Cyberabad CP Ramesh: మేడ్చల్ స్వేచ్ఛ : ఎల్లంపేట మున్సిపాలిటీలో జరుగుతున్న మున్సిపల్ ఎన్నికల పోలింగ్ ఏర్పాట్లను సైబరాబాద్ పోలీస్ కమిషనర్ రమేష్ సమగ్రంగా పరిశీలించారు. ఎన్నికల నేపథ్యంలో భద్రతా ఏర్పాట్లు, పోలింగ్ కేంద్రాల నిర్వహణ, బ్యాలెట్ బాక్స్ల పంపిణీ ప్రక్రియను ప్రత్యక్షంగా తనిఖీ చేసి అధికారులకు పలు సూచనలు చేశారు. మొదటగా డబిల్పూర్లో ఏర్పాటు చేసిన ఎన్నికల సామాగ్రి పంపిణీ కేంద్రాన్ని సందర్శించిన సీపీ రమేష్, పోలింగ్ సిబ్బందికి అందజేస్తున్న బ్యాలెట్ బాక్స్లు, ఎన్నికల కిట్లు, ఇతర అవసరమైన సామగ్రి పంపిణీ విధానాన్ని సమీక్షించారు. పంపిణీ ప్రక్రియ వేగవంతంగా, పారదర్శకంగా జరిగేలా చర్యలు తీసుకోవాలని అధికారులను ఆదేశించారు. ఎలాంటి అవ్యవస్థలు తలెత్తకుండా ముందస్తు ప్రణాళికతో పని చేయాలని సూచించారు.
అనంతరం కౌంటింగ్ సెంటర్లో జరుగుతున్న ఏర్పాట్లను పరిశీలించిన సీపీ, ఓట్ల లెక్కింపు ప్రక్రియ సజావుగా సాగేందుకు అవసరమైన భద్రతా ఏర్పాట్లపై అధికారులను ఆరా తీశారు. కౌంటింగ్ కేంద్రం వద్ద తగిన పోలీస్ బందోబస్తు, సీసీ కెమెరాల పర్యవేక్షణ, ప్రవేశ–నిష్క్రమణ నియంత్రణ వంటి అంశాలను కచ్చితంగా అమలు చేయాలని స్పష్టం చేశారు. పోలింగ్ రోజు ఎలాంటి అవాంఛనీయ సంఘటనలు జరగకుండా ముందస్తు జాగ్రత్తలు తీసుకోవాలని, ప్రతి పోలింగ్ కేంద్రం వద్ద పోలీస్ సిబ్బంది అప్రమత్తంగా ఉండాలని సీపీ రమేష్ సూచించారు.
శాంతి భద్రతలు కాపాడటం పోలీస్ శాఖ ప్రధాన బాధ్యతగా భావించి కట్టుదిట్టమైన చర్యలు తీసుకోవాలని అన్నారు. అనంతరం డబిల్పూర్లోని పోలింగ్ కేంద్రాన్ని సందర్శించిన సీపీ రమేష్, అక్కడి ఏర్పాట్లను సమీక్షించారు. పోలింగ్ సిబ్బంది, పోలీస్ సిబ్బందితో మాట్లాడి, ఓటర్లు ఎలాంటి ఇబ్బందులు లేకుండా స్వేచ్ఛగా తమ ఓటు హక్కును వినియోగించుకునేలా చర్యలు తీసుకోవాలని సూచించారు. ఈ సమావేశంలో అడిషనల్ డిసిపి పురుషోత్తం, ఏసిపి శంకర్ రెడ్డి, సీఐ సత్యనారాయణ, డి ఐ కిరణ్ ,పోలీస్ సిబ్బంది పాల్గొన్నారు.
Also Read: Municipal Elections 2026: తెలంగాణలో మున్సిపల్ పోరుకు సర్వం సిద్ధం.. రేపే 123 పట్టణ సంస్థలకు పోలింగ్
Share
Uttam Kumar Reddy: రేపే మున్సిపల్ పోలింగ్.. పట్టణ ఓటర్లకు మంత్రి ఉత్తమ్ ఇచ్చిన గ్యారెంటీలు ఇవే!
Oppo K14x: ఒప్పో నుంచి 6,500mAh బ్యాటరీ ఫోన్ లాంచ్.. రూ.14,999కే 120Hz డిస్ప్లే, ఆండ్రాయిడ్ 16 ఫీచర్లు!
