MP Chamala: భువనగిరి ఎంపీ చామల కిరణ్ కుమార్ రెడ్డి, మాజీ మంత్రి హరీష్ రావు మధ్య సాగుతున్న మాటల యుద్ధం ఇప్పుడు తెలంగాణ రాజకీయాల్లో హాట్ టాపిక్గా మారింది. ముఖ్యమంత్రి రేవంత్ రెడ్డిపై హరీష్ రావు చేస్తున్న విమర్శలను చామల తీవ్రంగా తిప్పికొట్టారు. రాజకీయాల్లో విమర్శలు సహజమే కానీ, హరీష్ రావు వ్యాఖ్యలు కేవలం అసూయతో కూడుకున్నవని ఆయన మండిపడ్డారు.
కేంద్ర మంత్రి శ్రీనివాస వర్మ ఆహ్వానం మేరకు సీఎం రేవంత్ రెడ్డి బ్రేక్ ఫాస్ట్ మీటింగ్కు వెళ్లడాన్ని హరీష్ రావు తప్పుబట్టడంపై చామల ఘాటుగా స్పందించారు. రాష్ట్ర ప్రయోజనాల కోసం, ముఖ్యంగా బయ్యారంలో గ్రీన్ స్టీల్ ప్లాంట్ ఏర్పాటు వంటి కీలక అంశాలపై చర్చించేందుకే సీఎం అక్కడికి వెళ్లారని ఆయన స్పష్టం చేశారు. ‘గతంలో మీరు వేరే పార్టీ నేతల ఇళ్లకు వెళ్లలేదా?’ అని ప్రశ్నిస్తూ హరీష్ రావు ద్వంద్వ నీతిని ఎండగట్టారు. హరీష్ రావుకు తన మామ తర్వాత తానే సీఎం కావాలనే ఆశ ఉండేదని, కానీ అధికారం పోవడంతో ఆ కలను తెలంగాణ ప్రజలు చెరిపేశారని చామల ఎద్దేవా చేశారు.
ఇక హరీష్ రావు వాడిన ‘హైబ్రిడ్, క్రాస్ బ్రీడ్’ వంటి పదాలపై చామల మరింత సీరియస్ అయ్యారు. అసలైన క్రాస్ బ్రీడ్ రాజకీయం చేసింది బీఆర్ఎస్సేనని, కాంగ్రెస్ను దెబ్బతీయడం కోసం తన ఓట్లను బీజేపీకి ధారాదత్తం చేసి 8 మంది బీజేపీ ఎంపీల గెలుపుకు బీఆర్ఎస్ సహకరించిందని ఆరోపించారు. రాష్ట్ర అభివృద్ధి కంటే కేవలం కాంగ్రెస్ను బద్నాం చేయడమే లక్ష్యంగా హరీష్ రావు రోజుకో మాట మాట్లాడుతున్నారని ఆగ్రహం వ్యక్తం చేశారు.
అటు పార్లమెంట్లోనూ తెలంగాణ ఆత్మగౌరవం కోసం తాము పోరాడుతున్నామని చామల గుర్తుచేశారు. తేజస్వి సూర్య తెలంగాణపై చేసిన అనుచిత వ్యాఖ్యలను రికార్డుల నుంచి తొలగించాలని స్పీకర్ను కలిసి ఫిర్యాదు చేశామని, మకర్ ద్వార్ వద్ద ఆందోళన కూడా చేపట్టామని చెప్పారు. కేసీఆర్ ఫామ్హౌస్కే పరిమితం కావాలని, రేవంత్ రెడ్డి పాలన కొనసాగాలని ప్రజలు కోరుకుంటున్నారని, హరీష్ రావు ఇకనైనా తన పాత చరిత్రను గుర్తు తెచ్చుకుంటే మంచిదని హితవు పలికారు.
Also Read: అనకాపల్లి స్టేషన్లో కుప్పకూలిన బ్రిడ్జి.. రైల్వే ట్రాక్ క్లోజ్!
హరీష్ రావుకు ఎంపీ చామల కిరణ్ కుమార్ రెడ్డి కౌంటర్
కేంద్రమంత్రి భూపతి రాజు శ్రీనివాస వర్మ బ్రేక్ ఫాస్ట్ మీటింగ్ కు పిలిస్తే సీఎం రేవంత్ రెడ్డి వెళ్లారని హరీష్ రావు తప్పుపడుతున్నారు
బయ్యారంలో గ్రీన్ స్టీల్ ప్లాంట్ ఏర్పాటు చేయాలని సీఎం రేవంత్ రెడ్డి ఇద్దరు కేంద్ర మంత్రులకు వినతి… pic.twitter.com/l6nfW7THa2
— BIG TV Breaking News (@bigtvtelugu) April 18, 2026
Share
భారత్ కు బిగ్ రిలీఫ్.. మరో నెల రోజులు నో టెన్షన్.. రష్యా చమురుపై ఆంక్షలు సడలింపు
ప్రియాంక సింప్లిసిటీపై ప్రశంసలు! ఆమె భాషే కాదు.. వేషధారణా భేష్!!
