టీమిండియా వర్సెస్ దక్షిణాఫ్రికా మధ్య జరుగుతున్న రెండో టెస్టుల్లో మహమ్మద్ సిరాజ్ చేసిన పని అందరికీ నవ్వు తెప్పించింది. నిన్న దక్షిణాఫ్రికా బ్యాటింగ్ చేస్తున్న క్రమంలో తన రౌండ్ క్యాప్ ను పెట్టుకోకుండా, గ్రౌండ్ లో తిరిగే కెమెరాకు తగిలించేశాడు మహమ్మద్ సిరాజ్. ఓవర్ పూర్తయ్యే వరకు ఆ కెమెరా తోనే ఉంది క్యాప్. అనంతరం మహమ్మద్ సిరాజ్ బౌలింగ్ చేసేందుకు వెళ్లే క్రమంలో తిరిగి అతనికి కెమెరామెన్ ఇచ్చేశాడు. దీనికి సంబంధించిన ఫన్నీ వీడియో వైరల్ గా మారింది. ఇప్పటి వరకు క్రికెట్ చరిత్రలో ఇలాంటి పని ఎవరు చేయలేదు. తన క్యాప్ ను కెమెరాకు ఇచ్చి మహమ్మద్ సిరాజ్ అందరిని నవ్వించాడు. టీమిండియా వర్సెస్ దక్షిణాఫ్రికా (India vs South Africa, 2nd Test) మధ్య జరుగుతున్న రెండో టెస్ట్ మహమ్మద్ సిరాజ్ 30 ఓవర్లు సంధించాడు.
ఇందులో 5 మెడీన్లు చేయగా, 106 పరుగులు సమర్పించుకున్నాడు. అదే సమయంలో 2 కీలక వికెట్లు కూడా పడగొట్టాడు మహమ్మద్ సిరాజ్ ( Mohammed Siraj). ఈ మ్యాచ్ లో రెండు వికెట్లు పడగొట్టిన మహమ్మద్ సిరాజ్ సరికొత్త రికార్డు సృష్టించాడు. 2025 సంవత్సరంలో ఇప్పటి వరకు అత్యధిక టెస్ట్ వికెట్లు పడగొట్టిన ప్లేయర్ గా మహమ్మద్ సిరాజ్ రికార్డు లోకి ఎక్కాడు. మొన్నటి వరకు ముజారబానీ 42 వికెట్లతో మొదటి స్థానంలో ఉన్నాడు. అయితే ఆ రికార్డును ఇప్పుడు బ్రేక్ చేసి మహమ్మద్ సిరాజ్ 43 వికెట్లతో మొదటి స్థానానికి వచ్చాడు. వీళ్ళిద్దరి తర్వాత ఆస్ట్రేలియా ఆటగాడు మిచెల్ స్టార్ కు 39 వికెట్లతో మూడో స్థానంలో ఉన్నాడు. ఇక అటు వరల్డ్ టెస్ట్ ఛాంపియన్స్ షిప్ 2025-2027 టోర్నమెంట్ లో కూడా సిరాజ్ ఎక్కువ వికెట్లు పడగొట్టిన ప్లేయర్ గా రికార్డులోకి ఎక్కాడు.
201 పరుగులకు కుప్పకూలిన టీమిండియా
దక్షిణాఫ్రికాతో జరుగుతున్న రెండో టెస్ట్ మ్యాచ్ మొదటి ఇన్నింగ్స్ లో టీమిండియా అత్యంత దారుణంగా విఫలమైంది. ఈ మొదటి ఇన్నింగ్స్ లో 201 పరుగులకు ఆల్ అవుట్ అయింది. దీంతో దక్షిణాఫ్రికా కంటే 288 పరుగుల వెనుకంజలో నిలిచింది ఇండియా. వాస్తవంగా టీమిండియా ఫాలోవన్ ఆడాల్సి ఉంది. కానీ దక్షిణాఫ్రికా రెండో ఇన్నింగ్స్ ప్రారంభించింది.
Share
Jupally Krishna Rao: ప్రతి పేదవాడి సొంతింటి కలను సాకారం చేస్తాం: మంత్రి జూపల్లి
Xiaomi 4K Ultra Smart TV: రూ. 50 వేల స్మార్ట్ టీవీ జస్ట్ రూ. 30 వేలకే, అమెజాన్ అదిరిపోయే ఆఫర్!
