మెదక్ జిల్లాలో వింత ఘటన.. కుక్క పిల్లలకు పాలిస్తున్న వరాహం

Pig Mother: సాధారణంగా కుక్కలు, పందులు ఒకదానికొకటి దూరంగా ఉండే జంతువులు. కుక్కలు పందులపై దాడి చేయడం. వాటిని చూసి పందులు పరుగులు తీయడం మనం తరచూ చూస్తుంటాం. కానీ నర్సాపూర్‌లో మాత్రం ఇందుకు పూర్తి భిన్నమైన ఘటన చోటుచేసుకుంది.

తల్లి లేని ఆ కుక్క పిల్లలు..

నర్సాపూర్ మున్సిపల్ పరిధిలోని 15వ వార్డు మన్నెవారి వీధిలో ఓ వరాహం కుక్క పిల్లలకు తల్లిగా మారింది. కుక్క పిల్లలకు జన్మనిచ్చిన తల్లి కుక్క కొన్ని రోజుల క్రితం మృతి చెందడంతో.. తల్లి లేని ఆ కుక్క పిల్లలు ఆకలితో అలమటిస్తున్నాయి. ఈ పరిస్థితిని చూసిన ఓ వరాహం.. ఆ కుక్క పిల్లలను అక్కున చేర్చుకుని, వాటికి తన పాలు ఇస్తూ మాతృత్వాన్ని చాటుతోంది. గత నాలుగు రోజులుగా వరాహం కుక్క పిల్లలకు క్రమం తప్పకుండా పాలు ఇస్తున్నట్లు స్థానికుడు సుధీర్ కుమార్ గౌడ్ తెలిపారు.

Also read: హాట్ సీన్స్… అంతకుమించిన థ్రిల్… యూత్‌కి పూనకాలు తెప్పించే బోల్డ్ ఎరోటిక్ కామెడీ డ్రామా

స్థానికులు ఆశ్చర్యం..

సాధారణంగా జంతువుల మధ్య కనిపించే సహజ విరోధానికి భిన్నంగా.. ఈ వరాహం కుక్క పిల్లలను తన పిల్లలుగా భావించి ఆదుకోవడం స్థానికులను ఆశ్చర్యానికి గురిచేసింది. ఈ అరుదైన దృశ్యాన్ని చూసిన కాలనీవాసులు.. జంతువుల్లోనూ ప్రేమ, ఆప్యాయత, మాతృత్వానికి జాతి భేదాలు అడ్డుకావని ఈ ఘటన మరోసారి నిరూపించిందని అంటున్నారు. తల్లి కోల్పోయిన కుక్క పిల్లలకు.. మరో జాతికి చెందిన వరాహం తల్లిగా మారిన ఈ ఘటన ప్రస్తుతం నర్సాపూర్‌లో చర్చనీయాంశంగా మారింది.

Also read: ఈ వారం ఓటీటీలో పండగే పండగ… తెలుగులో ఏకంగా 6 సూపర్ హిట్ సినిమాలు