Minister Uttam Kumar: జూబ్లీహిల్స్ అసెంబ్లీ ఉపఎన్నికలలో కాంగ్రెస్ పార్టీ చారిత్రక విజయాన్ని నమోదు చేయగా.. ఈ గెలుపులో అత్యంత ప్రభావవంతమైన ఫలితం యూసుఫ్గూడా డివిజన్ నుండి వచ్చింది. ఈ డివిజన్లో కాంగ్రెస్ అభ్యర్థి ఏకంగా 55% ఓట్లను సాధించి, ప్రధాన ప్రత్యర్థి బీఆర్ఎస్పై 21% భారీ మెజారిటీని దక్కించుకోవడం విశేషం. ఈ అఖండ విజయం కేవలం స్థానిక నాయకత్వ కృషి మాత్రమే కాదని, మొత్తం ఉపఎన్నిక వ్యూహాన్ని పర్యవేక్షించిన కాంగ్రెస్ సీనియర్ నాయకులు, నల్గొండ ఎంపీ ఉత్తమ్ కుమార్ రెడ్డి నేతృత్వంలోనే ఇది సాధ్యమైందని పార్టీ శ్రేణులు బలంగా విశ్వసిస్తున్నాయి.
ఉపఎన్నిక నోటిఫికేషన్ వెలువడినప్పటి నుండి పోలింగ్ చివరి క్షణం వరకు ఉత్తమ్ కుమార్ రెడ్డి యూసుఫ్గూడాతో పాటు మొత్తం జూబ్లీహిల్స్ నియోజకవర్గంపై ప్రత్యేక దృష్టి సారించారు. ఆయన బూత్ స్థాయి సమస్యలను వ్యక్తిగతంగా పర్యవేక్షించడం, సూక్ష్మ స్థాయి నిర్వహణ, వ్యూహాత్మక ఓటింగ్ మోడల్ను రూపొందించడం, స్థానిక నాయకులను సమన్వయం చేయడం వంటి కీలక అంశాలన్నింటినీ దగ్గరుండి చూసుకున్నారు. ఈ డివిజన్లో యువ నాయకులు, కార్యకర్తల శ్రేణులు, ప్రచార బృందాలను ఏకతాటిపైకి తీసుకురావడంలో మంత్రి ఉత్తమ్ కీలక పాత్ర పోషించారు. బూత్ ఏజెంట్లకు ప్రత్యేక శిక్షణ కార్యక్రమాలను నిర్వహించడం, ముఖ్యంగా పోలింగ్కు ముందు చివరి 48 గంటలలో ఓటర్ల మొబిలైజేషన్ను అత్యంత క్రమబద్ధంగా నిర్వహించడం వంటి చర్యలు విజయానికి కీలకంగా నిలిచాయి.
యూసుఫ్గూడా డివిజన్లో ఎన్నికల ప్రచారం. లోతైన డేటా అనాలిసిస్, పోలింగ్ డే మేనేజ్మెంట్ వంటి విభాగాల్లో పనిచేసిన బృందాలన్నీ తమ విజయానికి ప్రధాన కారణంగా ఉత్తమ్ కుమార్ రెడ్డి అందించిన మార్గదర్శకత్వాన్నే పేర్కొన్నాయి. ఈ గెలుపులో అభ్యర్థి నవీన్ యాదవ్ కు ప్రజల మద్దతు లభించగా, పోలింగ్ మేనేజ్మెంట్లో ఆరా ఏజెన్సీకి చెందిన మస్తాన్ సహకారం కూడా గణనీయంగా ఉంది. అయినప్పటికీ, ఎన్నికల ప్రక్రియ మొత్తాన్ని పర్యవేక్షించి, వివిధ బృందాలను ఒకే లక్ష్యం వైపు నడిపించిన ఘనత ఉత్తమ్ కుమార్ రెడ్డికే దక్కుతుందని కార్యకర్తలు అభిప్రాయపడుతున్నారు.
ఉత్తమ్ కుమార్ రెడ్డికి ఉన్న విశాలమైన రాజకీయ అనుభవం, నియోజకవర్గంపై ఆయనకున్న పట్టుదల, ప్రచార వ్యూహాల్లో ఆయన చూపిన అసాధారణమైన స్పష్టత ఈ విజయాన్ని సుసాధ్యం చేశాయి. యూసుఫ్గూడాలో కాంగ్రెస్ సాధించిన ఈ భారీ ఆధిక్యం, జూబ్లీహిల్స్ ఉపఎన్నిక ఫలితంలో ఒక అత్యంత ప్రతిష్టాత్మక విజయాన్నిగా నిలిచి.. తెలంగాణ కాంగ్రెస్ పార్టీకి కొత్త ఉత్సాహాన్ని ఇచ్చింది.
ALSO READ: Jubilee Hills By Election Results: రికార్డుల మోత.. విక్టరీ వెనక సీఎం రేవంత్
Share
Maruti Suzuki: మారుతి సుజుకి కార్లు వాడుతున్నారా? అయితే.. మీకో షాకింగ్ న్యూస్!
Red Sanders Book: ఎర్రచందనం స్మగ్లింగ్ పై డాక్యుమెంటరీ.. ఇన్వెస్టిగేటివ్ జర్నలిస్ట్ కు పవన్ ప్రశంసలు
