IND VS SA 2nd Test: టీమిండియా వర్సెస్ దక్షిణాఫ్రికా ( India vs South Africa, 2nd Test) మధ్య జరుగుతున్న రెండో టెస్ట్ లో టీమిండియా పీకల్లోతూ కష్టాల్లో పడింది. తప్పక గెలవాల్సిన ఈ రెండో టెస్ట్ మ్యాచ్ లో టీమిండియా బ్యాటర్లు దారుణంగా విఫలమవుతున్నారు. మన బౌలర్లు సరిగ్గా వికెట్లు తీయకపోగా ఇప్పుడు బ్యాటర్లు కూడా చేతులెత్తేస్తున్నారు. 100 పరుగుల లోపే ఏకంగా ఐదు వికెట్లు కోల్పోయింది టీమిండియా. మొదటి ఇన్నింగ్స్ లో ఇప్పటి వరకు 38 ఓవర్లు ఆడిన టీమిండియా, ఐదు వికెట్ల నష్టానికి 106 పరుగులు సాధించింది. ప్రస్తుతం నితీష్ కుమార్ రెడ్డి అలాగే ఆల్ రౌండర్ రవీంద్ర జడేజా బ్యాటింగ్ చేస్తున్నారు.
దక్షిణాఫ్రికాతో జరుగుతున్న రెండో టెస్ట్ మ్యాచ్ లో టీమిండియా బ్యాటర్లందరూ విఫలమైనప్పటికీ యశస్వి జైస్వాల్ ( Yashasvi Jaiswal) మాత్రం జట్టును ఆదుకున్నాడు. 97 బంతుల్లో 58 పరుగులు సాధించాడు. ఇందులో ఏడు బౌండరీలతో పాటు ఒక సిక్సర్ ఉంది. గడిచిన ఆరు ఇన్నింగ్స్ లలో పెద్దగా రాణించని యశస్వి జైస్వాల్ ఇందులో మాత్రం దుమ్ము లేపాడు. అటు కేఎల్ రాహుల్ 63 బంతుల్లో 22 పరుగులు సాధించాడు. టీమిండియా కెప్టెన్ శుభ్ మాన్ గిల్ స్థానంలో జట్టులోకి వచ్చిన సాయి సుదర్శన్ అట్టర్ ఫ్లాప్ అయ్యాడు. 40 బంతుల్లో కేవలం 15 పరుగులు మాత్రమే సాధించి హర్మర్ బౌలింగ్ లో అవుట్ అయ్యాడు. అటు టీమిండియా కొత్త కెప్టెన్ రిషబ్ పంత్ ( Rishabh Pant) 7 పరుగులకే వెనుదిరిగాడు. దృవ్ జురేల్ డకౌట్ అయ్యాడు. దీంతో టీమిండియా టాప్ ఆర్డర్ మొత్తం కుప్పకూలింది. దక్షిణాఫ్రికా బౌలర్లలో మార్కో జాన్సన్ రెండు వికెట్లు తీయగా హర్మర్ రెండు వికెట్లు పడగొట్టాడు.
కేశవ్ మహారాజ్ ( Keshav Maharaj) ఒక వికెట్ తీశాడు. అటు మొదటి ఇన్నింగ్స్ లో దక్షిణాఫ్రికా అద్భుతంగా రాణించింది. మొదటి ఇన్నింగ్స్ లో టీమిండియా బౌలర్లు పెద్దగా రాణించకపోవడంతో 151 ఓవర్లు ఆడిన దక్షిణాఫ్రికా 489 పరుగులు చేసి ఆల్ అవుట్ అయింది. దక్షిణాఫ్రికాకు చెందిన ముత్తుస్వామి సెంచరీ చేసి జట్టుకు భారీ స్కోర్ అందించాడు. మార్కో జాన్సన్ 9వ వికెట్ కు బ్యాటింగ్ చేసి 93 పరుగులు సాధించాడు. అయితే, ఈ మ్యాచ్ లో టీమిండియా ఓడిపోతే మాత్రం దారుణ పరిస్థితులు చోటు చేసుకుంటాయి. ఇందులో ఓడినా, మ్యాచ్ డ్రా చేసుకున్నా, టెస్ట్ సిరీస్ మాత్రం దక్షిణాఫ్రికా సొంతం చేసుకోనుంది. రెండో టెస్ట్ డ్రా అయితే, 1-0 తేడాతో సఫారీలు సిరీస్ ఎగురేసుకుపోనుంది. ఇలాంటి నేపథ్యంలో ఈ రెండో మ్యాచ్ లో టీమిండియా కచ్చితంగా గెలవాల్సిన పరిస్థితి నెలకొంది.
Yashasvi Jaiswal finally scored his 1st Test fifty against the Proteas in Guwahati.#YashasviJaiswal #INDvSA #CricketTwitter pic.twitter.com/qWYocXdnaC
— InsideSport (@InsideSportIND) November 24, 2025
Share
This week OTT Releases : ఈ వారం ఓటీటీలోకి రాబోతున్న చిత్రాలు.. మూవీ లవర్స్ ఫుల్ మీల్సే..
Nokia N76 2026 Mobile: మోడ్రన్ లుక్తో మార్కెట్లోకి నోకియా ఎన్76… డిజైన్ నుంచి ఫీచర్ల వరకు పూర్తి న్యూ స్టైల్
