UGADI PANCHANGAM: ఉగాది పండుగ నుంచి తెలుగు నూతన సంవత్సరం ప్రారంభం కాబోతుంది. ఈ నూతన సంవత్సరం పేరు శ్రీ పరాభవ నామ సంవత్సరం. ఈ సంవత్సరం మొత్తం పంచాంగం ఎలా ఉండబోతుంది. అనే విషయాలు ఇప్పుడు తెలుసుకుందాం.
శ్రీ పరాభవ నామ సంవత్సరం (2026-2027) మార్చి 19, 2026న ఉగాదితో ప్రారంభమై ఏప్రిల్ 6, 2027 వరకు కొనసాగుతుంది. ఇది 60 తెలుగు సంవత్సరాలలో 40వ సంవత్సరం. ఈ ఏడాది పరాభవం అంటే ఓటమి కాదు, అహంకారాన్ని జయించి.. జ్ఞానాన్ని పొందే కాలంగా పండితులు చెబుతున్నారు. ఈ సంవత్సరంలో ప్రజలకు ధర్మంపై ఆసక్తి కలుగుతుందని.. నూతన మార్పులు చోటు చేసుకుంటాయని.. అలాగే అజ్ఞానంపై జ్ఞానం విజయం సాధిస్తుందని పండితులు చెప్తున్నారు. తెలుగు సంవత్సరం పేరులో పరాభవం ఉన్నా.. ఈ ఏడాది మాత్రం గ్రహస్థితులు అద్బుతంగా ఉన్నాయని చెప్తున్నారు. అలాగే ప్రజలపై కూడా దేవుడి అనుగ్రహం అత్యంత అద్భుతంగా ఉంటుందని సూచిస్తున్నారు.
శ్రీ పరాభవ నామ సంవత్సరం ప్రత్యేకత: సాధారణంగా పరాభవం అంటే తెలుగులో ఓటమి అని అర్థం వస్తుంది. అయితే ఈ ఓటమి అనేది చెడుకు వస్తుందని మంచికి విజయం దక్కుతుందని పండితులు చెప్తున్నారు. ఆధ్యాత్మికంగా ఇది అహాన్ని ఓడించి.. విజయాన్ని అందించే పవిత్ర సమయమని సూచిస్తున్నారు. ఈ పరాభవ నామ సంవత్సరంలో మంచి పనులు చేయాలనే పట్టుదల ఉన్న వాళ్లకు విజయం చేకూరుతుందట. అలాగే బీదలకు పేదలకు సేవ చేయాలనే గుణం కలిగిన వారికి అందుకోసం అహర్నిశలు కృషి చేసే వారికి కూడా విజయాలు వరిస్తాయని చెప్తున్నారు.
రాజ్యాధికార చక్రం – ఎవరి ప్రభావం ఎలా ఉంటుంది: ఈ పరాభవ నామ సంవత్సరంలో 7 శుభ గ్రహాలు, కేవలం 2 పాప గ్రహాల ప్రభావం మాత్రమే ఉందట. దీంతో ఇది చాలా అరుదైన మరియు శుభప్రదమైన నిష్పత్తిగా వర్ణిస్తున్నారు పండితులు.
రాజు: గురువు (Jupiter): ఈ సంవత్సరం రాజు గురుగ్రహం అయ్యిందట. దీంతో గురువు చేతిలో పరిపాలన ఉంటే ఎలా ఉంటుందో ఊహించుకోవచ్చు అంటున్నారు. ధర్మం, న్యాయం, విద్య మరియు ఆధ్యాత్మిక రంగాలకు ఈ పరాభవ నామ సంవత్సరం స్వర్ణయుగం లాంటిది అవుతుందంటున్నారు.
మంత్రి: కుజుడు (Mars): ఈ సంవత్సరం మంత్రి కుజుడు అవ్వడంతో రాష్ట్ర, దేశ, ప్రపంచ రాజకీయాలు వాడీవేడీగా ఉంటాయట. అలాగే దేశాల సరిహద్దుల్లో ఘర్షణ వాతావరణాలు నెలకొంటాయట.
సేనాధిపతి & మేఘాధిపతి: చంద్రుడు (Moon): ఈ సంవత్సరం సేనాధిపతి, మేఘాధిపతి చంద్రుడట. చంద్రుడు అంటే చల్లదనానికి ప్రతీక. అందుకే ఈ సంవత్సరం సమృద్దిగా వర్షాలు కురుస్తాయట. అలాగే జల వనరులు పుష్కలంగా ఉంటాయట.
సస్యాధిపతి: శుక్రుడు (Venus): భాగ్య కారకుడైన శుక్రుడు ఈ సంవత్సరం సస్యాధిపతి అయ్యాడట. దీంతో ఈ సంవత్సరం పంటలు బాగా పండుతాయట. కళలు, వినోద రంగాలు చాలా బాగా అభివృద్ది చెందుతాయట.
ఒక్కమాటలో చెప్పాలంటే ఈ సంవత్సరం వ్యవసాయం అత్యద్భుతంగా ఉంటుందట. ఆర్థిక రంగం చాలా అనుకూలంగా ఉంటుందట. దేశరక్షణ అద్బుతంగా ఉంటుందట. అయితే రాజకీయ రంగంలో మాత్రం మిశ్రమంగా ఉంటుందట. ఈ సంవత్సరం పేరు పరాభవం అయినా మంచి విషయాల్లో మాత్రం అన్ని విజయాలే ఉంటాయట.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Nethi Bobbatlu: నోరూరించే ‘నేతి బొబ్బట్లు’.. పక్కా కొలతలతో ఇలా చేసుకుంటే టేస్ట్ అదిరిపోద్ది!
Putta Mahesh Drug Case: పుట్టా మహేష్ డ్రగ్స్ కేసు టీడీపీకి పెద్ద సవాల్.. అధిష్టానం పరిగణలోకి తీసుకుంటుందా?
