Pakistan Youtuber: టి20 ప్రపంచ కప్ 2026 టోర్నమెంట్ రసవత్తరంగా సాగుతున్న సంగతి తెలిసిందే. నిన్న ప్రారంభమైన ఈ టోర్నమెంట్ లో ఇప్పటికే ఇండియాతో పాటు పాకిస్తాన్ చిరు విజయాన్ని నమోదు చేసుకున్నాయి. ఇక ఫిబ్రవరి 15వ తేదీన ఇండియా అలాగే పాకిస్తాన్ మధ్య బిగ్ ఫైట్ జరగాల్సి ఉంది. అయితే ఈ మ్యాచ్ జరిగేది డౌట్ గా మారింది. ఇండియాతో మ్యాచ్ బహిష్కరిస్తున్నట్లు పాకిస్తాన్ ఇప్పటికే ప్రకటన చేసింది. ఇలాంటి నేపథ్యంలో పాకిస్తాన్ జట్టును దారుణంగా ట్రోలింగ్ చేస్తున్నారు అక్కడి అభిమానులు. ఇండియా చేతిలో పాకిస్తాన్ ఓడితే చూడాలని ఉందని, పాకిస్తాన్ కు చెందిన యూట్యూబర్ ( Pakistan Youtuber) సంచలన వ్యాఖ్యలు చేశారు. దీనికి సంబంధించిన వీడియో వైరల్ గా మారింది.
టీ20 ప్రపంచ కప్ 2026 టోర్నమెంట్ లో భాగంగా ఫిబ్రవరి 15వ తేదీన ఇండియా వర్సెస్ పాకిస్తాన్ ( India Vs Pakistan) మధ్య మ్యాచ్ చూడాలని ఉందని పాకిస్తాన్ కు చెందిన యూట్యూబర్ సంచలన వ్యాఖ్యలు చేశారు. అంతేకాదు ఈ మ్యాచ్ లో కచ్చితంగా పాకిస్తాన్ ఓడిపోతుందని.. తమ జట్టు ఓడిపోతే కళ్లారా చూడాలని వ్యాఖ్యానించారు. ఇండియా చేతిలో పాకిస్తాన్ ఓడిపోతే పాకిస్తాన్ క్రికెట్ బోర్డు చైర్మన్ మొహ్సిన్ నఖ్వీ ( Mohsin Naqvi), తమ క్రికెటర్లు అందరూ బోరున ఏడుస్తారని వెల్లడించారు. వాళ్లందరూ గుండెలు బాదుకొని ఏడుస్తే చూడాలని ఉందని సదరు యూట్యూబర్ సంచలన వీడియో పెట్టాడు. అంతేకాదు ఇండియా వర్సెస్ పాకిస్తాన్ మధ్య మ్యాచ్ జరిగితే ఎవరు గెలుస్తారని గూగుల్ జెమినీని కూడా సదరు యూట్యూబ్ అని అడిగాడు. గత రికార్డులు పరిశీలిస్తే ఫిబ్రవరి 15వ తేదీన ఇండియా వర్సెస్ పాకిస్తాన్ మధ్య మ్యాచ్ జరిగితే కచ్చితంగా పాకిస్తాన్ ఓడిపోతుందని గూగుల్ జెమినీ కూడా వెల్లడించింది. ఈ వీడియో కూడా ఇప్పుడు వైరల్ గా మారింది. ఇలా టి20 ప్రపంచ కప్ 2026 టోర్నమెంట్లో పాల్గొంటున్న పాకిస్తాన్ ను దారుణంగా ట్రోలింగ్ చేస్తున్నారు ఫ్యాన్స్.
టి20 ప్రపంచ కప్ 2026 టోర్నమెంట్ నేపథ్యంలో మొదట నెదర్లాండ్స్ తో తలపడింది పాకిస్తాన్. ఈ మ్యాచ్ లో పడుతూ లేస్తూ గెలిచింది. పాకిస్తాన్ జట్టును ముప్పతిప్పలు పెట్టి మరి ఓడించే ప్రయత్నం చేసింది నెదర్లాండ్స్. కొద్దిలో మిస్సయింది కానీ మొదటి మ్యాచ్ లోనే పాకిస్తాన్ జట్టు ఓటమిని మూటగట్టుకునేది. ఇదే విషయాన్ని గుర్తు చేస్తూ ఇండియా చేతిలో కచ్చితంగా పాకిస్తాన్ ఓడిపోవాలని పైన పేర్కొన్న యూట్యూబర్ వీడియో పెట్టాడు. బాబర్ లాంటి ప్లేయర్ జట్టులో ఉంటే పాకిస్తాన్ గెలవడం అసాధ్యమని వెల్లడించారు.
🚨 PAKISTANI FANS IN FEAR OF LOSING TO INDIA 🚨
Pakistan Youtuber – "Just beat Pakistan on 15th Feb. We want to see them crying & screaming" 🧐
Few Moments Later – "He started asking Gemini, if match vs India will even happen or not" 😂
– Must Watch 😆pic.twitter.com/UU7RD6JFhD
— Richard Kettleborough (@RichKettle07) February 8, 2026
Share
Mumbai Crime: దొంగగా మారిన బిజినెస్మేన్.. చివరకు పోలీసులకు చిక్కాడు? జల్సాల వల్లేనా?
Municipal Elections: పుర పోరులో రూ. 2.02 కోట్ల నగదు స్వాధీనం.. మరో రూ. 84.89 లక్షల మద్యం పట్టివేత!
