FIGHT BETWEEN MIKE HESSON AND SHAHEEN AFRIDI: వన్డే ట్రై సిరీస్ ప్రారంభం కాకముందే పాకిస్తాన్ క్రికెట్ జట్టు పెను ప్రకంపనలు చోటు చేసుకున్నట్టు వార్తలు వస్తున్నాయి. పాకిస్తాన్ హెడ్ కోచ్ మైక్ హెసన్ ( MIKE HESSON), వన్డే సారధి షాహీన్ అఫ్రిది ( SHAHEEN AFRIDI) మధ్య ప్రాక్టీస్ సమయంలో పెద్ద గొడవ చోటు చేసుకున్నట్టు తెలుస్తోంది. బౌలింగ్‌పైన కాకుండా, బ్యాటింగ్ పైనే షాహీన్ అఫ్రిది ఎక్కువగా ఫోకస్ చేస్తున్నాడని మైక్ హెసన్ మందలించినట్టు సమాచారం. బౌలింగ్ పైనే ఫోకస్ చేసి, ముందుకు వెళ్లాలని సూచించినట్టు చెబుతున్నారు. కెప్టెన్ గా ఎలాంటి వ్యూహాలు అమలు చేయాలనే దానిపై శ్రద్ధ పెట్టాలంటూ హితువు పలికినట్టు సమాచారం.
అయితే, కోచ్ మైక్ హెసన్ సూచనలను షాహీన్ అఫ్రిది బేఖాతరు చేశాడని అంటున్నారు. తనకు నచ్చిన పని చేస్తానని, నీకేం నొప్పి అంటూ ఎదురు తిరిగినట్టు ప్రచారం సాగుతోంది. నువ్వు కేవలం కోచ్‌వు మాత్రమే కెప్టెన్ వు కాదంటూ కౌంటర్ ఇచ్చాడని అంటున్నారు. తనకు నచ్చిన పని తాను చేస్తాను..ఇక్కడి నుంచి వెళ్లిపోమంటూ అవమానించాడని కథనాలు వస్తున్నాయి. అనవరసంగా తన బుర్ర తింటే, మాత్రం చేతికి పని చెప్పాల్సి వస్తుందని హెచ్చరించాడని అంటున్నారు. దీంతో అక్కడి నుంచి అలిగి, డ్రెస్సింగ్ రూమ్ కు వెళ్లిపోయారట కోచ్ మైక్ హెసన్. ఈ సంఘటనకు సంబంధించిన న్యూస్ హాట్ టాపిక్ అయింది. ఇక ఈ సంఘటనపై పాకిస్తాన్ క్రికెట్ బోర్డు వెంటనే సీరియసై, షాహీన్ ను మందలించినట్టు సమాచారం.
పాకిస్తాన్, శ్రీలంక, ఇంగ్లాండ్ ట్రై సిరీస్ షెడ్యూల్ ఇప్పటికే ఫైనల్ అయింది. ఈ మూడు జట్ల మధ్య ఆదివారం అంటే అక్టోబర్ 18వ తేదీ నుంచి వన్డే ట్రై సిరీస్ షురూ కానుంది. రావల్పిండి క్రికెట్ స్టేడియం వేదికగా పాకిస్తాన్ వర్సెస్ లంక జట్ల ఆదివారం తొలి మ్యాచ్ జరుగనుంది. ఇక ఈ మూడు జట్లలో మెరుగైన ప్రదర్శన కనబరిచిన జట్లు ఫైనల్స్ కు చేరతాయి.
అక్టోబర్ 31వ తేదీన లహోర్ లోని గడాఫీ స్టేడియం వేదికగా ఫైనల్ మ్యాచ్ ఉంటుంది. ఈ సిరీస్ నేపథ్యంలోనే ఇప్పటికే పాకిస్తాన్ దేశంలోని ఇంగ్లాండ్ ప్లేయర్లు అడుగు పెట్టారు. నిన్న లండన్ లో విమానం ఎక్కిన ఇంగ్లీష్ ఆటగాళ్లు, ఇస్లామాబాద్ లో దిగారు. అక్కడే ఓ ప్రముఖ హోటల్ లో బిక్కు బిక్కుమంటూ ఉన్నారు. ఎక్కడ బాంబులు పడతాయో, ఎవడూ దాడి చేస్తాడోననే భయంలో ఉన్నారు.
Share
స్థానిక ఎన్నికల వేల నేతలకు సీఎం చంద్రబాబు వార్నింగ్.. ఎమన్నారంటే?
మాల్దీవుల్లో ఖుషీ కపూర్ అందాల సందడి.. ఫ్యాన్స్కు ఫుల్ ట్రీట్!
