కోఠిలోని మహిళా వర్సిటీలో మరో వివాదం రాజుకుంది. యూనివర్సిటీ ప్రాంగణంలో సినిమా షూటింగ్లకు అనుమతులు ఇవ్వడంపై విద్యార్థినులు తీవ్ర ఆగ్రహం వ్యక్తం చేస్తున్నారు. షూటింగ్ల కారణంగా తమ చదువుకు భంగం కలుగుతోందని.. అంతేకాదు కొందరు సినిమా సిబ్బంది అనుచితంగా ప్రవర్తిస్తున్నారని ఆరోపిస్తూ విద్యార్థినులు ఆందోళనకు దిగారు.
షూటింగ్ జరుగుతున్న సమయంలో కొందరు సిబ్బంది వారిని ఇబ్బందులకు గురిచేశారని.. కార్వాన్లకు పిలిపించి అసభ్యంగా ప్రవర్తించారని తెలిపారు. ముఖ్యంగా ఇటీవల ఇద్దరు విద్యార్థినులకు సినిమాల్లో యాక్టింగ్ అవకాశాలు ఇస్తామని ఆశ చూపి కార్వాన్లోకి తీసుకెళ్లి నిర్బంధించారని విద్యార్థినులు ఆరోపిస్తున్నారు. ఈ ఘటనతో యూనివర్సిటీలో భద్రతపై తీవ్ర ఆందోళనలు వ్యక్తమవుతున్నాయి.
ఈ నేపథ్యంలో యూనివర్సిటీ ప్రాంగణంలో సినిమా షూటింగ్లను పూర్తిగా నిషేధించాలని విద్యార్థినులు డిమాండ్ చేస్తున్నారు. మహిళల భద్రతకు భంగం కలిగేలా ఎలాంటి కార్యకలాపాలకు అనుమతులు ఇవ్వకూడదని నినాదాలు చేశారు. విద్యార్థినుల ఆందోళన నేపథ్యంలో యూనివర్సిటీ అధికారులు స్పందించారు.
ఈ వ్యవహారంపై ప్రిన్సిపల్ మాట్లాడుతూ.. ఆరోపణలు ఎదుర్కొంటున్న వినోద్ను సస్పెండ్ చేసినట్లు వెల్లడించారు. ఘటనపై పూర్తి స్థాయి విచారణ చేపడతామని విద్యార్థినుల భద్రతకు ప్రాధాన్యత ఇస్తామని తెలిపారు. అవసరమైతే షూటింగ్ అనుమతులపై కూడా పునర్విమర్శ చేస్తామని అధికారులు పేర్కొన్నారు.
ALSO READ: Usman Kunta Lake: 70 ఎకరాల్లో.. 800 విల్లాలు.. చెరువుని మింగేశారు
Share
Kidneys Healthy: శరీరంలో నీరు తగ్గితే ఈ ప్రమాదాలు తప్పవు.. రోజుకు ఎంత నీరు తాగాలో తెలుసా?
Keerthy Jaidhanush: గుడ్ న్యూస్ షేర్ చేసుకున్న బుల్లితెర నటి కీర్తి జై ధనుష్..ఫోటో వైరల్!
