Madhapur SI Arrest: హైదరాబాద్‌లోని మాదాపూర్ పోలీస్ స్టేషన్‌లో జరిగిన ఏసీబీ సోదాలు స్థానికంగా పెద్ద సంచలనం సృష్టించాయి. విధి నిర్వహణలో నిజాయితీగా ఉండాల్సిన ఓ బాధ్యతాయుతమైన పోలీస్ అధికారి లంచం తీసుకుంటూ ఏసీబీ అధికారులకు రెడ్ హ్యాండెడ్‌గా పట్టుబడటం చర్చనీయాంశమైంది.
మాదాపూర్ పోలీస్ స్టేషన్‌లో సబ్ ఇన్‌స్పెక్టర్ (SI)గా పనిచేస్తున్న వినయ్, ఒక చీటింగ్ కేసుకు సంబంధించి నిందితుడికి అనుకూలంగా వ్యవహరించేందుకు లంచం డిమాండ్ చేశారు. సదరు నిందితుడిని జైలు శిక్ష నుండి తప్పించేందుకు లేదా కేసు తీవ్రతను తగ్గించేందుకు సాయం చేస్తానని నమ్మబలికి.. అందుకు ప్రతిఫలంగా రూ.50 వేలు ఇవ్వాలని కోరారు.
లంచం ఇవ్వడం ఇష్టం లేని బాధితుడు ఈ విషయంపై ఏసీబీ అధికారులను ఆశ్రయించారు. బాధితుడి ఫిర్యాదు మేరకు రంగంలోకి దిగిన ఏసీబీ అధికారులు పక్కా ప్రణాళిక రచించారు. మాదాపూర్ పోలీస్ స్టేషన్ పరిధిలో ఎస్ఐ వినయ్ బాధితుడి నుండి ఆ నగదును తీసుకుంటుండగా.. ఏసీబీ బృందం మెరుపు దాడి చేసి ఆయనను రెడ్ హ్యాండెడ్‌గా పట్టుకుంది.
ఎస్ఐ వినయ్ వద్ద నుండి లంచం సొమ్మును స్వాధీనం చేసుకున్న అధికారులు.. ఆయన చేతులకు కెమికల్ టెస్ట్ నిర్వహించి అవినీతికి పాల్పడినట్లు నిర్ధారించుకున్నారు. అనంతరం మాదాపూర్ పోలీస్ స్టేషన్‌లో సోదాలు నిర్వహించి.. కేసులకు సంబంధించిన కీలక పత్రాలను పరిశీలించారు. నిందితుడైన ఎస్ఐని అదుపులోకి తీసుకుని ఏసీబీ ప్రత్యేక కోర్టులో హాజరుపరిచేందుకు చర్యలు చేపట్టారు.
రూ.50 వేలు లంచం తీసుకుంటూ ఏసీబీకి చిక్కిన మాదాపూర్ ఎస్ఐ వినయ్
Madapur SI Vinay caught by ACB while accepting a bribe of ₹50,000. https://t.co/aUk9ebiNkc pic.twitter.com/JRrx708Rxq
— BIG TV Breaking News (@bigtvtelugu) February 10, 2026
Share
Treasure: ఇంటి పునాది తవ్వుతుండగా బయటపడిన బంగారం.. నిధి మాత్రం కాదు
Bun Dosa Recipe: దూది లాంటి మెత్తని బన్ దోశ.. బ్రేక్ఫాస్ట్లోకి దీనికి మించిన బెస్ట్ ఆప్షన్ లేదు!
