Tanveer Ahmed On IND VS WI Chinnaswamy Match: టీమిండియా వర్సెస్ వెస్టిండీస్ మధ్య జరగాల్సిన ఫైనల్ మ్యాచ్ వర్షం కారణంగా రద్దు అయింది. బెంగళూరులోని చిన్న‌స్వామి స్టేడియంలో శనివారం సాయంత్రం నుంచి జోరుగా వర్షం పడింది. ఈ నేపథ్యంలో మ్యాచ్ ను 9 ఓవర్లకు కుదించారు. దీంతో బ్యాటింగ్ చేసేందుకు వ‌చ్చిన టీమిండియా, భారీ స్కోర్ దిశ‌గా దూసుకువెళుతున్న క్ర‌మంలో 7.4 వ‌ద్ద మ‌ళ్లీ వర్షం షురూ అయింది. అప్పటికే రాత్రి 10 దాటడంతో మ్యాచ్ రద్దు చేస్తూ అంపైర్లు నిర్ణయం తీసుకున్నారు. దీంతో ఐదు టి20 ఈ సిరీస్ ను రెండు జట్లు సమంగా పంచుకున్నాయి.
టీమిండియా వర్సెస్ వెస్టిండీస్ ఫైనల్ మ్యాచ్ వర్షం కారణంగా రద్దు కావ‌డంపై పాకిస్తాన్ మాజీ బౌల‌ర్ తన్వీర్ అహ్మద్ వివాద‌స్ప‌ద వ్యాఖ్య‌లు చేశారు. వర్షం ప‌డి మ్యాచ్ రద్దు కావడంతో టీమిండియా బ‌తికి బ‌య‌ట‌ప‌డింద‌ని, లేక‌పోయింటే విండీస్ చేతిలో చిత్తుగా ఓడిపోయేదంటూ బాంబ్ పేల్చారు. టీమిండియా సిరీస్ ఓడిపోకుండా వ‌రుణ దేవుడు కాపాడంటూ సెటైరిక‌ల్ కామెంట్స్ చేశారు. దీంతో పాకిస్తాన్ మాజీ బౌల‌ర్ తన్వీర్ అహ్మద్ చేసిన ఈ వివాద‌స్ప‌ద వ్యాఖ్య‌లు హాట్ టాపిక్ అయ్యాయి.
టీమిండియా వర్సెస్ విండీస్ ( IND VS WI) మధ్య చిన్న స్వామి స్టేడియం వేదికగా జరిగిన మ్యాచ్ లో టాస్ ఓడిపోయి, శ్రేయస్ అయ్యర్ సేన ఫస్ట్ బ్యాటింగ్ చేసింది. వర్షం కారణంగా ఈ మ్యాచ్ ను 9 ఓవర్లకు కుదించారు. దీంతో 7.4 ఓవర్లు ఆడే స‌రికి వర్షం పడింది. అయితే అప్పటికే టీమిండియా దాటిగా బ్యాటింగ్ చేసి, 5 వికెట్ల న‌ష్టానికి 118 పరుగులు చేసింది. వర్షం త‌గ్గ‌క‌పోవ‌డంతో మ్యాచ్ రద్దు చేశారు.
ఈ మ్యాచ్ లో అభిషేక్ శర్మ 6 పరుగులు వికెట్ కోల్పోగా, ఇషాన్ కిషన్ మాత్రం ఇరగదీశాడు. 10 బంతులు ఎదుర్కొన్న ఇషాన్ కిషన్, 30 పరుగులు సాధించాడు. 300 స్ట్రైక్ రేట్ తో ఇరగదీశాడు. ముఖ్యంగా న‌మ‌న్ ధీర్ 6 బంతుల్లో 24 పరుగులు చేసి ఇరగదీశాడు. 400 స్ట్రైక్ రేట్ తో 3 సిక్స‌ర్లు, ఓ బౌండ‌రీ బాదాడు. ఇది ఇలా ఉండగా ఈ ఐదు టి20 సిరీస్ లో ఇప్పటికే టీమిండియా అటు వెస్టిండీస్ చెరో రెండు మ్యాచ్ లు గెలిచాయి. ఈ ఐదవ టి20 రద్దు కావడంతో రెండు జట్లు టి20 సిరీస్ ను పంచుకున్నాయి. అటు ఇప్పటికే వెస్టిండీస్ పై వన్డే సిరీస్ ను టీమిండియా కైవసం చేసుకున్న సంగతి తెలిసిందే.
Share
హైదరాబాద్ MVSR కాలేజీ దాండియా వేడుకల్లో ఘోర ప్రమాదం.. ఇద్దరు మృతి!
