India’s cheapest CNG Car 2026: దేశంలో చాలా మంది కొనుగోలుదారులు మంచి మైలేజ్, ఫీచర్లతో బడ్జెట్ ఫ్రెండ్లీ కార్లను ఇష్టపడుతున్నారు. పెరుగుతున్న ఇంధన ఖర్చులను తగ్గించుకోవడంతో పాటు, సరసమైన రోజువారీ ప్రయాణాలకు మొగ్గు చూపుతున్నారు. CNG కార్లు అన్ని ఇంధన రకాలలో అతక్కువ రన్నింగ్ ఖర్చును కలిగి ఉన్నాయి. దేశంలో అత్యంత సరసమైన CNG మోడల్స్ కొన్ని 30 కి.మీ, అంతకంటే ఎక్కువ మైలేజీని అందిస్తున్నాయి. రోజువారీ నగర ప్రయాణానికి, సుదూర ప్రయాణాలకు అనుకూలంగా ఉన్నాయి.
దేశంలోని పలు CNG కార్లు అద్భుతమైన ఇంధన సామర్థ్యాన్ని కలిగి ఉన్నాయి. మారుతి సుజుకి సెలెరియో CNG మోడ్లో కేజీకి దాదాపు 34.43 కి.మీ ప్రయాణ అవకాశాన్ని కలిగిస్తుంది. ప్రస్తుతం అందుబాటులో ఉన్న అత్యంత ఫ్యూయెల్ ఎఫిషియెన్సీ హ్యాచ్ బ్యాక్ గా గుర్తింపు తెచ్చుకుంది. మారుతి సుజుకి సెలెరియో CNG ధర రూ. 5,97,900 (ఎక్స్ షోరూమ్) నుంచి ప్రారంభం అవుతుంది. ది 5,300 rpm దగ్గర 56.70 PS (41.7 kW) పవర్, 3,400 rpm దగ్గర 82.1 Nm టార్క్ ను అందిస్తుంది.
అటు మారుతి సుజుకి వ్యాగన్ R CNG కూడా సుమారు 34 కిలో మీటర్ల మైలేజ్ ఇస్తుంది. మారుతి సుజుకి ఆల్టో K10 CNG దాదాపు 33.85 కిలో మీటర్ల మైలేజీని ఇస్తున్నాయి. ఈ కార్లు కూడా అత్యంత సరసమైన ధరలకు మార్కెట్ లో అందుబాటులో ఉన్నాయి. వీటి ధరలు సుమారు రూ. 5.7 లక్షల నుంచి రూ. 7.5 లక్షల మధ్య ఉంటుంది.
అధిక సామర్థ్యం గల CNG కార్లు కంప్రెస్డ్ నేచురల్ గ్యాస్తో నడపడానికి అనువుగా ఉండే చిన్న పెట్రోల్ ఇంజిన్లను కలిగి ఉంటాయి. ఆల్టో K10, వ్యాగన్ R మాన్యువల్ గేర్ బాక్స్ తో జత చేయబడిన 1.0-లీటర్ పెట్రోల్ ఇంజిన్ ను కలిగి ఉంటాయి. ఇవి పూర్తి పనితీరు కోసం కాకుండా ప్యూయెల్ ఎఫిషియెన్సీ కోసం రూపొందించబడ్డాయి. ఈ ఇంజన్లు అధిక వేగం కోసం రూపొందించబడనప్పటికీ, నగర డ్రైవింగ్, సున్నితమైన ట్రాఫిక్ పరిస్థితులకు తగినంత శక్తిని అందిస్తాయి. అందుకే, చాలా మంది బడ్జెట్ ఫ్రెండ్లీ వినియోగదారులు వీటిని ఎక్కువగా ఇష్టపడుతారు.
Read Also: ఎర్లీ మార్నింగ్ vs లేట్ నైట్.. ఏ టైమ్ లో డ్రైవింగ్ చేయడం బెస్ట్?
తక్కువ ధరలు ఉన్నప్పటికీ, CNG కార్లు రోజువారీ వినియోగానికి అవసరమైన అన్ని ఫీచర్లను కలిగి ఉంటాయి. ఎయిర్ కండిషనింగ్, పవర్ స్టీరింగ్, ఫ్రంట్ ఎయిర్ బ్యాగ్లు, మ్యూజిక్ సిస్టమ్ లాంటి ప్రాథమిక సౌకర్యాలను అందిస్తాయి. హై స్పెక్ వేరియంట్లలో ఆండ్రాయిడ్ ఆటో, ఆపిల్ కార్ ప్లేతో టచ్ స్క్రీన్ ఇన్ఫోటైన్మెంట్ సిస్టమ్లు, భద్రత కోసం EBDతో ABS, బ్యాక్ పార్కింగ్ సెన్సార్లు ఉంటాయి. మైలేజ్, ఫీచర్లు తొలిసారి కారు కొనుగోలు చేసేవారికి, చిన్న కుటుంబాలకు అనుకూలంగా ఉంటాయి.
Read Also: ఎలక్ట్రిక్ రోడ్లు వచ్చేస్తున్నాయ్, దానిమీద వెళ్తే ఆటోమేటిక్ గా ఈవీలు ఛార్జింగ్ అవుతాయి!
Share
Hardik Pandya Tattoo: కాబోయే భార్య మహికా శర్మకు హార్దిక్ పాండ్యా అదిరిపోయే గిఫ్ట్
BRS Party: కాంగ్రెస్, బీజేపీలకు షాక్.. బెల్లంపల్లి మున్సిపాలిటీలో అనూహ్య మలుపు.. బీఆర్ఎస్ గూటికి కౌన్సిలర్లు!
