Flying Motorcycle- LEO Solo JetBike: ఖాళీ రోడ్ల మీద బైక్ రైడ్ అంటే సరదాగా ఉంటుంది. ట్రాఫిక్ జామ్ ఏర్పడితేనే చిరాకేస్తుంది. హైదరాబాద్, బెంగళూరు లాంటి నగరాల్లో బైక్ జర్నీ అంటే తల ప్రాణం తోకకు వస్తుంది. ఈ ఇబ్బందుల నుంచి బయటపడేసేందుకు అమెరికాకు చెందిన LEO Solo JetBikeను రూపొందించింది అమెరికాకు చెందిన LEO Flight కంపెనీ. ఇది సాధారణ మోటార్ సైకిల్ కాదు. ఎగిరే పర్సనల్ eVTOL (ఎలక్ట్రిక్ వర్టికల్ టేకాఫ్ అండ్ ల్యాండింగ్) వెహికిల్. రోటర్లకు బదులు 48 డక్టెడ్ ఎలక్ట్రిక్ మైక్రోజెట్ ఫ్యాన్స్ ఉపయోగించి ఎగురుతుంది. సైన్స్ ఫిక్షన్ లాంటి డిజైన్ ను కలిగి ఉంటుంది. కానీ, రిక్రియేషనల్ జాయ్ రైడ్ కోసం రూపొందించింది.
ఈ బైక్ 48 ఎలక్ట్రిక్ డక్టెడ్ ఫ్యాన్స్ (మైక్రోజెట్స్) తో పైకి ఎగురుతుంది. ప్రొపెల్లర్లు లేవు. సేఫ్టీ ఎక్కువగా ఉంటుంది. సాలిడ్ స్టేట్ బ్యాటరీస్ తో రానుంది.ఇందులో అధునాతన టెక్నాలజీని ఉపయోగిస్తుంది. ఒక్క ఛార్జ్ కు 10 నుంచి 15 నిమిషాల పాటు గాల్లో ఎగిరే అవకాశం ఉంటుంది. ఆప్టిమల్ కండిషన్స్ లో సుమారు 15 మైళ్ల రౌండ్ ట్రిప్ వేసే అవకాశం ఉంటుంది. దీని టాప్ స్పాట్ గంటకు 96 కిలో మీటర్లు ఉంటుంది. మాక్సిమమ్ ఆల్టిట్యూడ్ 15 ఫీట్ల వరకు ఉంటుంది. గ్రౌండ్ ఎఫెక్ట్ హోవరింగ్ కోసం ఈ పరిధిని రూపొందించారు. దీని సైజు సుమారు 2×2 మీటర్లు ఉంటుంది. సాధారణ గ్యారేజీలో పార్క్ చేయవచ్చు. సీటింగ్ విషయానికి వస్తే, సింగిల్ సీట్ ఉంటుంది. ఒక్కరు మాత్రమే ప్రయాణించే అవకాశం ఉంటుంది. జాయిస్టిక్స్ తో సెమీ-రిక్లైన్డ్ పొజిషన్ కంట్రోల్స్ ఉంటాయి. నాయిస్ సుమారు 80 డెసిబెల్స్ ఉంటుంది. రెగ్యులేషన్స్ విషయానికి వస్తే US FAA Part 103 అల్ట్రాలైట్ కేటగిరీ కిందికి వస్తుంది. దీనికి పైలట్ లైసెన్స్ అవసరం లేదు.
ఎగిరే బైక్ బేస్ ప్రైస్ సుమారు $99,900 (రూ. 85 లక్షల దాకా) ఉంటుందని భావిస్తున్నారు. ప్రీ ఆర్డర్ బుకింగ్ ఓపెన్ అయ్యింది. రిఫండబుల్ డిపాజిట్ $999. 2025లోనే ప్రొడక్షన్ మొదలుకావాల్సి ఉంది. కానీ, కొంత డిలే అయ్యింది. సాలిడ్ స్టేట్ బ్యాటరీస్ సమస్య వల్ల ఆలస్యం అయ్యింది. ఇంకా ప్రోటోటైప్ స్టేజ్లోనే ఉంది. మాస్ డెలివరీస్ ఆలస్యం కావచ్చు.
Read Also: క్రాష్ టెస్ట్ లో దుమ్మురేపిన టయోటా హిలక్స్, ఏకంగా ఎన్ని పాయింట్స్ సాధించిందంటే..
ఈ ఎగిరే మోటార్ సైకిల్ డైలీ ట్రాన్స్ పోర్ట్ కోసం కాకుండా, అడ్వెంచర్, జాయ్రైడ్, బ్రాగింగ్ రైట్స్ కోసం రూపొందిస్తున్నట్లు కంపెనీ వెల్లడించింది. ప్రస్తుతం ప్రోటోటైప్ టెస్టింగ్ లో స్టేబుల్ హోవరింగ్ చూపించింది. త్వరలోనే ప్రొడక్షన్ ప్రారంభం కానుంది. ముందుగా ఈ ఎగిరే మోటార్ సైకిళ్లు అమెరికాలో అందుబాటులోకి రానున్నాయి. ఆ తర్వాత ఇతర దేశాలకు పరిచయం కానున్నాయి.
Read Also: దేశీ మార్కెట్లో నెక్సాన్ ఈవీ దూకుడు, అమ్మకాల్లో సరికొత్త రికార్డు!
Share
Medaram Jatara 2026: 200 ఏళ్లు చెక్కుచెదరని శిలా నిర్మాణం.. మేడారంలో సీఎం రేవంత్ యజ్ఞం: మంత్రులు సీతక్క, పొంగులేటి
Insulin Resistance: ఇన్సులిన్ రెసిస్టెన్స్ అంటే ఏమిటి? దీనికోసం డయాబెటిక్ రోగులు ఏం తినాలి?
