IND VS NZ Final: టి20 వరల్డ్ కప్ 2026 టోర్నమెంట్ ( T20 World Cup 2026 tournament ) ఫైనల్ మరికొన్ని గంటల్లోనే జరగనున్న సంగతి తెలిసిందే. ఈ వరల్డ్ కప్ ఫైనల్ లో టీమిండియా, న్యూజిలాండ్ ( Team India vs New Zealand, Final ) తలపడతాయి. అహ్మదాబాద్ లోని నరేంద్ర మోడీ స్టేడియం ( Narendra Modi Stadium, Ahmedabad ) వేదికగా ఈ రెండు జట్ల మధ్య మ్యాచ్ ఉంటుంది. రేపు 7 గంటల సమయంలో ఈ మ్యాచ్ ప్రారంభం అవుతుంది. జియో హాట్ స్టార్ లేదా స్టార్ స్పోర్ట్స్ లో ఈ మ్యాచ్ తిలకించవచ్చు.
టి20 వరల్డ్ కప్ 2026 టోర్నమెంట్ నేపథ్యంలో రేపు టీమిండియా వర్సెస్ న్యూజిలాండ్ మధ్య మ్యాచ్ జరగనుంది. ఇలాంటి నేపథ్యంలో ఫైనల్ ఆడే టీమ్ ఇండియా జట్టు దాదాపు ఖరారు అయినట్లు చెబుతున్నారు. ఒకే ఒక్క మార్పుతో బరిలోకి దిగేందుకు సిద్ధమైందట టీమిండియా. అయితే ఆ ఒక్క మార్పు అభిషేక్ శర్మది అనుకుంటే పొరపాటే.
వరుసగా ఫెయిల్ అవుతున్న అభిషేక్ శర్మకు మరోసారి ఛాన్స్ ఇచ్చేందుకు టీమిండియా నిర్ణయం తీసుకుంది అంటూ వార్తలు వస్తున్నాయి. కచ్చితంగా ఫైనల్స్ లో అభిషేక్ శర్మ రాణిస్తాడని బీసీసీఐ అధికారులు చెబుతున్నారు. దీంతో అభిషేక్ శర్మ బెర్త్ కన్ఫామ్ అయిపోయినట్లే అంటున్నారు. అయితే వేటుపడేది వరుణ్ చక్రవర్తి పైన అని తెలుస్తోంది. ఇంగ్లాండ్ తో జరిగిన రెండో సెమీఫైనల్ లో నాలుగు ఓవర్లలో 60కి పైగా పరుగులు ఇచ్చాడు వరుణ్ చక్రవర్తి. అందుకే అతనికి రెస్ట్ ఇస్తూ కుల్దీప్ యాదవ్ ను బరిలోకి దింపేందుకు టీమిండియా యాజమాన్యం భావిస్తోంది. అహ్మదాబాద్ గడ్డపైన కుల్దీప్ యాదవ్ కు మంచి ట్రాక్ రికార్డు కూడా ఉంది. ఇక మిగిలిన ప్లేయర్ లందరూ యధావిధిగా ఆడనున్నారు.
టీమిండియా వర్సెస్ న్యూజిలాండ్ మధ్య రికార్డులు పరిశీలిస్తే, టి20 వరల్డ్ కప్ టోర్నమెంట్లో ఇప్పటివరకు ఈ రెండు జట్ల మధ్య మూడు మ్యాచ్లు జరిగాయి. ఈ మూడింటిలో న్యూజిలాండ్ విజయం సాధించడం గమనార్హం. ఇప్పుడు ఇదే అంశం టీమిండియాను టెన్షన్ పడుతోంది. ఐసీసీ ఈవెంట్లు జరిగితే న్యూజిలాండ్ గెలవడం ఆనవాయితీగా వస్తోంది. మరి ఈసారి ఆ సెంటిమెంట్ ను దాటేస్తారా? లేదా ? చూడాలి. ఇటు అహ్మదాబాద్ లోని నరేంద్ర మోడీ స్టేడియంలో ఇప్పటికే 2023 వన్డే వరల్డ్ కప్ ఫైనల్ జరిగింది. ఇందులో టీమిండియా ఓడిపోవడం కూడా చూశాం. ఇప్పుడు మళ్లీ 2026 t20 వరల్డ్ కప్ ఫైనల్ ఇదే వేదికగా జరుగుతోంది. మరి ఈసారైనా టీం ఇండియా గెలుస్తుందా? లేదో చూడాలి.
టీమిండియా తుది జట్టు అంచనా
టీమిండియా తుది జట్టు అంచనా: సూర్య కుమార్ యాదవ్ ( కెప్టెన్ ), సంజు శాంసన్, అక్షర్ పటేల్, కుల్దీప్ యాదవ్, హార్దిక్ పాండ్యా, జస్ప్రీత్ బుమ్రా, ఇషాన్ కిషన్, శివమ్ దూబే, అభిషేక్ శర్మ, అర్ష్దీప్ సింగ్, తిలక్ వర్మ.
🚨 INDIA VS NEW ZEALAND HEAD TO HEAD IN T20 WORLD CUP HISTORY 🚨
2007 – New Zealand
2016 – New Zealand
2021 – New Zealand……See moreNEW ZEALAND DOMINATION WITH 3-0 AGAINST INDIA IN T20 WORLD CUP.
What's your prediction for final match ? pic.twitter.com/eRgJxBWWZ8
— VIKAS (@Vikas662005) March 7, 2026
Share
Tollywood: ఫెయిల్యూర్ హీరో కోసం క్యూ కడుతున్న నిర్మాతలు.. రోడ్డెక్కుతున్న బయ్యర్లు!
Hyderabad: లిక్కర్ షాక్.. మూత తీయగానే బీర్ బాటిల్లో కదులుతున్న చేపపిల్ల.. వీడియో వైరల్
