Liam Livingstone: ఇండియన్ ప్రీమియర్ లీగ్ 2026 టోర్నమెంట్ (Indian Premier League 2026 Tournament) చాలా ఉత్కంఠ భరితంగా దాదాపు రెండు నెలల పాటు కొనసాగిన సంగతి తెలిసిందే. ఇందులో అద్భుతంగా రాణించిన రాయల్ చాలెంజర్స్ బెంగళూరు… ఛాంపియన్ గా నిలిచింది. అహ్మదాబాద్ లోని నరేంద్ర మోడీ స్టేడియం (Narendra Modi Stadium in Ahmedabad) వేదికగా ఫైనల్ మ్యాచ్ జరగగా… గుజరాత్ ను ఓడించి మరి రెండోసారి ఛాంపియన్ అయింది బెంగళూరు. అయితే అలాంటి ఇండియన్ ప్రీమియర్ లీగ్ టోర్నమెంట్ పైన వివాదాస్పద వ్యాఖ్యలు చేశాడు సన్ రైజర్స్ హైదరాబాద్ ప్లేయర్ లియామ్ లివింగ్ స్టోన్ (Liam Livingstone). ఇండియన్ ప్రీమియర్ లీగ్ టోర్నమెంట్ పరమ చెత్త లీగ్ అంటూ బాంబు పేల్చారు. ఐపీఎల్ చాలా బోరింగ్ గా మారిందని… బ్యాటర్లకు మాత్రమే సపోర్ట్ గా నిలిచే మైదానాలను సిద్ధం చేస్తున్నారని షాకింగ్ కామెంట్స్ చేశారు. ఇలా కొనసాగితే ఐపిఎల్ చూసేవాళ్ళు కరువు అవుతారని వివాదాస్పద వ్యాఖ్యలు చేశారు. దీంతో లివింగ్ స్టోన్ చేసిన కామెంట్స్ దుమారం రేపుతున్నాయి.
ఇండియన్ ప్రీమియర్ లీగ్ 2026 టోర్నమెంట్ నేపథ్యంలో భారీ ధర పెట్టి కొనుగోలు చేసిన సన్రైజర్స్ హైదరాబాద్ ఆటగాడు లివింగ్ స్టోన్ వివాదాస్పద వ్యాఖ్యలు చేశారు. ఐపీఎల్ ద్వారా బతుకుతున్న లివింగ్ స్టోన్… ఈ టోర్నమెంట్ పైనే బురదజల్లే ప్రయత్నం చేశాడు. ఐపీఎల్ టోర్నమెంట్ పరమ బోరింగ్ అంటూ బాంబు పేల్చారు. అసలు ఐపిఎల్ అంటే మజా రావడం లేదని… మొత్తం బ్యాటింగ్ కు అనుకూలించే మైదానాలు సిద్ధం చేస్తున్నారని ఆరోపణలు చేశారు. మ్యాచ్ ప్రారంభమైన నుంచి చివరి వరకు సిక్సర్, బౌండరీలు తప్ప వేరే సినిమానే లేదని వివరించారు. కేవలం బ్యాట్స్మెన్ లకు అనుకూలంగా ఈ టోర్నమెంట్ కొనసాగుతోందని వెల్లడించారు. ముంబై ఇండియన్స్ వర్సెస్ హైదరాబాద్ మధ్య జరిగిన మ్యాచ్ సందర్భంగా.. ఓ విషయాన్ని కూడా గుర్తు చేశారు లివింగ్ స్టోన్.
తాము 250 పరుగుల టార్గెట్ ను కూడా కేవలం 18 ఓవర్లలోనే ఫినిష్ చేసినట్లు గుర్తు చేశారు. ఆ మ్యాచ్ లో సిక్సర్లు, బౌండరీలు తెగ బాదేసారని.. హైదరాబాద్ ఆడే ప్రతి మ్యాచ్ ఒకే పిచ్ పైన ఉప్పల్లో నిర్వహించినట్లు వెల్లడించారు. అసలు అలా ఎందుకు చేశారో తనకు అర్థం కాలేదని వివాదాస్పద వ్యాఖ్యలు చేశారు. ఐపీఎల్ లో ప్లేయర్లను కొనుగోలు చేసేటప్పుడు మూడు రకాలుగా యాజమాన్యాలు ఆలోచిస్తాయని వివరించారు. ఒకవేళ ముంబై ఇండియన్స్ ఒక ప్లేయర్ ను కావాలనుకుంటే.. హైదరాబాద్ దగ్గర ఎక్కువ డబ్బులు ఉంటే, అదే ప్లేయర్ కోసం పోటీ పడతారని ఆరోపణలు చేశారు. ముంబై ఇండియన్స్ కు దక్కకుండా, హైదరాబాద్ కొనుగోలు చేసే అవకాశాలు ఉంటాయని.. వేలంలో జరిగే విషయాలను వెల్లడించారు. 13 కోట్లు పెట్టి కొనుగోలు చేసిన తనను కేవలం రిజర్వ్ బెంచ్ కు మాత్రమే పరిమితం చేసినట్లు వెల్లడించారు. ఏదైనా ప్లేయర్ కు గాయమైతే తప్ప తనకు అవకాశం రాదని ముందే చెప్పినట్లు పేర్కొన్నారు.
🚨 LIAM LIVINGSTONE EXPOSES IPL 🚨
– He says the IPL is getting "boring" due to flat pitches and players hitting sixes after sixes.
– He further claimed that the Impact Player rule has reduced the bat-versus-ball contest and made games one-sided. 🤯 pic.twitter.com/1tOqaEJafC
— Rayham. (@RayhamUnplugged) June 4, 2026
Share
Children Missing: ఒంగోలులో దారుణం.. నీటి కుంటలో నలుగురు చిన్నారులు గల్లంతు!
నెట్టింట వైరల్ అవుతున్న మృణాల్ 'ఐస్క్రీమ్ రైస్'.. అంతలా అడిక్ట్ అయిపోయిందా?
