Telangana Municipal Elections 2026: తెలంగాణ రాష్ట్రంలో 11వ తేదీన జరగనున్న మున్సిపల్ ఎన్నికల నేపథ్యంలో రాజకీయ వాతావరణం ఒక్కసారిగా వేడెక్కింది. ఎన్నికల కౌంటింగ్ 13వ తేదీన ముగియనుండగా, కేవలం రెండు రోజుల వ్యవధిలోనే అంటే 16వ తేదీన మేయర్, డిప్యూటీ మేయర్, మున్సిపల్ చైర్పర్సన్ల ఎంపిక జరగనుంది. ఈ తక్కువ సమయంలోనే అన్ని ప్రధాన రాజకీయ పార్టీలు తమ పట్టు నిలుపుకోవడానికి ప్రచారాన్ని ముమ్మరం చేశాయి.
మున్సిపల్ ఎన్నికల కౌంటింగ్ ముగిసిన తర్వాత ఈ నెల 16న మేయర్, డిప్యూటీ మేయర్లతో పాటు మున్సిపల్ చైర్పర్సన్, వైస్ చైర్పర్సన్ ఎన్నికలు నిర్వహించనున్నట్లు రాష్ట్ర ఎన్నికల కమిషన్ వెల్లడించింది. ఈ పరోక్ష ఎన్నికల (Indirect Elections) కోసం అవసరమైన ప్రతి అంశంపై ప్రత్యేక దృష్టి సారించాలని సీడీఎంఏ (CDMA) తో పాటు జిల్లా కలెక్టర్లను ఎన్నికల సంఘం ఆదేశించింది. స్పెషల్ మీటింగ్ నిర్వహణకు ముందే ఎన్నికకు అవసరమైన అన్ని పత్రాలను మున్సిపల్ కమిషనర్ల దగ్గర సిద్ధం చేసుకోవాలని సూచించింది.
ముఖ్యంగా స్పెషల్ మీటింగ్ సమయంలో రిజర్వేషన్ పత్రాలు, వెబ్ కాస్టింగ్ ఏర్పాటు, పోలీసు బందోబస్తు వంటి అంశాలపై ఎన్నికల కమిషనర్ ప్రత్యేక ఆదేశాలు జారీ చేశారు. సభకు హాజరయ్యే వారిపై నిశిత నిఘా ఉంచాలని, సిట్టింగ్ అరేంజ్మెంట్లను పక్కాగా పర్యవేక్షించాలని అధికారులను కోరారు. ఎన్నికల తేదీ దగ్గరపడుతుండటంతో అన్ని పార్టీలు ఓటర్లను ప్రసన్నం చేసుకునేందుకు తమ వ్యూహాలకు పదును పెడుతున్నాయి.
Share
Prabhas Fauji: ప్రభాస్ ‘ఫౌజి’ అప్డేట్ అదిరింది.. రిలీజ్ ప్లాన్ ఎప్పుడంటే?
Srikakulam Robbery: శ్రీకాకుళంలో దొంగల బీభత్సం.. ఒకే రాత్రి ఐదు ఇళ్లలో భారీ దోపిడీ!
