Sugarcane Juice Offer: ఎండలు మండిపోతున్నాయి. భానుడి భగభగలకు జనం అల్లాడిపోతున్నారు. వేసవి మొదలైందంటే చాలు మనకు విపరీతమైన దాహం వేస్తుంది. గొంతు తడుపుకోవడానికి ఎక్కడ చల్లని పానీయం దొరుకుతుందా అని కళ్లు వెతుకుతుంటాయి. ఈ క్రమంలోనే మనకు రోడ్ల పక్కన కనిపించే అమృతం ‘చెరుకు రసం’. ఒక్క గ్లాస్ తాగితే చాలు, శరీరానికి ఎక్కడ లేని శక్తి వచ్చేస్తుంది. అయితే, ఇప్పుడు హైదరాబాద్లోని ఓ ప్రాంతంలో చెరుకు రసం కోసం జనం క్యూ కడుతున్నారు. దానికి కారణం అక్కడ లీటర్ చెరుకు రసం కేవలం రూ. 25లకే లభిస్తుండటమే! అవును మీరు విన్నది నిజమే..
సాధారణంగా బయట ఒక చిన్న గ్లాసు చెరుకు రసమే 20 నుండి 30 రూపాయలు పలుకుతోంది. కానీ, ఎల్బీ నగర్ పరిధిలోని బి.ఎన్. రెడ్డి నగర్, జెడ్పీ రోడ్డులో ఉన్న కిసాన్ మార్కెట్ వద్ద ఈ అద్భుతమైన ఆఫర్ అందుబాటులో ఉంది. కేవలం 25 రూపాయలకే లీటర్ రసాన్ని అందిస్తుండటంతో స్థానికులు ఎగబడుతున్నారు. మీరు సొంతంగా బాటిల్ తీసుకెళ్తే రూ. 25 మాత్రమే. అదే ఒకవేళ వారే బాటిల్తో కలిపి ఇస్తే రూ.32 తీసుకుంటున్నారు.
తక్కువ ధరకే స్వచ్ఛమైన చెరుకు రసం లభిస్తుండటంతో జనం కుప్పలు తెప్పలుగా తరలివస్తున్నారు. లీటర్ల కొద్దీ బాటిళ్లలో నింపుకొని వెళ్తున్నారు. ‘ఇంత తక్కువ ధరకు లీటర్ రసం రావడం అంటే గిఫ్ట్ లాంటిదే’ అని కొనుగోలుదారులు సంతోషం వ్యక్తం చేస్తున్నారు. ఇంకెందుకు ఆలస్యం? మీరు కూడా ఆ రూట్లోకి వెళ్తుంటే ఓ బాటిల్ పట్టుకెళ్లి చల్లని చెరుకు రసాన్ని ఆస్వాదించండి!
Also Read: కాంగ్రెస్కు కవిత కౌంటర్ బడ్జెట్.. రూ. 2.23 లక్షల కోట్లతో మైండ్ బ్లాకింగ్ ప్లాన్!
Share
KCR : సారు అసెంబ్లీకి వస్తారా? ఎత్తిన జీతం తిరిగిచ్చేస్తారా?
New ATM Rules: ఏటీఎం మనీ విత్ డ్రా పై కొత్త రూల్స్.. ఏప్రిల్ 1 నుంచి అమల్లోకి
