Shaheen Afridi : ఇరాన్ వర్సెస్ అమెరికా మధ్య భయంకరమైన యుద్ధం కొనసాగుతోంది. ఇజ్రాయెల్ దేశం కూడా ఇందులో కీలక పాత్ర పోషిస్తుంది. ఈ రెండు దేశాలు కలిపి ఇరాన్ ను పతనం చేసేందుకు కుట్రలు పన్నుతున్నాయి. ఈ క్రమంలో ప్రపంచ వ్యాప్తంగా చమురు అలాగే ఎల్పీజీ కొరత ఏర్పడ్డ సంగతి తెలిసిందే. ప్రస్తుతమైతే ఈ మూడు దేశాల మధ్య ఉద్రిక్తతలు కాస్త తగ్గు ముఖం పట్టాయి. ఈ నేపథ్యంలో పాకిస్తాన్ ఫాస్ట్ బౌలర్ షాహీన్ అఫ్రిది ( Shaheen Afridi ) సంచలన వ్యాఖ్యలు చేశారు. ఇరాన్ అలాగే అమెరికా మధ్య ఉద్రిక్తతలు తగ్గు ముఖం పట్టడానికి కారణం పాకిస్తాన్ ప్రధాని షరీఫ్, ఆర్మీ చీఫ్ ఆసిఫ్ మునీర్ అంటూ వ్యాఖ్యానించారు షాహీన్ అఫ్రిది. దీంతో షాహీన్ అఫ్రిది చేసిన పోస్ట్ వైరల్ గా మారింది. ఈ క్రమంలో షాహీన్ అఫ్రిదిను ఉద్దేశించి తీవ్ర స్థాయిలో విమర్శలు చేస్తున్నారు నెటిజన్స్.
Also Read: KKR VS LSG: అంతా ఫిక్సింగే..రెండు క్యాచ్ లు వివాదం, ఫిన్ అలెన్, రహానే ఇద్దరూ నాటౌటే !
ఇరాన్ వర్సెస్ అమెరికా మధ్య యుద్ధాన్ని ఆపింది పాకిస్తాన్ అంటూ షాహీన్ అఫ్రిది చేసిన పోస్ట్ ఎప్పుడు దుమారం రేపుతోంది. దీనిపై నెటిజెన్స్ సీరియస్ అవుతున్నారు. అసలు ఇరాన్-అమెరికా యుద్ధంతో పాకిస్తాన్ కు ఎలాంటి సంబంధం లేదని.. వాళ్ల వల్ల ఉద్రిక్తతలు ఎక్కడా తగ్గలేదని కౌంటర్ ఇస్తున్నారు. అంతేకాదు ఐసీసీ రూల్స్ బ్రేక్ చేసినందుకు షాహీన్ అఫ్రిదిపై బ్యాన్ కూడా విధించాలని కొంత మంది క్రికెట్ విశ్లేషకులు కామెంట్ చేస్తున్నారు. ఇమ్రాన్ ఖాన్ కు సపోర్ట్ గా నిలిచిన నసీమ్ షాపై క్రమ శిక్షణ చర్యలు తీసుకున్న పాకిస్తాన్ క్రికెట్ బోర్డు… ఇప్పుడు షాహీన్ అఫ్రిదిని పైన కూడా చర్యలు తీసుకోవాలని డిమాండ్ చేస్తున్నారు.
పాకిస్తాన్ ఫాస్ట్ బౌలర్ షాహీన్ అఫ్రిది ( Shaheen Afridi ) పైన ఐసీసీ బ్యాన్ విధిస్తుందని సోషల్ మీడియాలో చర్చ మొదలైంది. అంతర్జాతీయ క్రికెట్ ఆడే ఏ ఒక్క ప్లేయర్ కూడా రాజకీయ కామెంట్స్ చేయకూడదు. క్రికెట్ కు రిటైర్మెంట్ ప్రకటించిన తర్వాత ఏది వాగినా పర్వాలేదు. కానీ ఐసీసీ టోర్నమెంట్ లో ఆడే ఏ ఒక్క క్రికెటర్ కూడా రాజకీయాలకు సంబంధించిన కామెంట్స్ చేయకూడదు. కానీ తాజాగా షాహీన్ అఫ్రిది అదే తప్పిదం చేశాడు. దీంతో షాహీన్ అఫ్రిదిపై బ్యాన్ విధించాలని సోషల్ మీడియాలో చర్చ మొదలైంది. ఇక అటు ఇమ్రాన్ ఖాన్ ప్రభుత్వంకు సపోర్ట్ గా మాట్లాడుతూ, మరియం నవాజ్ షరీఫ్ ను ఉద్దేశించి పోస్ట్ పెడితే మాత్రం నసీమ్ షాపైన చర్యలు తీసుకుంది పాకిస్తాన్ క్రికెట్ బోర్డు. ఫైన్ విధించింది. ఇక ఇప్పుడు రాజకీయ వ్యాఖ్యలు చేసిన షాహీన్ అఫ్రిదిపైన కూడా చర్యలు తీసుకోవాలని కోరుతున్నారు పాకిస్తాన్ అభిమానులు. మరి దీనిపై ఐసీసీ తో పాటు పాకిస్తాన్ క్రికెట్ బోర్డు ఎలా రియాక్ట్ అవుతుందో చూడాలి.
Share
టాటా కార్ల ధరల పెంపు, ఏ మోడల్ కు ఎంత పెరిగిందంటే?
Hot Water: ఈ వస్తువులను వేడినీళ్లతో శుభ్రం చేస్తే అంతే సంగతులు, పాడపోవడం గ్యారెంటీ
