Ind vs SA 1st T20I: టీమిండియా వర్సెస్ దక్షిణాఫ్రికా మధ్య జరుగుతున్న మొదటి కటక్ టి20 మ్యాచ్ లో హార్దిక్ పాండ్యా విజృంభించాడు. ఆసియా కప్ 2025 టోర్నమెంట్ నేపథ్యంలో గాయం కారణంగా జట్టుకు దూరమయ్యాడు హార్థిక్ పాండ్యా. అయితే అప్పటి నుంచి జట్టుకు దూరమైన హార్దిక్ పాండ్యా , ఈ టీ20 మ్యాచ్ నేపథ్యంలో రీ ఎంట్రీ ఇచ్చాడు. దానికి తగ్గట్టుగానే తన ఆటతీరుతో రెచ్చిపోయాడు హార్థిక్ పాండ్యా. తన రీ-ఎంట్రీలో అర్థ సెంచరీతో దుమ్ములేపిన హార్దిక్ పాండ్యా, టీమిండియాను ఆదుకున్నాడు. దీంతో నిర్ణీత 20 ఓవర్లలో ఆరు వికెట్లు నష్టపోయిన టీమిండియా 175 పరుగులు సాధించింది.
కటక్ వేదికగా జరుగుతోన్న మొదటి T20 మ్యాచ్ నేపథ్యంలో దక్షిణాఫ్రికా బౌలర్లకు చుక్కలు చూపించాడు హార్దిక్ పాండ్యా. రీ ఎంట్రీలో దుమ్ము లేపుతున్న హార్దిక్ పాండ్యా, ఈ మ్యాచ్ లో హాఫ్ సెంచరీ చేసి జట్టుకు ప్రాణం పోశాడు. 28 బంతుల్లోనే 59 పరుగులు సాధించిన హార్దిక్ పాండ్యా, దక్షిణాఫ్రికా బౌలర్లకు చుక్కలు చూపించాడు. మంచినీళ్లు తాగినంత ఈజీగా సిక్సర్లు అలాగే బౌండరీలు సాధించాడు హార్థిక్ పాండ్యా. దీంతో హార్దిక్ పాండ్యాను అవుట్ చేసేందుకు సఫారీలు చాలా కష్టపడాల్సి వచ్చింది. ఎలాంటి బంతులు వేసిన అవలీలగా బౌండరీ లేదా సిక్సర్ తరలించేశాడు పాండ్యా. దీంతో 20 ఓవర్లలో 175 పరుగులు సాధించగలిగింది టీమిండియా. అయితే హార్దిక్ పాండ్యా ఇంత దాటిగా ఆడుతున్నప్పటికీ ఏ ఒక్క ఇండియన్ ప్లేయర్ అతనికి సపోర్ట్ గా నిలవలేకపోయారు. అభిషేక్ శర్మ 17 పరుగులకు అవుట్ కాగా.. మరో ఓపెనర్, వైస్ కెప్టెన్ గిల్ అత్యంత చెత్త ప్రదర్శన కనబరిచాడు. ఈ మ్యాచ్లో రెండు బంతులు ఆడిన గిల్ బౌండరీ కొట్టి, వికెట్ సమర్పించుకున్నాడు. దీంతో గిల్ ప్రదర్శన పై దారుణంగా విమర్శలు వస్తున్నాయి.
మెడ నొప్పి కారణంగా దక్షిణాఫ్రికా జరిగిన టెస్టులు అలాగే వన్డే సిరీస్ కు గిల్ దూరమైన సంగతి తెలిసిందే. అయితే గిల్ స్థానంలో వచ్చిన మిగిలిన ప్లేయర్లు అద్భుతంగా రాణిస్తున్నారని, ఇవాళ రీ ఎంట్రీ ఇచ్చిన గిల్ మాత్రం అట్టర్ ప్లాప్ అయ్యాడని మండిపడుతున్నారు ఫ్యాన్స్. చాలా రోజుల తర్వాత బ్యాటింగ్ చేస్తే సెంచరీ లేదా అర్థ సెంచరీ చేస్తారంటే.. గిల్ నాలుగు పరుగులు చేయడం ఏంటని విమర్శలు చేస్తున్నారు. ఇక గిల్ సంగతి అలా ఉంచితే కెప్టెన్ సూర్య కుమార్ యాదవ్ కూడా మరోసారి విఫలమయ్యాడు. 12 పరుగులకే ఉసురుమనిపించాడు. అటు తిలక్ వర్మ 26 పరుగులు చేయగా ఆల్రౌండర్ అక్షర్ పటేల్ 23 పరుగులతో రఫ్పాడించాడు. చివరలో శివం దుబే 11 పరుగులు చేయగా జితేష్ శర్మ 10 పరుగులతో పర్వాలేదనిపించారు.
Also Read: Rohit-Kohli: రావణాసురుడిగా గంభీర్.. రామలక్ష్మణ్ అవతారంలో రోకో..దుమారం రేపుతోన్న పోస్టర్!
THE SWAG OF HARDIK PANDYA. 🥶
– What a shot to complete his Fifty on his comeback match.
— Tanuj (@ImTanujSingh) December 9, 2025
Share
Splendor vs Honda Shine: హీరో స్ప్లెండర్ ప్లస్ vs హోండా షైన్ 100 DX.. నయా లుక్ లో క్రేజీ బైక్స్!
Ram Charan: కోఠి హాస్పిటల్ లో రామ్ చరణ్, ఇంతకు ఏమైంది?
