
