Cheapest Electric Cars: టాటా To ఎంజీ.. ఇండియాలో చౌకైన 5 ఎలక్ట్రిక్ కార్లు ఇవే!

Budget Friendly EVs 2026: ఇండియన్ మార్కెట్ లోకి రోజు రోజు సరికొత్త ఎలక్ట్రిక్ కార్లు అందుబాటులోకి వస్తున్నాయి. లగ్జరీ కార్ల నుంచి చౌకైన కార్ల వరకు ప్రస్తుతం అందుబాటులో ఉన్నాయి. లగ్జరీ ఈవీల గురించి కాసేపు పక్కన పెడితే, ప్రస్తుతం భారత్ లో అందుబాటులో ఉన్న అత్యంత చౌకైన ఎలక్ట్రిక్ కార్ల గురించి ఇప్పుడు తెలుసుకునే ప్రయత్నం చేద్దాం. వీటిలో టాటా నుంచి ఎంజీ వరకు పలు కంపెనీలకు చెందిన మోడల్స్ ఉన్నాయి.

భారత్ లో 5 చౌకైన ఎలక్ట్రిక్ కార్లు

⦿ MG కామెట్ EV: ఈ కారు ధర సుమారు రూ.6.24 లక్షల నుంచి రూ. 9.98 లక్షల వరకు ఉంటుంది. ఇది దేశంలోనే అత్యంత చౌకైన ఎలక్ట్రిక్ కారు. 2 డోర్ల మైక్రో EVగా మార్కెట్ లోకి అడుగు పెట్టింది. నగర ప్రయాణాలకు, పార్కింగ్‌ కు చాలా అనుకూలంగా ఉంటుంది. ఒకే ఛార్జ్ తో సుమారు 230 కి.మీ నుంచి 250 కి.మీ వరకు ప్రయాణించే అవకాశం ఉంటుంది.

⦿ టాటా టియాగో EV: ఈ కారు ధర సుమారు రూ. 7.5 లక్షల నుంచి రూ. 9 లక్షల వరకు ఉంటుంది. ఈ కారు 4 డోర్ల హ్యాచ్‌ బ్యాక్ గా అందుబాటులోకి వచ్చింది. ఇది రోజువారీ అవసరాలకు అత్యంత ప్రాచుర్యం పొందిన బడ్జెట్ EVగా గుర్తింపు తెచ్చుకుంది. ఈ కారు ఒకే ఛార్జ్ తో సుమారు 250 – 315 కి.మీ రేంజ్ ను అందిస్తుంది.

⦿ టాటా పంచ్ EV: ఈ కారు ధర రూ. 9.99 లక్షల నుంచి రూ. 14.44 లక్షల వరకు ఉంటుంది. ఇది చౌకైన 5 సీటర్ ఎలక్ట్రిక్ SUV. 5 స్టార్ సేఫ్టీ రేటింగ్ కలిగి ఉంది. ఇది మంచి ఫీచర్లు, లాంగ్ రేంజ్ ప్రయాణాలకు అనుకూలంగా ఉంటుంది. ఒకే ఛార్జ్ తో ఈ కారు సుమారు 300 కి.మీ నుంచి 400 కి.మీ వరకు ప్రయాణిస్తుంది.

⦿ సిట్రోయెన్ eC3: ఈ కారు ధర సుమారు రూ. 9.5 లక్షల నుంచి రూ. 10 లక్షల వరకు ఉంటుంది. ఇది హ్యాచ్‌ బ్యాక్ గా అందుబాటులోకి వచ్చింది. విశాలమైన ఇంటీరియర్, బాక్సీ డిజైన్‌తో వస్తుంది. ఈ కారు ఒకే ఛార్జ్ తో సుమారు 320 కి.మీ వరకు ప్రయాణం చేసే అవకాశం ఉంటుంది.

⦿ టాటా టిగోర్ EV: ఈ ఎలక్ట్రిక్ కారు ధర సుమారు రూ. 12.49 లక్షల నుంచి రూ. 13.75 లక్షల వరకు ఉంటుంది. బడ్జెట్ ధరలో లభించే ఒకే ఒక్క సెడాన్ EV ఇదే. పెద్ద బూట్ స్పేస్ ను కలిగి ఉంటుంది. అంతేకాదు, ఒకే ఛార్జ్ తో ఈ కారు ఏకంగా 315 కి.మీ వరకు ప్రయాణం చేసే అవకాశం ఉంటుంది.