ప్రయాణీకులకు మెరుగైన ప్రయాణ అనుభవాన్ని అందించేందుకు భారతీయ రైల్వే ఎప్పటికప్పుడు కొత్త నిబంధనలను అందుబాటులోకి తీసుకొస్తుంది. అందులో భాగంగానే పిల్లల టిక్కెట్లను బుక్ చేసుకునే విధానంలో కీలక మార్పులు చేసింది. ఒకవేళ మీరు చిన్న పిల్లలో రైలు ప్రయాణం చేయాలనుకుంటే కొన్ని కీలక విషయాల గురించి కచ్చితంగా తెలుసుకోవాల్సింది. నిజానికి బస్సులు, రైళ్లలో 5 ఏళ్ల లోపు వయసున్న పిల్లలకు ఉచితంగా ప్రయాణించే అవకాశం కల్పిస్తారు. అయితే, పిల్లలకు స్పెషల్ సీటు లేదంటే బెర్త్ కావాలంటే ఈ రూల్స్ కచ్చితంగా పాటించాల్సిందే. ఇంతకీ అవేంటో ఇప్పుడు తెలుసుకునే ప్రయత్నం చేద్దాం..
రైల్వే టిక్కెట్లు బుక్ చేసేటప్పుడు ప్రయాణీకులకు ఎటువంటి ఇబ్బందులు ఉండకుండా చూసుకోవడానికి వయస్సు ఆధారంగా పిల్లల టిక్కెట్ల జారీకి రైల్వే ప్రత్యేక రూల్స్ అందుబాటులోకి తీసుకొచ్చింది. పిల్లలు 5 సంవత్సరాల కంటే తక్కువ వయస్సు ఉన్నట్లయితే, వారు రైలులో టికెట్ లేకుండా ప్రయాణించడానికి అనుమతించబడతారు. అయితే, వారికి ప్రత్యేకమైన సీటు, బెర్త్ లభించదు. అంటే, పిల్లలను పెద్దలు తమ మీద కూర్చోబెట్టుకుని తీసుకెళ్లవచ్చు. అటు 5 నుంచి 12 సంవత్సరాల వయస్సు గల పిల్లలకు రూల్స్ కాస్త డిఫరెంట్ గా ఉంటాయి. వీరికి బెర్త్ లేదంటే సీటు అవసరం లేకపోతే ‘నో సీట్/నో బెర్త్’ ఆప్షన్ ను ఎంచుకోవచ్చు. వారు సగం ఛార్జీతో ప్రయాణించడానికి అనుమతించబడతారు. అలా కాకుండా పిల్లలకు కూడా సీటు, లేదంటే బెర్త్ కావాలనుకుంటే మీరు టిక్కెట్ కు అయ్యే పూర్తి ఛార్జీని చెల్లించాల్సి ఉంటుంది. ఇక 12 సంవత్సరాల కంటే ఎక్కువ వయస్సు ఉన్న పిల్లలను రైల్వే పూర్తి పెద్దలుగా పరిగణిస్తుంది. వారికి టిక్కెట్ ధరలు సాధారణ ప్రయాణీకుల మాదిరిగానే ఉంటాయి. బుకింగ్ చేసేటప్పుడు పిల్లలకు సరైన వయస్సు, సీటు ఎంపికను ఎంచుకోవడం చాలా ముఖ్యం. ఏమాత్రం పొరపాటు చేసినా, టికెట్ రద్దు కావడంతో పాటు జరిమానా విధించే అవకాశం ఉంటుంది.
Read Also: ఇంటర్నెట్ లేకున్నా ట్రైన్ PNR స్టేటస్ తెలుసుకోవచ్చు, ఎలాగంటే?
మీరు పిల్లలతో రైలులో ప్రయాణించాలని ప్లాన్ చేస్తుంటే.. కొన్ని కీలక అంశాలను గుర్తుంచుకోవాలి. ముందుగా టిక్కెట్ బుకింగ్ చేసేటప్పుడు పిల్లలకు సంబంధించి సరైన వయస్సును ఎంటర్ చేయాలి. IRCTC వెబ్ సైట్, యాప్ లో బుకింగ్ చేసేటప్పుడు వయస్సును తప్పుగా నమోదు చేస్తే టికెట్ చెల్లుబాటు కాదు. ప్రయాణ సమయంలో పిల్లల వయస్సు ధృవీకరణ కోసం ఆధార్ కార్డు తీసుకెళ్లడం మంచిది. ఎందుకంటే రైల్వే టీసీ పిల్లల ఏజ్ ప్రూఫ్ అడిగే అవకాశం ఉంటుంది. చిన్న పిల్లల కోసం అవసరమైన మందులు, నీరు, ఆహారం ఉన్న తేలికైన, సౌకర్యవంతమైన బ్యాగ్ ను తీసుకెళ్లడం మంచిది. ఈ సింపుల్ టిప్స్ పిల్లలతో వెళ్లే ఫ్యామిలీ మెంబర్స్ కు ఎంతో ఉపయోగకరంగా ఉంటాయి.
Read Also: ఆ రూట్లో కొత్త వందే భారత్.. ఏకంగా 5 గంటల సమయం ఆదా!
Share
Modi Biopic: మోదీ బయోపిక్ లో కేజీఎఫ్ బ్యూటీ.. ఏ పాత్రకో తెలుసా?
Bollywood: హాస్పిటల్లో చేరిన మరో నటుడు..61 ఏళ్ల వయసులో
