కేసీఆర్ ఫామ్‌హౌస్ నీటి కథేంటి? విచారణకు ఎంపీ చామల డిమాండ్!

MP Chamala: మాజీ సీఎం కేసీఆర్ ఫామ్ హౌస్‌కు నీటి పంపిణీ, మళ్లింపు వ్యవహారంపై సమగ్ర ఎంక్వైరీ జరిపించాలని భువనగిరి ఎంపీ చామల కిరణ్ కుమార్ రెడ్డి డిమాండ్ చేశారు. ఈ మేరకు ఆయన రాష్ట్ర నీటిపారుదల ఇరిగేషన్ శాఖ కార్యదర్శికి గురువారం అధికారిక లేఖ రాశారు. ప్రజా శ్రేయస్సు, రైతు సంక్షేమం, తాగునీటి అవసరాల కోసం ఏర్పాటు చేసిన లిఫ్ట్ ఇరిగేషన్ స్కీమ్‌ను కేసీఆర్ తన వ్యక్తిగత ఫామ్ హౌస్ అవసరాల కోసం దుర్వినియోగం చేశారని ఎంపీ తన లేఖలో ఆరోపించారు.

కొండపోచమ్మ సాగర్ నుంచి పాండురంగ చెరువుకు, అక్కడి నుంచి నేరుగా కేసీఆర్ ఫామ్ హౌస్‌కు నీటిని ఏ విధంగా తరలించారనే దానిపై పూర్తిస్థాయిలో దర్యాప్తు జరిపించాలని ఎంపీ ఆయన కోరారు. ప్రజాధనం దుర్వినియోగం వెలికితీసేలా విచారణ ఈ ప్రాజెక్టుకు సంబంధించిన అన్ని రికార్డులను, నివేదికలను ఆఫీసర్లు నిష్పాక్షికంగా పరిశీలిస్తే ప్రజాధనం ఎంత మేర దుర్వినియోగానికి గురైందో స్పష్టమైన లెక్కలు బయటకు వస్తాయని ఎంపీ పేర్కొన్నారు.

Also Read: ఏసీబీకి చిక్కిన అవినీతి అధికారులు.. ఏకంగా రూ.39 లక్షలకు పైగా లంచం వసూల్!

కలెక్టర్లు , సంబంధిత ఇరిగేషన్ అధికారులతో మాట్లాడి, వీలైనంత త్వరగా ఈ నీటి మళ్లింపు వ్యవహారంపై దర్యాప్తు పూర్తి చేయాలని ఎంపీ చామల పట్టుబట్టారు. నిబంధనలను ఉల్లంఘించి ప్రజాధనాన్ని స్వప్రయోజనాలకు వాడుకున్న బాధ్యులపై చట్టప్రకారం కఠిన చర్యలు తీసుకోవాలని చామల కిరణ్ కుమార్ రెడ్డి లేఖ ద్వారా విజ్ఞప్తి చేశారు.

Also Read: ఒక్కటి కాదు.. ఏకంగా 8 సినిమాలు! జంధ్యాలతో నరేష్ జర్నీమామూలుది కాదుగా !