ఈ-ముద్ర ప్రైవేట్ కీస్ లోపం అసలు ఎలా జరిగింది?.. అసలు మ్యాటర్ ఇదే?

eMudhra Security: నిజానికి ఇంటర్నెట్ వరల్డ్‌లో ఏదైనా సైట్ సేఫ్‌ అని చెప్పడానికి వెబ్‌సైట్‌లకు డిజిటల్ సర్టిఫికెట్లు ఇస్తుంటారు. ఒక రకంగా చెప్పాలంటే ఇవి వెబ్‌సైట్‌ల ఐడెంటిటీ కార్డ్స్ అన్నమాట. మనకి పాస్‌పోర్ట్ ఆఫీస్ ఎలాగో.. డిజిటల్ వరల్డ్‌లో ‘సర్టిఫికేట్ అథారిటీస్’ ఉంటాయి. ఈ-ముద్ర కూడా అలాంటి ఒక పెద్ద కంపెనీయే. ఈ కంపెనీలు వెబ్‌సైట్‌లకు ఒక ‘ప్రైవేట్ కీ’ని కేటాయిస్తాయి. ఇదొక మాస్టర్ కీ లాంటిది. ఇది ఎవరి చేతికి దొరక్కూడదు.. ఎవరూ గెస్ చేయలేనంత డిఫికల్ట్‌గా ఉండాలి.

రూల్ ప్రకారం..

కానీ ఇక్కడే అసలు ట్విస్ట్ బయటపడింది! ఈ-ముద్ర కంపెనీ రీసెంట్‌గా క్రియేట్ చేసిన 8 ప్రైవేట్ కీలలో విపరీతమైన లోపాలు ఉన్నట్లు వేన్ అనే ఒక ఇండిపెండెంట్ రీసెర్చర్ కనిపెట్టాడు. రూల్ ప్రకారం ఆ సీక్రెట్ కీ 116 డిజిట్స్ ఉన్న ఒక పెద్ద నంబర్ అయి ఉండాలి. దాన్ని క్రాక్ చేయాలంటే ఒక సూపర్ కంప్యూటర్‌కు కూడా పదుల సంఖ్యలో ఏళ్లు పడుతుంది. కానీ ఈ-ముద్ర జెనరేట్ చేసిన సిస్టమ్‌లో దొర్లిన తప్పు వల్ల.. అవి కేవలం 4, 56, 66, 115, 155, 156, 230, 237 లాంటి సింపుల్ నంబర్లుగా సేవ్ అయ్యాయి!

Also read: వచ్చే 8 నెలలు బిగ్ అలర్ట్.. తెలంగాణ ప్రభుత్వం ఇస్తున్న కీలక సూచనలివే?

కాస్త కష్టమేమో కానీ..

మనం సూట్‌కేస్‌కు పెట్టుకునే 3 డిజిట్ లాక్‌ను ఓపెన్ చేయడం కూడా కాస్త కష్టమేమో కానీ, ఈ డిజిటల్ కీలను కనుక్కోవడం మాత్రం డెడ్ ఈజీ! ఆర్డినరీ కంప్యూటర్ స్క్రిప్ట్ వాడి సెకన్ల వ్యవధిలోనే ఆ కీస్‌ను గెస్ చేసేయొచ్చు. ఈ విషయం తెలియగానే టెక్ వరల్డ్ అలర్ట్ అయింది. రీసెర్చర్ మెయిల్ పెట్టిన రెండు గంటల్లోనే గూగుల్ తన క్రోమ్ బ్రౌజర్‌లో ఆ కీస్‌ను ప్లాట్‌ఫారమ్ నుంచి బ్లాక్ చేసింది. ఆ తర్వాత మోజిల్లా, ఆపిల్ కూడా సేమ్ స్టెప్ తీసుకున్నాయి. మన ఇండియన్ ఐటీ మినిస్ట్రీ కూడా దీనిపై ఆల్రెడీ స్పెషల్ ఇన్వెస్టిగేషన్ బృందాన్ని రంగంలోకి దించింది.

బిగ్ ఫెయిల్యూర్..

టెక్నాలజీ పరంగా జరిగిన ఈ బిగ్ ఫెయిల్యూర్ ప్రభావం ఇప్పుడు స్టాక్ మార్కెట్‌పై విపరీతంగా పడింది. గురువారం ట్రేడింగ్‌లో ఈ-ముద్ర షేర్ ప్రైస్ ఏకంగా 13.62 శాతానికి పైగా పడిపోయింది. గత ఐదు రోలింగ్ సెషన్లలోనే ఈ స్టాక్ ఏకంగా 30.85 శాతం నష్టపోగా, గడిచిన నెల రోజుల్లో ఏకంగా 42.51 శాతం మేర క్రాష్ అయింది! అంటే ఒక్క నెలలోనే ఈ కంపెనీ షేరు దాదాపు 276 రూపాయల వాల్యూను కోల్పోయింది. అయితే ఇక్కడో ఇంపార్టెంట్ పాయింట్ నోట్ చేసుకోవాలి. ఈ వీక్ కీస్ వల్ల యూజర్లకు ఎలాంటి హాని జరగలేదని గూగుల్ అండ్ సెర్ట్-ఇన్ స్పష్టం చేశాయి.

Also read: భార్య మిస్సయ్యిందని వెళ్తే పోలీసులకే దిమ్మతిరిగే షాక్… 18 ఏళ్ల తర్వాత వరుణ్ సందేశ్ – శ్వేత బసు జంటగా నటించిన సిరీస్ స్ట్రీమింగ్