V C Sajjanar Orders: విధుల్లో నిర్లక్ష్యం వహించిన సబ్ ఇన్స్ పెక్టర్ ను సస్పెండ్ చేస్తూ హైదరాబాద్ పోలీస్ కమిషనర్ వీ.సీ.సజ్జనార్ ఉత్తర్వులు జారీ చేశారు. వివరాల్లోకి వెళ్తే.. పాతబస్తీలోని ఐఎస్ సదన్ పోలీస్ స్టేషన్ లో వెంకటేశ్ సబ్ ఇన్స్ పెక్టర్ గా పని చేస్తున్నారు. ఉన్నతాధికారుల ఆదేశాలను ఏమాత్రం పట్టించుకోవటం లేదన్న ఆరోపణలు ఆయన మీద ఉన్నాయి.
కొన్నిరోజుల క్రితం హైదరాబాద్ లో గణేశ్ ఉత్సవాలు జరిగినపుడు బందోబస్తు ఏర్పాట్ల విషయమై నిర్వహించిన సమావేశానికి కూడా వెంకటేశ్ రాలేదు. ఇక, నెహ్రూనగర్ లో జరిగిన ఓ సంఘటనలో రౌడీషీటర్ నిస్సార్ పై చట్టపరమైన చర్యలు తీసుకోవాల్సి ఉన్నా తీసుకోలేదని తెలుస్తోంది. దీని వెనక మతలబు జరిగిందన్న ఆరోపణలు సైతం వచ్చాయి.
Also Read: Real Estate Fraud: హైదరాబాద్లో రియల్ ఎస్టేట్ స్కామ్.. త్రిపుర కన్స్ట్రక్షన్స్ ఎండీ అరెస్టు
ముఖ్యమంత్రి రూట్ బందోబస్తుతోపాటు ఎన్నికల డ్యూటీలు, లోక్ అదాలత్ సమావేశాలకు కూడా గైర్హాజరైనట్టు తెలిసింది. అటు కిందిస్థాయి సిబ్బందికి డ్యూటీలు కేటాయించే విషయంలో మతపరమైన బేధాలు చూపించినట్టుగా ఆయనపై ఎస్సైపై ఆరోపణలు వచ్చాయి. ఈ నేపథ్యంలోనే ఆయనను సస్పెండ్ చేస్తూ కమిషనర్ ఉత్తర్వులు జారీ చేశారు. శాఖాపరమైన విచారణ పూర్తయ్యేవరకు అతనిపై సస్పెన్షన్ కొనసాగనున్నట్టు పోలీసు వర్గాలు తెలియచేశాయి.
Share
Annagaru vostaru OTT: ఇట్స్ అఫీషియల్ .. ఓటీటీలోకి కార్తీ 'అన్నగారు వొస్తారు'!
Pak Players: ఆయనవి ఒంటెద్దు పోకడులు, కీలు బొమ్మలాగా ఆడుకున్నాడు..కోచ్ పై ఫిర్యాదు చేసిన పాకిస్తాన్ ప్లేయర్లు
