Hasan Nawaz on Indian Bowlers: ఇండియా వర్సెస్ పాకిస్తాన్ మధ్య పచ్చగడ్డి వేస్తే భగ్గుమనే పరిస్థితి నెలకొన్నాయి. పహల్గామ్ సంఘటన తర్వాత పాకిస్తాన్ క్రికెటర్లకు షేక్ హ్యాండ్ కూడా ఇవ్వడం లేదు మన ఇండియన్స్. ఆసియా కప్ నుంచి ఈ పరిస్థితి నెలకొంది. అయితే ఇలాంటి నేపథ్యంలో ఇండియన్ ప్లేయర్లను రెచ్చగొట్టే ప్రయత్నం చేస్తూనే ఉన్నారు పాకిస్తాన్ క్రికెటర్లు. నిత్యం ఏదో ఒక అంశంపై ఇండియాపై విషం కక్కుతూనే ఉన్నారు. అదే తాజాగా పాకిస్తాన్ ఆటగాడు హసన్ నవాజ్ ( Hasan Nawaz ) వివాదాస్పద వ్యాఖ్యలు చేశారు. టీమిండియా బౌలర్లు అంటేనే తనకు చిరాకు, అసహ్యం అంటూ షాకింగ్ కామెంట్స్ చేశాడు. వాళ్లు తన ముందుకు వస్తే వాళ్ళ ముఖాలు కూడా చూడాలంటే, ఇబ్బందిగా ఉంటుందని మండిపడ్డారు. ఇక టీమిండియా బౌలర్లు వేసే బంతులను సిక్సర్లు కొట్టడమే లక్ష్యంగా బరిలోకి దిగుతానని స్టేట్మెంట్ ఇచ్చాడు. దీంతో హసన్ నవాజ్ చేసిన వ్యాఖ్యలు దుమారం రేపుతున్నాయి.
ఇండియన్ ప్రీమియర్ లీగ్ 2026 టోర్నమెంట్ చాలా విజయవంతంగా కొనసాగుతున్న నేపథ్యంలో PSL తోపు టోర్నమెంట్ అంటూ పాకిస్తాన్ మాజీలు తెగ రెచ్చిపోతున్నారు. ఐపీఎల్ టోర్నమెంటులో ఫిక్సింగ్ జరుగుతోందని పదేపదే ఆరోపణలు చేస్తున్నారు. ఈ క్రమంలో పాకిస్తాన్ స్టార్ ఆటగాడు హసన్ నవాజ్, తాజాగా ఓ ఇంటర్వ్యూలో పాల్గొని… టీమిండియా బౌలర్ల పై విరుచుకుపడ్డాడు. ఇండియా పరువు తీసేలా వ్యవహరించాడు. టీమిండియా బౌలర్లు తన ముందుకు వచ్చినప్పుడు వాళ్లపై ఎదురు దాడి చేయాలని అనిపిస్తుందని పేర్కొన్నాడు. ప్రతి సారి తనకు అలాగే అనిపిస్తోందని తెలిపారు. ఇతర జట్ల ప్లేయర్ల కంటే.. టీమిండియా బౌలర్లు తనకు బౌలింగ్ చేస్తే సిక్సర్లు.. బౌండరీలు కొట్టి వాళ్లకు చుక్కలు చూపిస్తానని హెచ్చరించారు.
బుమ్రా, మహమ్మద్ సిరాజ్, మహమ్మద్ షమీ లాంటి బౌలర్లను ఇబ్బంది పెట్టడమే లక్ష్యంగా తాను దృష్టి పెడతానని వ్యాఖ్యానించారు. దీంతో హసన్ నవాజ్ చేసిన వ్యాఖ్యలు దుమారం రేపుతున్నాయి. అయితే దీనిపై ఇండియన్ ఫాన్స్ కూడా కౌంటర్ ఇస్తున్నారు. ఇది ఓవర్ కాన్ఫిడెన్స్ అంటూ మండిపడుతున్నారు. వీడికి బ్యాటింగ్ చేతకాదు కానీ ఓవరాక్షన్ ఎక్కువ అంటూ కౌంటర్ ఇస్తున్నారు. ఇది ఇలా ఉండగా ఇప్పటి వరకు టీమిండియా పై ఒకే ఒక్క అంతర్జాతీయ టి20 లో హసన్ నవాజ్ కు అవకాశం వచ్చింది. ఆసియా కప్ 2025 సందర్భంగా ఈ మ్యాచ్ జరగగా, అందులో కేవలం ఐదు పరుగులు చేసి ఔట్ అయ్యాడు. కుల్దీప్ యాదవ్ బౌలింగ్ లో వికెట్ కోల్పోయాడు హసన్ నవాజ్.
Share
నిద్రలో వచ్చే నిజమైన కలలు... ఫ్యూచర్ ముందే చూస్తూ విలన్లకు చుక్కలు చూపించే మైండ్ బ్లోయింగ్ కే డ్రామా
రెండువందల ఏళ్ల రాక్షసుడితో కాంట్రాక్ట్ మ్యారేజ్... ప్రతి ఎపిసోడ్ పిచ్చెక్కించే రొమాంటిక్ సిరీస్
