Hardik Pandya-Cameraman: కెమెరామెన్ కు హగ్ ఇచ్చిన హార్దిక్ పాండ్యా.. చేయి విర‌గ్గొట్టి మ‌రీ

Hardik Pandya-Cameraman: టీమిండియా స్టార్ ఆల్ రౌండర్ హార్దిక్ పాండ్యా మరోసారి తన గొప్ప మనసును చాటుకున్నాడు. తాను కొట్టిన సిక్సర్ బంతి తగిలి గాయపడిన కెమెరామెన్ ని పరామర్శించి.. అతడికి సాయం చేసి అందరి మనసులు గెలుచుకున్నాడు. ఈ ఘటన అహ్మదాబాద్ వేదికగా శుక్రవారం రోజు సౌతాఫ్రికా – భారత్ మధ్య జరిగిన ఆఖరి టి-20లో చోటుచేసుకుంది.

Also Read: IND VS SA: మ్యాచ్ ర‌ద్దు కావ‌డంపై శశిథరూర్ సీరియ‌స్‌.. సౌత్‌లో మ్యాచ్‌లు పెట్టండి

తన సిక్సర్ కారణంగా గాయపడిన కెమెరామెన్ కి హార్దిక్ పాండ్యా క్షమాపణలు చెప్పడంతో పాటు హగ్ ఇచ్చాడు. దీంతో హార్దిక్ పాండ్యా.. ఆ కెమెరామెన్ కి సంబంధించిన ఫోటోలు, వీడియోలు సోషల్ మీడియాలో వైరల్ గా మారాయి. ఈ క్రమంలో హార్దిక్ పాండ్యా పై నెటిజెన్లు ప్రశంసల జల్లు కురిపిస్తున్నారు.

అసలు ఏం జరిగిందంటే..?:

భారత్ – సౌత్ ఆఫ్రికా మధ్య జరిగిన చివరి టి-20 మ్యాచ్ లో హార్దిక్ పాండ్యా కేవలం 25 బంతుల్లో 63 పరుగులతో చెలరేగాడు. ఈ ఇన్నింగ్స్ లో ఐదు భారీ సిక్సర్లు బాదాడు. అయితే కార్బన్ బోష్ వేసిన 13వ ఓవర్ రెండవ బంతిని హార్దిక్ పాండ్యా మిడాఫ్ దిశగా భారీ సిక్స్ కొట్టాడు. ఆ బంతి నేరుగా వెళ్లి బౌండరీ బయట ఉన్న కెమెరామెన్ ఎడమ చేతి భుజానికి బలంగా దాకింది. దీంతో అతడి భుజంపై తీవ్ర గాయం అయింది. బంతి తగిలిన సమయంలో ఆ కెమెరామెన్ భారత డకౌట్ దృశ్యాలను తన భుజాలపై కెమెరా పెట్టుకుని షూట్ చేస్తున్నాడు. అయితే హార్దిక్ పాండ్యా కొట్టిన ఆ సిక్స్ ని అతడు గమనించకపోవడంతో బంతి అతడిని బలంగా తాకింది. దీంతో వెంటనే స్పందించిన టీమిండియా ఫిజియో ఆ కెమెరామెన్ కి ప్రధమ చికిత్స అందించారు. అతడికి పెయిన్ రిలీఫ్ స్ప్రే చేశారు. అయినా నొప్పి తగ్గకపోవడంతో ఐస్ బ్యాగ్ పెట్టుకొని కనిపించాడు. ఆ తర్వాత టీమ్ ఇండియా హెడ్ కోచ్ గౌతమ్ గంభీర్ కూడా కెమెరామెన్ గాయం పై ఆరా తీశాడు.

Also Read: Smriti Mandhana: ల‌వ‌ర్ టెన్ష‌న్ లేదు.. స్మృతి మందాన బ‌రితెగింపు ? పొట్టి బ‌ట్ట‌లు వేసుకుని !

కెమెరామెన్ ని హగ్ చేసుకుని క్షమాపణలు చెప్పిన హార్దిక్:

భారత ఇన్నింగ్స్ ముగిసిన వెంటనే హార్దిక్ పాండ్యా నేరుగా ఆ కెమెరామెన్ వద్దకు పరుగున వెళ్లాడు. అతడి గాయాన్ని పరిశీలించి.. ఐస్ ప్యాక్ పెట్టడంలో సహాయం చేశాడు. అనుకోకుండా జరిగిన పొరపాటుకు క్షమాపణగా అతనిని ఆలింగణం చేసుకొని తన పెద్ద మనసును చాటుకున్నాడు. ఈ క్షణాలు స్టేడియంలో ఉన్న ప్రేక్షకులను ఆకట్టుకున్నాయి. ఈ క్రమంలో హార్దిక్ పాండ్యా చూపిన ఈ మానవత్వం సోషల్ మీడియాలో ప్రశంసలు అందుకుంటుంది. అలాగే కెమెరామెన్ నవ్వుతున్న ముఖం వీడియో కూడా వైరల్ గా మారింది. హార్దిక్ పాండ్యా ఆ కెమెరామెన్ కి హాగ్ ఇచ్చిన ఫోటోలు ప్రస్తుతం సోషల్ మీడియాలో వైరల్ గా మారాయి.

HARDIK PANDYA YOU WON THE HEARTS. ♥️🥹

– Hardik Pandya's six hit on Cameraman & Hardik came to check him & hugged him, Cameraman's reactions says it all.

pic.twitter.com/HrtG3QjjdF

— Tanuj (@ImTanujSingh) December 19, 2025