IPL Auction 2026: చోటా మ‌లింగా మతీషా పతిరానాకు జాక్ పాట్‌..ఏకంగా రూ.18 కోట్లు, ఎవ‌రు కొన్నారంటే ?

IPL Auction 2026: ఇండియన్ ప్రీమియర్ లీగ్ 2026 ( Indian Premier League 2026 Tournament ) మినీ వేలం నేపథ్యంలో కీలక పరిణామాలు చోటు చేసుకుంటున్నాయి. ఎవరు ఊహించిన ప్లేయర్లపై కోట్ల వర్షం కురుస్తోంది. ఈ నేపథ్యంలోనే శ్రీలంక యంగ్ బౌలర్, చోటా మలింగా మతీష పతిరానాకు ( MATHEESHA PATHIRANA ) జాక్ పాట్ తగిలింది. అతన్ని ఏకంగా 18 కోట్లకు కొనుగోలు చేసింది కేకేఆర్ జట్టు. ఈ మినీ వేలంలో అత్యధిక డబ్బులు ఉన్న కేకేఆర్, ఇప్పటికే కామెరాన్‌ గ్రీన్ ను 25.20 కోట్లకు దక్కించుకోగా, ఇప్పుడు మాజీ చెన్నై సూపర్ కింగ్స్ బౌలర్ మతీష పతిరానాను 18 కోట్లకు దక్కించుకుంది. ఈ యార్కర్ల స్పెషలిస్టు కోసం ఢిల్లీతో పాటు లక్నో కూడా పోటీపడ్డాయి. కానీ ఎక్కువ డబ్బులు ఉన్న కేకేఆర్, మతీష పతిరానాను సొంతం చేసుకుంది. కాగా మతీష పతిరానా గ‌తంలో చెన్నై సూపర్ కింగ్స్ కు ( CSK) ప్రాతినిధ్యం వ‌హించాడు.

Also Read: IPL 2026 Auction: ఐపీఎల్ 2026 షెడ్యూల్ లో మార్పు…నేడే మినీ వేలం, టైమింగ్స్, ఉచితంగా ఎక్క‌డ చూడాలంటే

విదేశీ ప్లేయ‌ర్ల‌లో కామెరాన్ గ్రీన్ స‌రికొత్త రికార్డు

ఇండియన్ ప్రీమియర్ లీగ్ 2026 టోర్నమెంట్ ( Indian Premier League 2026 Tournament ) మినీ వేలంలో ఆస్ట్రేలియా డేంజర్ ఆటగాడు కామెరాన్ గ్రీన్ ను భారీ ధరకు కొనుగోలు చేసింది కేకేఆర్. ఈ మినీ వేలంలో కామెరాన్ గ్రీన్ ను 25.20 కోట్లకు దక్కించుకుంది. దీంతో కామెరాన్ గ్రీన్ ( Cameron Green ) సరికొత్త రికార్డు సృష్టించాడు. విదేశీ ప్లేయర్లలో అత్యధిక ధ‌ర‌ పలికిన ఆటగాడిగా చరిత్రలో నిలిచాడు. అంతకు ముందు మిచెల్ స్టార్క్ కు 24.75 కోట్లు పలికాడు. అయితే ఇప్పుడు ఆ రికార్డును కామెరాన్ గ్రీన్ బద్దలు కొట్టి మొదటి స్థానంలో నిలిచాడు.

ఐపీఎల్ చరిత్రలో అత్యంత ఖరీదైన ఆటగాళ్లు

రిషబ్ పంత్ – 27 కోట్లు.
శ్రేయాస్ అయ్యర్ – 26.75 కోట్లు.
కామెరాన్ గ్రీన్ – 25.20 కోట్లు.
మిచెల్ స్టార్క్ – 24.75 కోట్లు.
వెంకటేష్ అయ్యర్ – 23.75 కోట్లు.

Also Read: Vaibhav Suryavanshi: 3 ఏళ్లుగా అదే చెబుతున్నావ్, వైభ‌వ్ ఏజ్ పై పాకిస్తాన్ ఫ్యాన్స్ ట్రోల్స్‌.. ఛీట‌ర్ అంటూ అరుపులు